مفروسة أوي

سألتني إحدي الصديقات إيه رأيك فيما يحدث في تركيا؟، وبدلا من أن أقول لها إني مشغولة لشوشتي في امتحانات الثانوية العامة التي ستبدأ بعد كام يوم بسبب ابني اللي مبيفتحش كتاب، وحتي لا اتخلي عن كوني أم العريف قلت لها: نزول نجوم الدراما التركية مهند وفريحة والسلطان سليمان وزوجته الحقيقية وكمان كريم وفاطمة إلي المظاهرات جعل كل جمهورهم مشدودا للمظاهرات في تركيا أكتر من مصر، لذلك أتوقع خلال الأيام القادمة انتعاش سياحة المظاهرات إلي تركيا وابقوا قابلوني لو حد نزل عندنا التحرير تاني دي يادوب الحلقة الأولي من مسلسل تركي طويل سيلهث وراءه العالم العربي كالعادة!