الميرغنى شاعرًا

فاجأ الفنان ضياء الميرغنى جمهوره بموهبته الشعرية بإصدار ديوانه الأول "وش تانى" بعد أن كان مكتفيًا بنشر أشعاره عبر حسابه الخاص "فيس بوك"، الديوان صادر عن مؤسسة النيل والفرات للطبع والنشر والتوزيع، وشعر الميرغنى من فن المربع أو الواو، ليثبت الميرغنى أنه فنان متعدد المواهب، مابين التمثيل والإخراج والكتابة الدرامية والشعرية.
يذكر أن الفنان ضياء الميرغنى الحاصل على بكالوريوس الفنون المسرحية أبدع فى العديد من الأدوار السينمائية والتليفزيونية والمسرحية خلال مسيرته الفنية التى تجاوزت 36 عامًا، ومارس الميرغنى إلى جانب التمثيل الإخراج المسرحى كتابة العديد من المسرحيات والسهرات الدرامية، ومن الأفلام التى كتبها اللومنجى، وأبوخطوة، وتنوعت أداوره بين دور الشرير والكوميديان، حيث شارك الميرغنى فى 32 فيلما سينمائيًا، فضلا عن أدواره بالعديد من المسلاسلات الناجحة، ومن أبرز أدواره فى مجال السينما مشاركته فى أفلام السفارة فى العمارة، مرجان أحمد مرجان، العميل1001، كراكون فى الشارع، سيد العاطفى، أمير البحار ، فول الصين العظيم، قبضة الهلالى، وشارك فى العديد من مسلسلات منها أفراح إبليس، وأيوب، وشوقية وعيلتها المفترية، وخفة يد، السلطان والشاه، وغيرها من الأعمال الدرامية والكوميدية، وأحدث أعماله المشاركة في مسلسل "البرنسيسة بيسة" بطولة الفنانة مي عز الدين، يكتبه مصطفى عمر وفاروق هاشم، من إخراج أكرم فريد، ومن المقرر أن يخوض به سباق الموسم الرمضاني المقبل.
من أشعار الفنان ضياء الميرغنى فن المربع الشعرى:
وأنا فى صِبايا كانت لعبتي سِلِّم وتِعبان
أطلع سلالم أتقرص وأنزل لنفس المكان
ومر الزمان بينا واللعبه صَبَحِت حقيقه
تِعبان البراءه إعتزل ولعب بداله شيطان
..............
لإمتى تفضل يا حظ مخاصمني ومش بترد؟
مخنوق، آديك شايف ظروفي مش ولابُد
سايبني أنا ويأسي وحدي، تعالى وصُد
لو بيني وبينك سور، إيدى في إيدك نهِد
..............
طول مانت سجين الخوف، إتفرج وشوف
فيلم أكشن ورعب والجاني مش معروف
الدم فيه للركب، قتل برصاص وسيوف
تطلع خايف من ضِلَّك وزيك مئات وألوف
..............
مين اللي قال المستحيل صعب المنال؟
أشطب كلمة محال، ياما اتغيرت أحوال
تكون أو لا تكون؟ جاوب وبلاش جدال
..............
البشر على الأرض، زي البحر جزر ومد
فيه بيننا ناس بتخاف لما الظلام يمتد
وناس مش ولابد، تمد لها إيدك تعض
وناس في ساعة الجد، مالقيتش زيها حد
..............
وناس على الرصيف نايمه في عز البرد
وناس ضارباها صرمه، الجمعه زي الحد
وناس تحلف وتكدب، والكدب ما له حد
وناس بريحة الورد، شايفه الأمل في الغد
..............
صدقنى يامغرور يامريض وغاوي ظهور
عشت الحياه خايب تافه مالكش حضور
عملت فيها الأسد، وإنت جبان مذعور
الدنيا كاس بتدور، وبكره عليك الدور