صباحى: لم أدع المواطنين ب"الصبر على الكهرباء"..و"مش راضي عن الضلمة"

نفي المكتب الإعلامي لمؤسس التيار الشعبي لحمدين صباحى ما نشرته إحدى الجرائد اليومية، حول دعوته للمواطنين ب"تحمل انقطاع الكهرباء".
وأكد صباحي في بيان له اليوم على أنه طالب الحكومة والمؤسسات المسئولة، بسرعة العمل على حل ازمة انقطاع الكهرباء والاعتماد على مصادر الطاقة المتجددة وفي مقدمتها الطاقة الشمسية لتعويض العجز الناجم عن محدودية الوقود الأحفوري اللازم لتوليد الكهرباء، مشيرا إلى أن برنامجه الرئاسي يتضمن خطة متكاملة للاعتماد على الطاقة الشمسية خلال 6 أشهر.
وجاء تفريغ الفيديو كالتالي:
س: ...عملية انقطاع التيار الكهربي
حمدين: أنا أولا مش راضي عن اننا نقعد في الضلمة ولا عن انقطاع التيار الكهربي.
س: (تداخل أصوات) وبعدين يعني انت دلوقت شايف حل عملية انقطاع التيار دي ايه؟ (وعندما بدأ حمدين بالرد على السؤال قال السائل: لو انت ريس)
حمدين: احناااا.. احنااا بس عايزين المسؤولين في الحكومة يفتحوا باب الحوار مع أصحاب الرأي في مصر. لأن أكتر خبراءنا عندهم حلول وبدائل لكل مشكلة في مصر. يعني مصر أكبر من أن تقتصر الحكومة على سياساتها وطريقتها وبدائلها. خليهم يسمعوا الناس جايز يلاقوا حلول لحل مشكلة الكهربة والمرور وأكل العيش أحسن اللي هم بيعملوه.
س: (صوت ضوضاء وتداخل أصوات وطفل صغير يصرخ).
حمدين: فيه حلول كتير جدا للتنمية في البلد دي. الخبراء وأصحاب الرأي ثروة هائلة جدا.
س: (مقاطعا حمدين) الكهربة بتتقطع عند حضرتك؟
حمدين: (متابعا كلامه السابق للسؤال) الذي يفيد مصر الآن في الفترة دي انها تعمل مؤتمر اقتصادي اجتماعي يحاول يقدم حلول وطنية تتشارك فيها كل الآراء عشان يقدموا كل الحلول اللي تخلي الانسان المصري يعيش في أحسن حياة ممكنة. أعتقد مصر محتاجة كده.
س: (مكررا السؤال) الكهربة بتقطع عندك؟
حمدين ضاحكا: الكهربة ههههههه ما أنا عايش في مصر... لازم تقطع عندي طبعا.
س: وبتتغلب على كده إزاي طيب؟
حمدين: ههههههه أنا متربي على لمبة الجاز وبحب الشمع هههههه فأنا بأقدر ألاقي حلول يعني هههههههههه
حمدين: (متابعا) هو فيه مشكلات (تداخل أصوات).