من الجرين ايجلزلا لتراس اهلاوى :"افرح قوى بالقصاص..لبسوها لمظلومين وخرجوا منها الداخلية ..بجد انتوا في منتهي الغباء"

اصدرت رابطة الجرين ايجلز التراس النادى المصرى اول بيان لها على موقع التواصل الاجتماعى فيس بوك اعربوا فيه انه سيذكر التاريخ ان أول حكم قصاص بعد سنتين من الثورة كان حكم على مدنيين أبرياء فى صمت من الجميع لأرضاء الطرف الاكثر عددا . شباب برىء خد اعدام ومجلس عسكرى حصل على قلادات النيل واتكرم !!
و قال البيان "عارفين المحكمة قالت حظر النشرليه بالنسبة للقضية اكيد ناس كتير ما خدتش الجملة وفكرت فيها الكلمة دى احنا هنعرفكم معناها اية".
واشار الي ان "المعنى من كدة ان المحكمة خايفة تتكشف قدام الرأى العام لان فى ناس حصلت علي اعدام بدون تهم ولو الرأى العام شافها هيموت من الدهشة وأحنا معانا ورق تحقيق النيابة اللى قدام القاضى وهنعرفكم خلال ساعات وعلشان كدة احنا متأكدين بالظلم من فترة لأن الورق معانا بس جاء الوقت أن الناس تشوف التهم بورسعيد اليوم تدفع ثمن نجاة مصر من أحداث عنف محققة في باقي أنحاء الجمهورية"و قد قدر الله أن تكون بورسعيد فقط هي من تشتعل.
واكد البيان ان "النظام رمى حتة عضمة علشان يلهيكم بيها بجد انتم فى منتهى الغباء فى عدد كبير من اللى اتحكم عليهم ماحدش منهم عمل حاجة غير انهم هاربين ومن قيادات الاولتراس مبروك عليكم القصاص غير العادل" .
واختتم الجرين ايجلز بيانه قائلا: "افرح قوى بالقصاص لبسوها لمظلومين وخرجوا منها الداخلية افرح قوووى بالقصاص لو فاكر ان حق الناس الى ماتت منكم جبهولكم النظام تبقى عبيط احنا بنأكد وربنا عالم وشاهد أن فى ناس ملهاش ذنب اتحكم عليها افرح كمان افرح قوى بالقصاص ويوم ما يتم الحكم فى قضية فى الثورة يتم الحكم على مدنين وهيطلعوا الداخلية زى كل قضية افرح قوى بالقصاص تم ارضاءك على حساب برىء افرح كمان وكمان".
img title="من الجرين ايجلزلا لتراس اهلاوى :"افرح قوى بالقصاص..لبسوها لمظلومين وخرجوا منها الداخلية ..بجد انتوا في منتهي الغباء" " src="/upload/photo/gallery/10/8/640x1000/939.jpg" /
img title="من الجرين ايجلزلا لتراس اهلاوى :"افرح قوى بالقصاص..لبسوها لمظلومين وخرجوا منها الداخلية ..بجد انتوا في منتهي الغباء" " src="/upload/photo/gallery/10/8/640x1000/940.jpg" /