عمري ماشوفت حاجة زي كدا.. أحمد مالك يروي كواليس فيلم حارس الذهب.. فيديو

روى أحمد مالك تفاصيل شخصيته في فيلم "حارس الذهب"، قائلا "واجهتني مشكلة تقنية في بداية الأمر وهي أن الشخصية كانت أفغانستانية.
وعقب: "أنا زي أي حد معرفش أفغانستان أوي بسمع عنها في الجرائد وممكن في المدرسة وبس".
وأكمل "مالك" خلال حواره ببرنامج "معكم منى الشاذلي" المذاع على قناة "سي بي سي"، كان لازم اتعرف على ثقافة وتاريخ البلد خاصة وأن الفيلم بيحدث في القرن ال 19، معقبا: كان لازم ادرس الفترة دي من كل النواحي عشان أفهم أنا هعمل أيه.
ومزح أحمد مالك اثناء حديثه عن الفيلم قائلا: "اللي بنى أستراليا كان في الأصل حلواني"، لتعقب عليه منى الشاذلي مازحة: "أحمد انت دلوقتي عالمي".
وأضاف : المناخ في أستراليا غريب جدا ومعظمهم عايش على الساحل.. وجوا في منطقة صحراوية لونها أحمر، معقبا: عمري ما شوفت ارض حمراء وتحتوي على حشائش غريبة.. مش شبه أي حاجة شوفتها في حياتي.