* والدة الشهيد إسلام على للمشير: اتقي الله في أهالي الشهدا .. لو ابنك كنت موت مصر كلها * أقسم بالله أبنى مش بلطجي .. ونزل يدور على حقوق الناس وضربوه وهو بينقذ مصاب كتب – السيد سالمان وعاطف عبد العزيز : قالت والدة الشهيد إسلام على عبد الوهاب أن الحكم ببراءة الضباط المتهمين بقتل شهداء السيدة زينب ظالم، لأن الجريمة متكاملة.. وهناك شهود أكدوا قتل ضباط القسم للشهداء بعد إطلاق النار عليهم .وأشارت والدة الشهيد وهى تبكى '' أقسم بالله أبنى ما كان بلطجي أنا أبنى طالب في ثانية حقوق، وكان نازل يدور على حقوق الناس ... ولما لقي وأحد مصاب جرى عشان ينقذه فتم إطلاق الرصاص عليه من داخل القسم” .وأكدت أنها لن تسكت عن حق ابنها وإنها ستطعن على الحكم وسترفع القضية فى دائرة أخرى ..وأضافت ” لو الضباط المتهمين خدوا براءة تانى هولع الدنيا.. وهاموت اللي قتل ابني.. وبعدين يحبسوني .. أنا هاطعن على الحكم عشان خاطر ربنا ، وبعد كدا هاخد حقي بنفسي “ووجهت كلامها للمشير قائلة ” أتقى الله فينا دا لو ابنك كنت موت مصر كلها .. اتقى الله فى أهالي الشهداء الغلابة ” . وأكدت أن أبنها كان يصور أحداث ضرب المتظاهرين ، وأن الصور والفيديوهات مازالت موجودة إلى الآن . شاهد الفيديو: