بالفيديو..السيسي: "حرية ايه وأنا مش لاقي آكل".. ومحدش هيقدر على المصريين طول ما كانوا كتلة واحدة"

قال الرئيس عبد الفتاح السيسي إن الاحتلال البريطاني انتهى من مصر ومن العديد من الدول العربية والإفريقية بفضل ثورة 23 يوليو، كما أن القضاء على الإقطاع تحقق بشكل كبير جدا خلال الفترة الماضية.
وأضاف السيسي، خلال كلمته التي ألقاها في ذكرى 23 يوليو، الجيش وقف مع الناس في ثورتي 25 يناير و30 يونيو، مؤكدا أن الجيش المصري دائما ظهير للشعب المصري والعكس".
وأوضح أن الشعب يمثل مع الجيش كتلة صلبة جدا لاستمرار الدولة المصرية، مضيفا "محدش هيقدر علينا طول ما المصريين كتلة واحدة، والجيش والمصريين كتلة واحدة، ولن يصلها أي أخطار مهما كانت التحديات أمامها".
وتابع "أن القناعات الموجودة لدينا هل هي موجودة للحفاظ على أهداف ثورة يناير و 30 يونيو؟، لو مش موجودة يبقى فيه مشكلة كبيرة، ولو موجودة يبقى فيه خطوات موجودة للتحرك".
وقال رئيس الجمهورية، "الحرية اللي بنتكلم عليها، مش تعبر عن رأيك ورأينا، لا الحرية إنك تشعر بإنك تفكر بحرية، ومحدش يحاول يفرض عليك فكر معين، أو اعتقاد معين"، مضيفا "المصريين لما حسوا إن الحرية منقوصة اتحركوا في 30 يونيو حسوا إن حريتهم هتتاخد منهم، وهيفرض عليهم حاجة تانية، بغض النظر هل هو صح أم لا الفكر ده، كل إنسان من حقه الاعتقاد والتفكير ولا يفرض عليه رأي بعينه".
وأضاف "معقول تبقى ظروف الناس الصعبة اقتصاديا، تقدر تديله مناخ حقيقي يعبر بحرية، واللا يبقى أسير لفقره، حرية إيه وانا مش لاقي آكل".