"مى عز الدين" : مبزعلش من الهجوم الجارح..لأن اللى بيشتغل مهنتى دى بيتعود على كده

ناشدت الفنانة "مى عز الدين"، جمهورها بإلتزام الهدوء والتحلى بالصمت وعدم الهجوم على الصحفى "سمير فقيه" رئيس تحرير برنامج "أحلى النجوم"، الذي تقدمه الإعلامية "بوسي شلبي"، على فضائية "النهار"، والذى انتشرت شائعات تفيد بأنه اتهمها بالخضوع لعمليات تجميل للظهور بلوك مختلف فى أفيش مسلسل "وعد" المقرر طرحه فى الموسم الرمضانى.
وكتبت "مى" فى تدوينه لها عبر حسابها الشخصى بموقع الصور "إنستجرام" قائله : "يا أغلى الناس عندى وأجمل فانز فالدنيا انتو بقيتو كتير قوى الحمدلله وانا مش عارفة أوصل لمين ولا مين فيكو بسهولة فا مقدرش أقولكم على حاجه غير بطريقة انى اعمل بوست كده علشان خاطرى متهجموش حد هجوم شرس كده انا شوفت حاجة النهارده تجاه حد كان صديق عزيز عليه جدا من وأنا صغيرة حتى ولو كان قال رأى عنى بأسلوب جارح انا نفسى مبزعلش لأن اللى بيشتغل مهنتى دى بيتعود على كده فياريت توقفوا الهجوم ده لأن ساعات كمان بيكون محصلش حاجه اصلا وانتو بتصدقوها زى ما مره جريدة كتبت ان فيه زميل ليا زعلنى لقيتكو مقطعينه تانى يوم وهو اصلا مكنش زعلنى بل بالعكس ده هو انتيمى الوحيد من الوسط الفنى، فعلشان خاطرى بلاش..بحبكم قوى والله وانتو أغلى حاجة الواحد طلع بيها من هذه المهنة".