بالصوت.. مصطفي النجار: هنجيب البرادعي رئيس وربنا يسامحنا؟!

كشف الدكتور مصطفي النجار خطته للانتخابات الرئاسية الماضية وتنصيب الدكتور محمد البرادعي رئيسا للجمهورية الذي لا يصلح من وجهة نظره وقال عنه ' هنجيب البرادعي رئيس وربنا يسامحنا ' وذلك بعد الاتفاق مع بعض الشخصيات التي كانت تستعد لخوض الانتخابات والجلوس معهم علي طاولة المفاوضات.
ومن ضمن هذه الشخيصات الدكتور احمد زويل الذي لا يحق له المشاركة في الانتخابات بامر القانون بأن يصبح رئيس الوزراء، وايضا المستشار هشام بسطويسي وتعينه نائبا للرئيس والجلوس مع عمرو موسي وجماعة الاخوان ليتحقق مراده من جعل البرادعي رئيسا لمصر.
جاء ذلك خلال اتصاله مع الدكتور احمد شكري ابن اخت البرادعي ومستشار رئيس الجمهورية السابق، الذي تم اذاعته في برنامج الصندوق الاسود علي قناة القاهرة والناس.
وجاء نص المكالمة كما يلي:
شكري: آلو
النجار: دكتور أحمد شكري
شكري: حبي.. طمني
النجار: فاتتك قعدة تاريخية
شكري: ياااه بقي متقعدش تعذبني.. قولي إيه اللي حصل
النجار: مفيش جديد عادي
شكري: إيه يا عم أنا كلمت عبد المنعم قالي إيجابية جدًا وبتاع
النجار: الواد عبد المنعم ده سطحي آخر حاجة.. وفعلاً أنا بفكر أمشّيه من الحزب عشان منفوخ منه
شكري: بقوله إيه الأخبار؟ قالي أنا في المواصلات.. ومش هقدر أتكلم.. قولتله يعني إيه إيجابية.. قالي آه إيجابية جدًا جدًا
النجار: لا.. بص هو أهم حاجة وصلنالها أقنعته إن إحنا لازم نلعب سياسة ونبقي برجماتيين
شكري: صح كده
النجار: تمام.. طيب.. فاقولتله إحنا دلوقتي عمرو موسي رايح جاي.. نقعد معاه ونسمع منه مفيش مشكلة.. بس كده كده إحنا مش انفولدد معاه.. ولكن
شكري: الكلام علي مين
النجار: عمرو موسي عايز يتغدي معاه.. قولتله اتغدي معاه متتغداش معاه ليه!
شكري: آه بالضبط
النجار: آه قولتله مرشد الإخوان نقعد معاه نشوف أولهم وآخرهم إيه.. ومعانا ولا مع عمرو موسي
شكري: آه
النجار: الحاجة التانية إحنا دلوقتي مين اللي موجود نستوعبه.. هشام البسطويسي عايز يبقي ريس تعالي.. هشام بسطويسي أنت هتبقي نائب الريس
شكري: آه
النجار: أحمد زويل تعالي أحمد زويل إنت كده كده الدستور بيقول إنك متنفعش ريس ولا نائب ريس فتعالي رئيس وزراء
شكري: آه
النجار: واخد بالك.. فاقتنع البوب الصالح قالي إبدأ اتصالاتك
شكري: تمام.. فاااا هنبدأ اتصالاتنا
شكري: ها
النجار: عايزين مدير وبتاع وكلام كده.. فقولتله والله مفيش
شكري: إيه.. هتبدأ اتصالات إيه؟
النجار: أكلم بقي هشام وأكلم الناس ديه يعني.. وأبوالغار هيكلم زويل
شكري: آه
النجار: وهنشوف بقا
شكري: حلو
النجار: فاهمني أنت الديل دوت
شكري: تمام
النجار: يعني عشان لما نعمل المؤتمر الصحفي للترشح للرئاسة نلاقي زويل واقف جنبه نلاقي فاروق الباز نلاقي هشام البسطويسي وإحنا يبقي كده خلصت
شكري: تمام تمام
النجار: بس.. والله العظيم يا ميدو يعني هنجبهولك رئيس يا ميدو.. هنجبهولك رئيس بس يعني ربنا يسامحنا يا ميدو
شكري: جبت سيرة الحزب ولا مجبتش
النجار: لا لا مجبناش سيرة الحزب خالص.. بس بسرعة قولتله إحنا كده كده شغالين في موضوع الحزب، ولازم كده وده مش حزب البرادعي وأكدت عليه كده.. بس في البلاااالة يا عم علي يا عم.. يخرب.. أبوس إيدك والنبي خلي علي يسافر
شكري: ليه بس قاله إيه.. قال إيه؟
النجار: مفيش يا عم لسه بيفكر بنفس الشكل الغلبان قوي.. مسكين يا أحمد مسكين
شكري: اللي هو إيه بس طمني.. قولي
النجار: اللي هو كده.. الشكل اللي هو إيه طريقة التفكير نفسها
شكري: زي إيه يعني
النجار: بشكل عام يا أحمد
شكري: اللي هي طب شوفوا كده.. صح؟
النجار: آه آه اللي هو مفيش كده طب نعمل إيه.. قولتله لا.. هجيب مروة.. مروة مفرغها
شكري: آه
النجار: مروة مفرغها تيجي تخدلها 2000 دولار في الشهر.. تقعد تعملنا كده.. بيقولي واحدة اسمها جليلة عايزة تساعدنا وبتاع.. قولتله بص ولا جليلة بلا جليلاشي.. مروة.. قولتله مروة راحت معايا مركز المعلومات اتخاذ القرار.. البنت قعدت هناك ثبتت كل الناس.. العلم اللي عندها والكلام اللي عندها يعني محدش في مصر عنده للأسف يعني.. والله العظيم يا أحمد.. قعدت معاهم يخرب بيت كده.. الناس دي وقعوا يعني بس.. فقولتله بس علي الله أصلاً مروة ترضي أصلاً
شكري: دلوقتي أنت رايح العاشرة مساءً.. ولا رايح فين
النجار: اااا لا أجلنا العاشرة مساءً لبكره.. قلنا نستنا ونشوف تطور الأحداث ايه.. ضربوا الناس عند لاظلوغي جامد علي فكرة
شكري: ااه بس في كلام أن اللي هناك ناس بلطجية.. مش بلطجية ناس من المنطقة يعني ناس كده علي توتير
النجار: مش عارف لسه هنتأكد
شكري: أنت رايح فين رايح فين
النجار: أنا في أكتوبر دلوقتي روحت البيت.. عشان اقعد اكتب كام مقال كده وقاعد اكتب الرموز الحزبية اللي هنخدها معانا
شكري: لا لا عايزين نتكلم في موضوع الحزب ده ضروري.. فيه حاجات كتير إحنا انجزناها امبارح وفي حاجات عايزين نعرف الخطوات يعني
النجار: طيب ما تخلص شغلك وبتاع وتكلمني متأخر شوية.. ساعة كده ولا حاجة ادخل البيت أقلع هدومي وكده يعني
شكري: ماشي ظبط نفسك كده واديني رنة وأطلبك أنا.. في حاجات دلوقتي.. وحاجات إحنا وصلنالها امبارح.. ونحط شوية نقط علي الحروف وكده وخلاص.. ماشي
النجار: طيب ماشي ماشي
شكري: بس خلص فضي نفسك كده واديني رنة
النجار: طيب
شكري: حاول تستعجل سلام