نشطاء يتداولون صورة لسيارة تحمل لوحات لوزارة الثقافة

تداول نشطاء على موقع التواصل الاجتماعي "فيس بوك" صورة لسيارة تحمل لوحات فنية، تنسب لوزارة الثقافة دون حماية.
وقال عبده البرماوي كاتب وروائي: "دي الطريقة اللي بتنقل بيها وزارة الثقافة اللوحات الفنية، ولا كأنها روبابيكيا، العربية معدية قدام كوبري قصر النيل دلوقتي، السلب مشدود فوق وش اللوحات، ومفيش أي نوع من الحماية للسطوح، وكلها لوحات حديثة وبحجم كبير، أنا مش عارف هل دي مقتنيات تخص الوزارة وقررت تدميرها، ولا دي لوحات ملك لأصحابها الفنانين ومشاركين بيها في معرض من معارض الوزارة؟ وبجد بالمنظر ده الواحد بقى مقتنع بقرار كتير من الفنانين مقاطعة أنشطة الوزارة الفنية، حقيقي عندهم حق فيه لو لوحاتهم هتتبهدل كده، المشهد ده بيفكرني لما شفت في قصر الفنون اللوحات بعد معرض كبير متكومة مع الزبالة".
وقال حسام مصطفى: "شفت خالد صالح، في هي فوضى لما قطع اللوحة عشان تبقى سهلة النقل".
هشام صلاح الدين: "انت جاي تتكلم عن اللوحات ف بلد البني آدمين بيموتوا فيها، وبيتم انتهاك إنسانيتهم يومياً؟"
البوابة نيوز