نواره نجم : لو عاد أبو الفتوح مع حمدين وه ارقص في نص الشارع والناس تتلم

رسالة نوارة لحملتي المرشحين : ابقوا اشتموا بعض بعدين هي الشتيمة هتروح فين المهم شفيق ومرسي مايعيدوشعلقت الناشطة السياسية والصحيفة نواره نجم علي أحد الاستطلاعات الأولية التي تشير إلى دخول محمد مرسي مع احمد شفيق في الإعادة بالكارثة وطالبت حملتي ابو الفتوح وحمدين بالكف عن الشتائم.. وقالت نواره عبر حسابها علي موقع التواصل الاجتماعي"تويتر" : "مرسي وشفيق ما يعيدوش يا رب وما فيش حد يقدر يمنع الكارثة دي غير حملة ابو الفتوح وحملة حمدين لو اتعاونوا مع بعض"وطالبت نواره حملتي ابو الفتوح وحمدين قائلة "بتوع حمدين وابو الفتوح ابقوا اشتموا في بعض بعدين هي الشتيمة هتروح فين ؟الهدف الرئيسي بتاع النهارده ان شفيق ومرسي مايعيدوش" و"اللي مانزلش صوت ينزل يصوت وحملة ابو الفتوح وحملة حمدين يبطلوا شتيمة في بعض ويركزوا في حاجة واحدة ،مرسي وشفيق ما يطلعوش اعادة الا علي جثتنا" وقالت نواره : حاعيد تاني عشان ابرئ ذمتي قدام ربنا.. حملة ابو الفتوح وحملة حمدين لازم النهارده يتعاونوا بأقصي درجة ان شفيق ومرسي يطلعوا من الاعادة" .. ونذرت نواره " والنبي يا رب لو حمدين عاد مع ابو الفتوح دستة شمع لسيدنا الحسين وازازة عنبر ومقشة وجاروف ل أم هاشم ودستة شمع كمان .. ده ندر" يارب قادر علي كل شئ حمدين يعيد مع أبو الفتوح يقوم هم الاثنين مفاجئين الناس وعاملين فريق رئاسي .. وانا ارقص في الشارع والناس تتلم" .. وقالت "حمدين يعيد مع ابو الفتوح ؟ روحوا إلهي يسعد كل انسان قال لي كده ده اتحزم وارقص في نص الشارع"