لا يعني شيئًا أن تعرف كيف تتحرر، فالمهم هو أن تعرف مابإمكانك فعله بحريتك... الحرية هي الشيء الوحيد الذي يجعلك تشبه نفسك..نعم تلك المقولة التي سمعتها و قرأتها يوما ما حقيقية .. "في التخلي عن الأشياء قوة ..تفوق قوة التمسك بها." الحرية هي أن تتجرد من تلك الأشياء التي لا يرى فيها الناس أنفسهم..تحرر و تخلي دون كلمة أو عتاب .. تخلي عن الخوف حتي لا يقيدك نظرات أحدهم أو أحكامهم . تخلي عن التردد و عن كل معتقد سمعته بدأ بكلمة "لازم و مفروض و اللي يصح" من غير قلق و تردد سيب كل حاجة وراك محسساك إنك تقيل ..و ده لو بتدور علي السبب الحقيقي ورا احساس روحك بالعجز .. ليه فاكر إنك محتاج تشوف حد تاخد رأيه و نصيحته في حياتك أنت؟ أنت اللي حتشيل شيلتك.. متقراش كتاب عن كيفية التخلي أو كيف أصبح حر ؟ .. أنت من جوه عارف إزاي تبقي حر عشان أنت اتخلقت بفطرتك حر و اللي كتب الكتاب ده ممكن ينورلك فكرة بس متقراش وراه و تقول أمين.. أنت مش محتاج تقرا إزاي تتصرف في حياتك .. صدق إنك قادر تتخلي عن أي مساعدة خارجية عشان تبقي حر .. تخلي عن كل الذكريات الغير مرغوب فيها ..عشان وقتها خلص و مخلياك واقف هناك و هناك بقي بعيد اوي..حتفضل واقف مكانك؟ تخلي عن كل حاجة بتاخد راحة بالك و بتخليك متوتر .. تخلي عن قيود توترك و قلقك عشان مش هتعرف تكون فرحان و انت قلقان ..عمرك شفت فرحان قلقان ؟ تخلي عن الحسابات و التخطيط حتقولي ماأنا لازم"أحسبها صح " حتفضل تحسبها و ربك في الأخر بيدبرها بطريقته و حسباته هو .. متقولش أنا حتخلي ولا حتي تكتب في مذكراتك إنك قررت ده و متفكرش تعمل Reminder إن بكرة ولا الشهر اللي جاي ولا يوم عيد ميلادك حتكون حر .. أنت مش محتاج برضه تشوف درجة حرارة الجو مناسبة ولا لأ .. ولا تشوف حظك اليوم .. ولا تشوف حد يقرالك الفنجان .. ولا يقرالك الكف ولا يوشوش الودع .. ياجدع بقولك أنت حر ! براحتك ! بنفكر كتير ..اوي و بنكلم صحابنا نفكر معاهم عشان نتأكد من صحة قراراتنا .. و بنطلب استخارة من ربنا في أمورنا و بنقعد نتكلم كتير .. و نحكي و نرغي .. بص... لما يكون مفيش حد باصص عليك من جوه غيرك .. ومحدش شايف قرارك ولا موجود عشان يصقفلك و يقولك مبروك .. ولا يقولك ايه ده عملتها إزاي دي .. ولا يقولك حتي شكرا .. لما يكون مفيش حد شايفك ..زيك زي ورقة علي الشجرة بتتخلي عن فروعها و بتطير في الهوا .. من غير أي مجهود ..ساعتها بس هتحس بقوة التخلي و انت واقف لوحدك و انت بس لوحدك شايف نفسك .. كل صراع جواك وقتها حيقول: ستوووووووب . كل صراع جواك حيبقي محايد ومش حيشوف أي حاجة مهما حصلت حلوة أو وحشة ..حيبقي عندك قناعة من غير مجهود إن أي حاجة حصلت .. حصلت و هو ده اللي حصل ..خلاص ..فنيتو .. ذا اند! هتحس وقتها بإبتسامة رضا علي وشك و حرية محستهاش قبل كده .. أو كنت ناسي احساسها عامل إزاي .. أيوه .. أنت / انتي - حر . حرة تخلي عن كل ما يؤذيك .. المفروض اتفرض عشان ببساطة لقي اللي قبل أنه يتفرض عليه .. "تعلق بالله ثم نفسك ..فلا نفسك تخونك ولا الله راحل" و سمعني احلي دندنة منير مع فنجان قهوة و هو بيقولك .. "كل المفروض .. مرفوض " "ما قد يبدو لك خسارة قد يكون هو بالتحديد الشئ الذي سيصبح فيما بعد مسؤولًا عن إتمام اعظم انجازات حياتك. " - احلام مستغانمي
