بالصور.. 'البوظة' عصير الغلابة في رمضان

البوظة مشروب شعبي وخاصة في محافظات الصعيد وهي عبارة عن دقيق أو شعير وسكر وماء يقلب الخليط علي النار ويضاف إليها الخميرة ويوضع عليها الثلج فترة لتشرب مثلجة. عم صلاح من أشهر بائعي البوظة في دشنا يقبل عليه مع بداية الصيف الكثير من المواطنين من داخل دشنا وقراها هربا من حرارة الجو بعد يوم شاق في دشنا لقضاء حوائجهم المختلفة ويزداد الإقبال عليه في شهر رمضان.
في البداية يقول احمد مع ارتفاع أسعار العصائر المختلفة نشتري من عم صلاح البوظة بالإضافة لأنها طعمها حلو ورخيصة في نفس الوقت.
ويكمل سيد احمد إحنا في الصعيد بنحب البوظة ونقبل عليها لأنها من المشروبات الشعبية عندنا وليس صحيحا الكلام اللي بيتقال أنها بتسكر لأننا بنشرب منها أولادنا في البيوت.
ويكمل عبد الله حمدي العصائر الأخري مضاف ليها مكسبات طعم يعني طعم فقط وممكن تكون مجهولة المصدر لكن البوظة فيها دقيق وخميرة وهي مكونات مفيدة للجسم ويقول عم صلاح أنا في المهنة أكثر من 13 سنة محدش في يوم شكي من البوظة بتاعتي لاني حريص علي نظافة كل الأدوات والحمد لله بتجيني ناس من كل قري دشنا وطبعا معظمهم علي قد حالته لان برضه السعر في متناول المواطن أنا بابيع الكيس بجنيه واحد وده ممكن يشرب أكثر من 6 أفراد وعن أنواع البوظة يكمل عم صلاح في بوظة عجينة ودي بتبقي تقيلة شوية وعادمة من غير سكر في البوظة الحلوة ودي بتبقي مخففة ومحلاة بالسكر وبعض المواطنين بيضيف علي البوظة زبادي وفانيليا وبتدي طعم جميل للبوظة.