سلفيون يردون على يعقوب بفيديو للشيخ أسامة القوصي يطالب بالتفكير قبل الاختيار

* أسامة القوصي قبل الاستفتاء: نعم تعني القبول بالحل الجزئي والمسكنات.. ولا حل شامل
* سواء اخترت نعم أم لا “شغل دماغك”.. إذا لم تفهم ستستغل .. ولا من وجهة نظري تطالب بدستور جديد على مقاس الشعب المصري الجديد
كتبت – نفيسة الصباغ :
بعد انتشار فيديو الشيخ محمد حسين يعقوب الشهير بغزوة الصناديق، ظهر مقطع فيديو به رأي مغاير تماما، يشرح فيه الشيخ أسامة القوصي فكرة التعديلات الدستورية باختصار شديد، دون أي خلط بين الدين والسياسية ويوضح رأيه الشخصي في اختيار “لا” مشددا على أهمية التفكير واختيار نعم أو لا بناء على فهم حتى لا يمكن استغلال الشخص، وقال في مقطع الفيديو: في اليومين الماضيين من الأحد الاثنين الثلاث واليوم الأربعاء فهمت شوية عن التعديلات الدستورية، هاحاول أفهمكم شوية انا مش متخصص في القانون ولا الدستور ولا في الفقه الدستوري ولا الأمور السياسية عموما، اللي استوعبته في الأيام الماضية باختصار، فأنا أحب الإجمال ، مش معقول كل واحد منا سيدرس كل مادة على حدى والاستفتاء مش ها توافق على كل مادة الاستفتاء مش كده أنت يا إما توافق على التعديلات يا إما مش موافق على التعديلات كلها باختصار، طيب ها نتصرف ازاي؟ اللي سمعته في الأيام الماضية باختصار أن نعم تعني الموافقة على الحلول المؤقتة ولا تعني أني إريد حلا جذريا .. يعني انت تلخصها كده انت موافق على الترقيع ولا عايز حل على بياض؟ اللي ها يقول أيوة انت موافق على التسكين المسكنات ومن ضمنها ان ها يكون فيه دستور كامل بعد سنة تقريبا.
وأضاف: الحل الثاني وهو لا يعني اني عايز دستور متفصل من أول وجديد على مقاس الشعب المصري الجديد، .. رأيي الشخصي أنا محتاج حل جذري دستور جديد وياخد وقته، هذا اختياري الشخصي، ممكن واحد يبقى عاوز بدلة كاملة .. وواحد يقول لا صلح البنطلون دا على قد إمكانياتي ..كل واحد واختياره
على ما فهمت انا مش عايز حلول جزئية. وبعدين لو نعم ولا .. شغل دماغك، ممكن واحد يقوللك نعم أحسن من مافيش إذن لما تروح تقول نعم يعني موافق على الترقيع “مشي حالك بالتعديلات لمدة سنة”
وأكد في حديثه لجمهوره قائلا: واجبي وواجب أمثالي من أئمة المساجد والاعلاميين والمثقفين والمتخصصين أن نوعي الناس بالتعديلات نسأل الله أن يعيننا على الفهم والإدراك، لأن معظمنا لم يفهم انا رايح استفتي على إيه، واحنا كلنا محتاجين توعيه في حاجات كتير في كل ما يأتي في المرحلة القادمة، يعني هاروح أقول نعم و لا على إيه، معظمنا مادام مش فاهم ممكن يستغل لو مش فاهم هتلاقي واحد يقولك احنا ها نقول نعم قول معانا نعم والتاني يقول لك قول وخد اللي فيه النصيب والمال سلاح خطير وكثير منا يمكن أن يستدرج، نسأل الله أن يقينا جميعا شرور أنفسنا وسيئات أعمالنا وأن يقينا شح الأنفس.
http://www.youtube.com/watch?v=PN8GyGU0_54