تويتر يرحب بالجنزورى..شعار حكومة الجنزوري : الموت علينا حق

فى لمح البصر وفى سرعة يعجز عن متابعتها الى شباب هذا الجيل جاء الرد سريعا وقاسيا على قرار اختيار المشير طنطاوى للدكتور كمال الجنزورى لرئاسة الوزراء وتشكيل الحكومة الجديدة
تابعوا ماذا قال شباب الفيس بوك وتويتر على اختيار الجنزورى :
-زعلانين علشان البرادعي بتاع توتير اهو جالكم بتاع حجر رشيد !! اتبسطوا ؟
-الجنزوري اختيار موفق, مش هيلحق يطمع في الكرسي والسر الإلهي هيطلع قبل مايتبت
- هو مين الحانوتي اللي بيحط التشكيل الوزاري ده؟؟
-نركز بقا علشان انا سامع انهم هايعينوا تحتمس التالت وزير انتاج حربي
اتوقع ان يرحب الميدان بالجنزوري عندما يدخله راكبا عجلته الحربية
فقط في مصر تلاقي واحد كان رئيس وزرا قبل ما تتولد وبقدرة قادر يبقي رئيس وزرا تاني بعد ما تتخرج من الجامعة
انباء عن موافقة عبد الناصر لمبادرة روجرز
‏ بعد ما عين المشير كمال الجنزورى الهتاف يتعالى فى التحرير "سعد سعد يحيا سعد"
الاقتصاد: تخفيض 30 % علي الطرابيش بمناسبه افتتاح صيدناوي
احنا بلا فخر الشعب الوحيد الي يقول للزمان ارجع يا زمان .. يقوم راجع في ساعتها....
احنا قولنا مش عايزين حد من النظام القديم جابولنا حد من النظام العتيق لو رفضناه هيجيبوا لنا حد من شباب ثورة 19
يعني ايه الجنزوري يبقا رئيس وزراء يعني انا حرجع اتفرج على هذا المساء مع سمير صبري
الجنزوري هو الراجل المناسب للمرحلة ،80 سنة ، عاصر ملكين وأربع رؤساء جمهورية ،حارب مع أحمس وشارك في هوجة عرابي وحفر قناة السويس
أراكم تتابعون الثورة ببرود و لا أحد يتحدث عن سحب مسابقة الشمعدان
اللعنة عليكم يا رب تخسروا فلا يفوزن بالعجلة و الاتارى إلا أنا
يا شباب نجرب الجنزوري 9شهوردول بعدها نعمل ثورةتانية يجيبولنا عاطف عبيد فنعمل ثورة تاني فيرجعولنا احمد نظيف وكده فل قوي
الاذاعة والتليفزيون: اولي حلقات تاكسى السهره على القناه الاولى اليوم العاشرة و النصف.
عاااااااااااااااااااجل: الجنزورى يعلن عن استكمال عجلة الانتاج بعد العثور على الجادون فى غطا الكوكاكولا.
علي الصعيد الرياضي: محمود الجوهري يستبعد طاهر أبو زيد من منتخب مصر.
بعد ترشيح المجلس العسكري للجنزوي احب اقولكم ان التاريخ مش بس بيعيد نفسه .. ده كمان بيستظرف
بالطريقه دي نتوقع في اي لحظة ان محمود الجوهري هايمرن المنتخب
للشباب الصغير اللي مايعرفش حقبة الجنزوري .... ده من ايام ما الزمالك كان بياخد الدوري
* الجنزورى رجل ” شريف ” وهو انسان ” وطنى ” وسيعيدنا لأيام ال ” عز ”ال ” سرور ” فهو من ”صفوت ” الناس انه اختيار ” مبارك ”
‏ الجنزوري يرفض استمرار العيسوي في منصبه و كان تعليقه: العيسوي شاب طايش و قراراته تنقصها الحنكة!
عودة الايام بتاعة العربية الفيات المجنطة و دويتو هشام عباس و حميد الشاعري و الفيزلين و فرد الشعر.
مطلوب للتعيين فى القسم الطبي لرئاسة الوزراء مدلكة. ركب و سنادين للعضمة الكبيرة.
فى تليفون طالع جديد من غير سلك وممكن تتكلم بيه فى الشارع اسمه محمول
تشكيل وزارة الجنزورى:طلعت حرب وزيراً للمالية أحمد عرابى وزيراً للدفاع النحاس باشا رئيساً لمجلس الشعب يوسف وهبى وزيراً للثقافة
جيل ثورة 52 من الزهايمر فكرينها هي هي ثورة 25
يا جماعة يعني ايه الجنزوري و احنا عندنا ناس وطنية زي النحاس باشا,
لحد امتى السفير الانجليزي حيمشي كلامه على جلالة الملك
عاجل: اول قرار للجنزورى هوا عودة سلسلة قصص الرجل المستحيل وتعيين ادهم صبرى وزيرا للداخلية والرائد نور الدين للمخابرات
الجنزوري أخد المنصب عشان يتعالج على نفقة الدولة
العسكري يعيّن الجنزوري رئيسا للوزراء بسلطات كاملة ،، شكلهم قفشوا من الهزار أرتحتوا
الجنزوري مش حيعمل اكونت على الفيس ولا تويتر اللي عاوز يراسلة يبعت علي ص.ب 11544 الدقي
شعار حكومة الجنزوري : الموت علينا حق
منصور العيسوي : معندناش رئيس وزراء اسمه كمال الجنزوري اصلا
بيقولو مرتضى منصور ماسك على كل الناس في مصر سي دي إلا الجنزوري ماسك عليه فلوبي دسك
اخيرا شباب 1952 هياخد فرصته في ادارة البلد
بيقولك تشكيل الحكومةهيتاخر لان الجنزورى كل ما يختار واحد يقولوله مات من 20 سنة و يقع يفتكر الزكريات الجميلة
عاجل:- أبو الهول حلف بالطلاق ما في حد ماسك الوزارة غيره ..ما دام التعيين بالأقدمية
الرئيس الامريكى بيل كلنتون يؤيد اختيار الجنزورى رئيسا للوزراء
مؤهلات أصحاب المناصب فى مصر:ذبحتين و ضغط و سكر و بوادر تصلب فى الشرايين!!
جلال عامر : ليس من حقك أن تتطلع إلى منصب مهم فى بلدك فهو مثل مقاعد الأتوبيس مخصصة لكبار السن
استجاب الخديوي توفيق لمطالب عرابي والثوار وامر محمودسامي
البارودي بالتنازل عن الوزاره لأخوه الجنزوري بأعتبارإن من حق الكبيريدلع
الجنزورى منوفى مبارك منوفى السادات منوفى شرف منوفى عز منوفى هى البلد دى مفهاش الا المنايفة يسقط يسقط حكم المنايفة