تكتشف كده وانت قاعد مع نفسك ان مفيش حد تعرفه بيعترف بغلطة ابدا.. كل واحد لازم يرمي أخطاءه علي اللي جنبه رغم ان بداية إصلاح اي شئ تبدأباعتراف الشخص بالخطأ.. الدكتور لو نسي مقص في بطن المريض يبقي المريض هو اللي غلطان لانه ما فقش من البنج اثناء العملية لينبه الطبيب بانه نسي المقص داخل بطنه..المرتشي ما يلومش نفسه ابدا ويجيب التهمة علي الراشي لان الراشي عاوز يخلص مصلحته في اقرب وقت وكمان معاه فلوس كتير يعني مش حرام ان المرتشي ياخد منه اي حاجه وده من وجهة نظرة طبعا.. لو حد سايق العربية بسرعة 200 كيلو وانقلبت لا قدر الله يبقي العيب علي الحكومة لانها لازم تكون غلطانة حتي لو كانت لافتات تحديد السرعة تخرم عين الشمس ومنتشرة علي طول الطريق..حاجات كتير بنقابلها في الحياه ونكون احنا الغلطانين بس مع الأسف لم نتعلم ثقافة الاعتراف بالغلط..اللحظة الوحيدة في حياة البشر اللي ممكن تعترف فيها بجد بكل الأخطاء عندما تكون في خلوه مع الله وتريد ان يمحو الرحمن جميع ذنوبك فتعترف بكل معصية واخطاء ارتكبتها في حياتك لأنك تريد ان يصبح سجل الأخطاء ابيض وبلا خطايا.. اكتشفت وانا أقف بين يدي الرحمن يوم الوقوف علي عرفات اننا نلهث وراء أشياء لا قيمة لها ونعيش في الدنيا نكذب ونخدع بعضنا البعض بدون هدف حقيقي. واكتشفت ايضا أننا نتحدث عن الرزق والصدق والستر وحسن معاملة الغير بالكلام فقط.. ولكن صفاء القلوب يحتاج إلي جهد كبير من البشر لنصدق جميعا ان المستقبل بيد الله وأننا نعيش في دنيا تأخذنا بعيدا عن الواقع وان كل شخص يرغب في ان يحقق ما يريد فقط حتي ولو كان علي جثث الغير..اعتقد ان اعتراف اي شخص بالاخطاء التي يرتكبها هو بداية الإصلاح الحقيقي.. وان الانسان خلق ليتعلم والطبيعي ان نخطئ ولكن اللا معقول ان نستمر في الأخطاء ونعلقها علي شماعة الغير..لن اتحدث عن روحانيات حج بيت الله الحرام ولكنني أستطيع ان اقول ان الانسان لو عاش في بيئة صالحة سيتفاعل معها بشرط ان تكون ردود الأفعال متقاربة بين الجميع..البشر الذين اختارهم رب العباد ليقفوا علي عرفات هذا العام هم من مختلف بقاع الارض وكان هدفهم طلب الرحمة والمغفرة والعتق من النار..الجميع كان يبكي بصوت مرتفع ويطلب رضا الرحمن والتجاوز عن جميع الذنوب والخطايا..في عرفات الكل اعترف بالذنوب والرحمن غفر لكل من اعترف وعلينا جميعا ان نتقرب إلي الله ونعترف بالاخطاء لنستطيع ان نحدث تغير حقيقي في الحياة لأنه بدون الاعتراف بالخطأ لا يمكن ان نبدأ طريق الإصلاح. اللهم ارزق أمة محمد بحج بيتك الحرام وثبت المسلمين علي طريق الخير.. وتحيا مصر