مفروسة أوي

قررت صديقتي أن تأخذ أولادها في رحلة بإجازة نصف السنة، ونصحتها بأن تذهب إلي الأقصر وأسوان فقد ذهبت لها منذ ثلاثة أعوام وكانت رحلة رائعة، فأكدت لي أن أسعار قضاء 3 ليال في الأقصر ويوم في أسوان والذهاب والعودة بقطار النوم تتخطي ال 4 آلاف جنيه للفرد !فقلت :بلاش شركة سياحة روحوا مع نفسكم مش لازم منظرة وفندق أو باخرة 5 نجوم كفايه نجمتين، قالت النجمتين ده مش موجود عندنا ولو وجد فعامل زي لوكاندات رمسيس كده، ولكن النجمتين والنجمة واحدة كمان موجود في أماكن أخري غير مصر تسافري بالطيارة وتتفسحي وتشوفي أماكن تصوير المسلسلات وتشتري بأرخص الأسعار وكل ده بألفين و500 جنيه ويمكن أقل، وإسمك سافرتي بره وتتمنظري علي شارعكم كله، قلت لها ممكن أعمل جمعية وآجي معاكي ؟ ردت مش محتاجة جمعية السفر بالتقسيط كمان، ده كأنهم عاملين السياحة هناك للمصريين فقط!