بالفيديو.. إلهام شاهين تهاجم "التحرير" وتشيد بعكاشة: علمت الشعب ووعيته.. فيرد: ممكن اتصل بحضرتك بعد البرنامج

قالت الفنانة إلهام شاهين في مداخلتها مع الإعلامي توفيق عكاشة رئيس قناة الفراعين إن" هناك ناس كتير متغاظة وغيرانين من توفيق عكاشة وان قناة الفرعين تنشاف بجنون
وقالت إلهام شاهين :"أنا سعيدة ودي فرصة وأنت قدامى أحييك من كل قلبي على المجهود الخطير العظيم اللي أنت عملته علشان شعب مصر علشان توعية شعب مصر، أنت عملتنا توعية كبيرة جدا في حاجات ومعلومات لا يمكن أن نوصلها ، ومافيش اى قناة، اى قناة كان عندها الجرأة، ولا أي إعلامي كان عنده الجرأة بتاعتك، والميزة انك ماكنتش بتقولنا كلام أنت كنت بتجيب لنا دا موثق بأوراق وفيديوهات، الا هو ما كنش حد يقدر يشكك".
وأضافت شاهين مثنية على عكاشة: "دا اللى خلى ناس كتير متغاظة منك فى ناس غيرانين منك من نجاحك, وإن قناة الفراعين اصبحت تنشاف بجنون والشعب المصرى بيشوف، ولو فات حلقة بلاقى الناس تحكيلى يعنى الناس متابعة بدرجة كبيرة جدا وحقيقي وقفة الناس النهاردة فى المنصة دا الشعب المصرى الحقيقى اللي أخذ وعى كبير من خلالك اللي فهموا إزاي ما حدش يأثر على عقولهم محدش يعطى لهم معلومات غلط ازاى يحبوا بلدهم صح إزاي يبقى عندهم الجرأة ويبقى صوتهم عالى فى الحق ويقولوا كلمتهم النهاردة فعلا اول اليوم بقول حقيقي الشعب المصرى بيقول كلمته بالعدد الكبير اللى نزل النهارده فرحان وبيقول انى بيحب بلدى بحب قواتى المسلحة بحب القضاء بتاعى بحب هيبة دولتي مش بهددها ومش بهين كل شيء جميل وكل قيمة زى الآخرين ما بيعملوا لأن دا موش حب للبلد.
وأضافت ملمحة إلى متظاهري التحرير: "الآخرين دول كل همهم هدم مصر, الأول كان إسقاط نظام, والنظام سقط من سنة ونصف وخلال السنة والنصف دول شايفين ناس بتهدم مصر فتعبنا منهم وزهقنا وقرفنا ودلوقتي الشعب المصري لازم يقول كلمته لازم يبقى صوته عالي وعنده جرأة في الحق ولو كان في ناس أتعلموا دا يبقى اتعلموا منك أنا سعيدة بتأثيرك على الشعب المصري الجميل اللي نزل مش علشان قابض ولا عشان السمع والطاعة انه ينفذ وخلاص بدون ما يشغل مخه دا شعب نزل علشان بيحب مصر وبيخاف على قيمة بلده وهيبتها محدش يقدر يهين اسم مصر ولا يهين القوات المسلحة ولا يهين القضاء ولا يهين الشرطة ومؤسساتنا العظيمة اللى بتحمينا.
من جهته, رد عكاشة قائلا:"أستاذة إلهام هستسمح حضرتك بعد انتهاء الحلقة على الهواء لو لسة صاحية اكلم حضرتك", وردت الفنانة إلهام شاهين قائلة:"ياريت أرجوك".
أنت عملت الشعب الجرأة ووعيته واللي نزلوا "المنصة" اتعلموا منك.. والفراعين بتشاف بجنون والناس غيرانة منك
متظاهرو التحرير قالوا من سنة ونصف إسقاط نظام وسقط والآن بيهدموا مصر.. واللي تظاهروا عند الشعب الحقيقي اللي أخذ الوعي منك