بالفيديو..مواطن لمدحت شلبي: عايزك تستمر في استقبال مكالمات متظبطة وتسخن على الشباب وبعد نجاحهم تنافق الحكم الجديد

* المواطن: بعد نجاح الثورة الثانية استقبل أهالي الشهدا وبعدين أرجع اشتم في شباب وطبل للحكم الجديد
كتب – إسلام الكلحي :
قام مواطن مصري أصيل بإحراج مدحت شلبي مقدم برنامج مساء الأنوار على قناة مودرن سبورت وذلك في اتصال تليفوني بالبرنامج أمس، حيث قال له بالنص :”أنا عايز أقول لحضرتك كلمة واحدة .. أنا عايزك تستمر في التسخين على اطهر شباب في مصر اللي فاتحين صدورهم للنار في الميدان دلوقتي عشان يجيبوا كرامة كل مصري .. وتستقبل المكالمات المتظبطة من الناس اللي طبعا الكنترول بياخدها على مزاجه ” .
وأضاف المواطن الذي يدعى بدوي في اتصاله قائلاً : “لولا اللي أنا قولته في الكنترول إن أنا هأيد حضرتك في وجهة نظرك طبعا مكنوش دخلوني على الهواء دلوقتي .. بس أنا عايزك تستمر في التسخين .. وإن شاء الله بعد الثورة الجديدة دي ما تنجح مش عايزك تستقبل أهالي الشهداء .. وياريت متستضيفش شباب الثورة .. وتقعد تطبل للحكم الجديد .. وشكرا “.
مدحت شلبي الذي كثيرا ما هاجم الثوار إبان ثورة 25 يناير ودافع عن نظام مبارك حتى سقط، واستضاف بعد ذلك شباب الثورة وأهالي الشهداء بعد نجاح الثورة مباشرة ثم واصل بحسب نشطاء عادته في ” التطبيل” للمجلس العسكري الحاكم – الحاكم الحالي للبلاد - ومهاجمة شباب الثورة من جديد ووصفهم بالبلطجية لم يجد أمامه رد يرد به على بدوي سوى : “شكرا يا أستاذ بدوي أشكرك وشكرا جزيلا ومن المؤكد معنديش حاجه أعلق عليها “.
لينك الفيديو :
http://www.youtube.com/watch?feature=player_embedded&v=qlxSpxAbkDQ