الانتخابات علي النت : خذ سكر الإخوان.. وفلوس الفلول.. وادي صوتك للثوار

كتبت صفاء نوار :
خفة الدم والتعليقات الساخرة كانت هي المسيطرة علي تعليقات صفحات التواصل الاجتماعي علي الانترنت وكان لموقع جوجل الذي وضع الانتخابات المصرية بدلا من شعاره النصيب الاكبر من التعليقات
كما تم انشاء عدد من الصفحات علي الفيس بوك وتويتر بعنوان الانتخابات المصرية الاخبار رصدت هذه الصفحات والتعليقات
البداية كانت في جوجل الذي وضع الانتخابات المصرية كشعار له كعادته في الاحداث المهمة والمؤثرة وكان لها النصيب الاكبر من تعليقات صفحات الفيس بوك وقامت معظم صفحات الفيس بوك بوضع صور شعار جوجل كشعار لها
الكثير من التعليقات كانت تحث علي التوجه الي اللجان والادلاء بالاصوات يقول احد التعليقات "افتكر وانت بتدي صوتك، ان في ناس ماتت علشان تقدر تعمل كدا افتكر وانت بتكتب اسمك، ان في ناس حد تاني هيكتبلها لانها فقدت عيونها علشان تقدر تعمل كدا افتكر وانت داخل اللجنة في امان، ان في ناس نامت ونايمة في عز البرد وعدم الامان علشان حضرتك يبقي ليك الحق دا"
وكانت هناك ايضا الكثير من التعليقات خفيفة الدم بالاضافة الي النكتة المصرية التي كان لها الموقع الابرز
قبل الانتخابات كان المتبجحون بالشرعية الزائفة هم العسكر، بعد الانتخابات هايبقوا عسكر وإخوان! واخيرا الكنبة نزلت، واحنا معاهم
"الثائر الحق اللي: ياخد سكر وزيت من الاخوان وكروت شحن من المصريين الاحرار وفلوس من الفلول ودعوتين من النور ويروح يدي صوته لتحالف الثورة مستمرة"
"حاول تختار أحسن الوحشين!تقريبا كل المرشحين انتهكوا القانون ووزعوا اوراق دعاية لهم النهاردة امام اللجان.
ويقارن اخر بين انتخابات النظام السابق وهذه الانتخابات قائلا "أيام المخلوع، انتخبت مرة عشان أدعم أي معارض و أرضي ضميري... سواق التاكسي مكانش عارف إن فيه انتخابات.. واللجنة كانت فاضية ومفيهاش غيري.. و لما قعدت أقرا أسماء المرشحين لأول مرة و أفكر انتخب مين، مشرف اللجنة قال لي: ماتتعبش نفسك ماهي هاتتظبط بعد كده (والله العظيم قال لي كده). و جالي واحد شكله أمن دولة (بيبانوا من طريقة كلامهم) و قال لي: إيه؟ انت جاي تنتخب مين بالضبط؟
دخلت أفسدت صوتي و طلعت.. لأن كل المرشحين كانوا تافهين.ليخلد مبارك و ابنه في مزبلة التاريخ... و لتحيا مصر حرة
صوت لأول مرة في حياتي انا مواطن بجد ولي رأي وبقول رأيّ في بلدي "واو" "انا حابب النظرة اللي علي وش الناس اول مبيوصلوا اللجنه ويدوروا علي اخر الطابور ويقفوا بنظام "
بعد الادلاء بصوتي جربت لأول مرة في حياتي احساس لم اشعر به من قبل وتنصح قائلة علي كل من يصوت ان يلتقط صورة لأصبعه الملون يجب ان تغطي صور الاصابع الملونه صفحات الانترنت
اصبعي اصبح ازرق ولايمكن اعادته للونه الطبيعي ياربي انا ليه تعاملت بضمير قوي كده
اذا لم يكن اصبعك ملونا بالازرق فهو عار عليك .