عتاب الأحباب

ليك حق ياسيسي تعتب علي افريقيا وتلوم
ماهو كل واحد ف الدنيا دي ليه يوم واللي كان فاكر ان مصر مش هتقوم
أهي مصر قامت والعدو غرق ف النوم
ليك حق ياسيسي تعتب علي أفريقيا وتلوم
العتاب عمره مايزعل الاخوات من بعضيهم
انت اخويا
الواجب تسندني ماتيجيش مع اللي ضدي وتقويهم
انا مش زييهم
انا الحر وبلدي ف الشمس ضللت عليهم
ووقت الشدة.. ياما مسحنا دمع عينيهم
وكل واحد وأصله وبالأصول بنرد عليهم
بس مهما اختلفنا ف الكلام احنا برضو حبايب
اللي بينا أقوي م الكلام.. احنا أهل وقرايب
عمر ماكان لسان مصر في افريقيا عايب
لايوم خان باللفظ وهان أو شمتنا ف المصايب
مصر كانت أسد جريح.. والجرح طاب
والسيسي قال كلمة الحق وسط الضباب
مش مصر اللي تعيش تحت تهديد الارهاب
واللي حصل ف مصر ثورة.. عمره ماكان انقلاب