حرصت النجمة زينة على دعم صديقتها الفنانة مي عز الدين، بعد الهجوم الذي تعرضت له مؤخرًا عن مسلسل "البرنسيسة بيسة". ونشرت "زينة" عبر حسابها الرسمي بموقع "إنستجرام" صورتين لمي، وعلقت: "نجمة من أول ما بدأتي، ومسلسلاتك طلعت نجوم دلوقتي بيشتغلوا لوحدهم سواء رجالة أو ستات، مش عارفة أبدأ من السينما في أيظن ولا سلسلة عمر وسلمى مع نجم كبير زي تامر حسني، اللي كسر الدنيا لدرجة إن كل الناس بقت تسمي ولادها عمر وسلمى". وأضافت: "ولا أبدأ من مسلسلاتك الشك ولا دلع بنات ولا حالة عشق اللي عمل نقلة في مشوارك وفي الدراما، كل خطواتك وراها مجهود وتعب وحب لجمهورك اللي بتموتي نفسك علشان ترضيه، واللي بيحبك ومنهم رقم بسيط على حسابك 7000000 مليون ده رقم قليل من محبينك في الوطن العربي كله، واللي بيقدروا مجهودك وتعبك، وعلى فكرة بحب البرنسيسة بيسة وسكسكة وبحبك وكل الناس بتموت فيكي وأولهم السبعة مليون اللي عندك".
