سخرية على الفيس بوك من ظهور لفافة البانجو في قضية خالد سعيد بعد عام : يمكن حبت قرش حشيش وهربت معاه

* معلق يتساءل : هي لسه عايشة .. واخر : يمكن كانت هربانة .. وثالث : الداخلية قعدت سنة ونص تلف ف البانجو على مقاس زور خالد ههههههههههههههههههه
* تعليق : يمكن اسماعيل ياسين كان بلعها وجاله امساك .. وثاني : يمكن كانوا حاطينها في التلاجة ..وثالث : ع بال ما استوردوا جهاز لف البانجو
* مواطن يعلق على حكاية الوشم : على كده كتير من الشباب والأجانب مسجلين خطر
كتبت – نفيسة الصباغ :
بعد نشر خبر تقديم لفافة البانجو للمحكمة اليوم في قضية خالد سعيد، تساءل الكثيرون عن سر اختفائها الفترة السابقة، وسخر المعلقون من الكشف عنها ومن حديث محامي الدفاع عنها .. وقال أحد المعلقين يااااااااااااااه هي لسه عايشه؟ فيما انهال سيل من التعليقات على خبر لبديل الذي نشرته مجموعة خالد سعيد حول قصة الوشم والتي حاول محامي المخبرين الاستدلال من خلالها على ان خالد كان بلطجيا عتيدا في الإجرام مما أثار الضحك في المحكمة وجاءت التعليقات كالتالي :
- اللهم اظهر الحق
- ومش أي حد يلفها دي لفتها اسبشيل
- يمكن كانت هربانة
- يمكن حبت قرش حشيش وهربت معاه علشان تتجوزه من ورا أهلها
- محدش يلف منها حاجة دي حرز
- بعدين خبوها ليه كل الفترة دي يمكن علشان تتخمر
- يمكن اسماعيل ياسين كان بلعها وجاله امساك ؟
- هو الوشم ده للمسجلين خطر!!!! على كده كتير من الشباب والأجانب مسجلين خطر
- ع بال ما استوردوا جهاز لف البانجو
- اكيد الوشم ده للمجرمين انت عندك وشم؟
- الداخلية قعدت سنة ونص تلف ف البانجو علشان يعرفوا مقاس زور خالد سعيد ههههههههههههههههههه
- ههه اول مرة اسمع عن وشم للمسجلين خطر بس مش دا القضية
- سنة واللفافة لسه مادابتش؟
- اللفافة ظهرت يا رجالة امال السباعي فين؟
- ههههه أصلها كانت بتاخد وقت في اللف اعذروهم الله،، مافيش رحمة؟
- هو العمر الافتراضي للبانجو اد ايه؟
- كفارة يا راجل هما لسه فاكرين لفافة البانجو بس انا متفائل بيها لان القاضي مش اهبل
- ازاي لفافة بانجو كانت في بوق واحد تظهر بعد سنة سليمة اكيد كانوا حاطينها في التلاجة