كل يوم جمعة

علي طريقة ال »قافيه« الشعب يقول لكل هؤلاء!

ل »حبيب العادلي« اللي رقبتك عايزاه؟!
العادلي: اشمعني؟!
حبل المشنقة!
ل »حبيب العادلي« لما يحبوا يفسحوك؟!
العادلي: إشمعني؟.
يركبوك البوكس!.
ل »حبيب العادلي« طول عمرك وسط الهبيشة؟!
العادلي: اشمعني؟!
مسجل!
ل »فتحي سرور« الفساد كان في عهدكم؟!
فتحي: اشمعني؟!
اغلبية!.
ل »فتحي سرور« يدسوا علي بطنك؟!
فتحي: اشمعني؟!
تصقف!
ل »فتحي سرور« الحرامية اللي حواليك في المزرعة عاملين؟!
فتحي: اشمعني؟!
اجتماع!
ل »صفوت الشريف« يحطوا لك فوق وش الفتة؟!.
صفوت: اشمعني؟!
ازهي عصور الديمقراطية!.
ل »صفوت الشريف« لما يحبوا يدلعوك ينادوا عليك يقولوا لك؟!.
صفوت: اشمعني؟!
يا »موافي«!
ل »صفوت الشريف« يصحوك من النوم؟!
صفوت: اشمعني؟!
ب »فضيحة«!
ل »زكريا عزمي« علي بابا يبقي لك؟!
زكريا: اشمعني؟!
الرئيس!
ما تدخلش الجامع علشان تصلي الا لما تاخد من الامام؟!
زكريا: اشمعني؟!
رشوة!.
ل »زكريا عزمي« يجيبوا لك الطبيخ معاهم في الزيارة ويقولوا لك؟!
زكريا: اشمعني؟!
اللحمة للركب؟!
ل »حسني مبارك« لما تحب تتسلي؟!
حسني : اشمعني؟!
تلعب في مناخيرك!
ل »حسني مبارك« طول عمرك تحب تنام؟!
حسني : اشمعني؟!
في القفص!
ل »علاء مبارك« الشعب عاوز منك تجيب معاك في المزرعة؟!
علاء : اشمعني؟!
ولي امرك!
ل »جمال مبارك« المساجين دايما بيلاقوك قدام باب الجامع يوم الجمعة واقف بتشحت؟!
جمال: اشمعني؟!
الكرسي!.
ل »أحمد عز« يدخلوك الزنزانة علشان تنام؟!
عز: اشمعني؟!
بالطبل البلدي!
ل »أحمد عز« كل طولك ما يقصر من الزعل؟!
عز: اشمعني؟!
ينفخوك!
ل »محمد ابراهيم سليمان« المساجين أول ما يشفوك في حوش السجن بيهتفوا يقولوا لك؟! سليمان: اشمعني؟! من ده بكرة.
ل »انس الفقي« علشان ما بتشبعش من الهبش كانوا بيشفوك دايما تقول لخزينة التليفزيون؟!
الفقي: اشمعني؟!
فاصل ونعود!.
ل »أحمد نظيف« أنت وسط الشرفاء؟!
أحمد: اشمعني؟!
مش »نظيف«!.
ل »اسامة الشيخ« بعد جلسة المحكمة ما بتنتهي أمن المحكمة بينادي يقول؟!
اسامة: اشمعني؟!
ننتقل بكم الان الي سجن المزرعة!.
ل »يوسف بطرس غالي« الحرامية اللي في الخارج معلمينك؟!
يوسف: اشمعني؟!
ب »قرعتك«!.
ل »انس الفقي« تقف وسط حرامية المزرعة تقول لهم؟!
انس: اشمعني؟!
سيداتي سادتي!.
ل »رجب حميدة« ساعة لما وجهوا لك الاتهام بالاشتراك في موقعة الجمل كنت واقف قدام القاضي؟!
حميدة: اشمعني؟!
متلجم!
ل »زهير جرانة« الاحكام الجديدة من هنا ورايح طالعة علي جتتك؟!
زهير: اشمعني؟!
سياحة!.