بالفيديو..«البوابة نيوز» تعيد نشر المكالمتين سبب غضب «ساويرس»

عيد "البوابة نيوز" نشر المكالمة التي دارت بين محمد البرادعي و" دان بارمن" ضابط مخابرات أمريكي ، والتي كشف فيها البرادعي تفاصيل اجتماعه مع المجلس العسكري بحضور نجيب ساويرس، علاوة علي مكالمة مصطفي النجار مع عبدالرحمن يوسف القرضاوي، والتي قال له فيها: "أنا قعدت مع ساويرس 4 ساعات، وكان مبسوط منك جدًا"، وهما المكالمتان اللتان أثارتا غضب "ساويرس".
جاء في المكالمتين:
دان : الو
علي البرادعي: الو.
دان: محمد.
علي البرادعي: لا أنا علي.. انتظر لحظة من فضلك.
دان : أوكي.
محمد البرادعي: أهلا دان كيف أخبارك؟
دان: محمد أنا لسه راجع من مهمة في الشرق الأوسط الأسبوع الماضي.
محمد البرادعي: أنا أرى إن الموضوع بدأ يتحرك عندي بشكل كويس.. مش عارف انت خدت بالك إن المجلس العسكري في مصر وجه لي الدعوة لحضور اجتماع من يومين مع رئيس المجلس العسكري ورئيس الأركان وبرفقة 3 أشخاص من رجال الأعمال مثل ساويرس وعمرو موسى والاثنين مشهورين في مصر، وكنت على اتصال مع رئيس الوزراء المصري، هما عايزين يرجعوا البلد لحالتها الطبيعية المستقرة، ويريدون معرفة الإجراءات التي من شأنها عودة الحالة المستقرة للبلاد، وكيفية إيقاف المظاهرات والاعتصامات.. في هذا اليوم قابلت مجموعة من الشباب وقلت لعنان: علشان الوضع يرجع طبيعي لازم رئيس الوزراء اللي عينه مبارك يرحل، وبصراحة استجابوا ومشوه الصبح، وأنا بحاول أتأكد أن الأمور غدا ستصبح على ما يرام، وبعد ذلك ممكن كيفية التحرك فيما بعد، ذلك غالبا هيكون لينا اقتراح في كيفية تشكيل جمعية تأسيسية علشان نحط دستور، وننتخب رئيس للجمهورية بناء على الدستور، علشان كده كلنا شغالين دلوقتي على ده في المرحلة الحالية على الأقل، ونقوم ببناء جسر من التفاهم معاهم بنتحرك من خلاله، وده في الحقيقة جيد يا دان.
دان: كويس.. كويس جدا.. أنا لما رجعت اتكلمت مع بيل بيرنز وهو قاللي إنك اتكلمت مع طنطاوي وواضح إن ده مستمر، وإنه مش اتصال لمرة واحدة، وإنك دلوقتي فتحت قناة اتصال.
البرادعي: هو ده حقيقي.. دلوقتي أنا على اتصال جيد برئيس الأركان عنان وهو رقم 2 بعد وزير الدفاع، وكان كلامي معاه في اليومين اللي فاتوا حوالين التفاوض.. يعني كنت بقوله إيه اللي الشباب عاوزه عشان يوقف المظاهرات والاحتجاجات ويطمئن للمسار الجاي، وبلغتهم أن السقف الأدنى للمطالب هو عزل رئيس وزراء مبارك، وده حصل بالفعل انهارده الصبح، ودلوقتي أنا على اتصال بكل الناس، الشباب والإخوان.. وكل الناس.. عشان أتأكد إن بكره هيعدي كويس، ومش هيكون فيه احتجاجات تاني، وأنا قلت لعنان إننا هنكمل الحوار بعد كده، وأفتكر إن الخطوة الجاية هتكون إننا نشتغل معاهم عشان نوصل لانتقال هادئ للسلطة من خلال دستور جديد وانتخابات رئاسية، وبعدين نبقى نعمل برلمان، عشان الانتخابات البرلمانية دلوقتي- زي ما قلت لبيرنز برضه- مش هتفيد غير النظام القديم.. إذابة الجليد شيء كويس، وأتمنى إننا نقدر ناخد الوضع في اتجاه كويس خلال الست شهور اللي جايين.
أما المكالمة الثانية فكانت بين مصطفي النجار وعبدالرحمن يوسف القرضاوي، والذي قال فيها الأول للثاني، أنه جلس مع "ساويرس" 4 ساعات وكان مبسطو منه جدًا، كما هو واضح بالفيديو المرفق بالموضوع.