السيسي عن «المرتبات»: «مش جيدة ولازم نزودها.. بس منين».. فيديو

رد الرئيس عبد الفتاح السيسي على أحد المشاركين في مؤتمر الشباب الرابع في الإسكندرية، الذي اعترض على حديث وزير التربية والتعليم الدكتور طارق شوقي، بسبب عدم التحدث بشكل وافٍ عن أزمة المعلمين، ومرتباتهم.
وقال "السيسي" للشاب: "نتكلم الأول عن الشكل العام اللي إحنا موجودين فيه هنا، إحنا هنا بنفتح الحوار بشكل منظم، لو كل واحد في دماغه حاجة قالها مش هنخلص"، مضيفًا: "أنا اتعودت معاكوا إن إنتوا تفكروا كويس، فكروا قبل ما تتكلموا".
وتابع: "اللي بيقول الكادر، عايز تقولي إن أنا مش عارف إن المرتبات بصفة عامة مش جيدة، أيوة أنا عارف إنها مش جيدة، ولازم نزودها بس منين!"، موضحًا: "نحن نطالب بمنظومة تعليمية مختلفة حتى يصبح هناك فكر مختلف لدى المواطنين، حتى يعي تمامًا كيف يتحدث، بإيجابية".