كلام مسئول

محمد صلاح: يامساء الخير"الناصرية" فكرة اتكونت بعد وفاة الزعيم الخالد جمال عبد الناصر قعدوا اصحابها يبلوروا لوضع اسس ليها كترت الاجتهادات ويمكن التبريرات وزادت التصورات وصل جهد كبيرقوي عشان يبقى للناصرية حزب وكانت الولادة صعبة من جهة تنوع الوان الناصرية نفسها لغاية ما بقى الحزبي العربي الديموقراطي الناصري موجود على الساحة وشرعي تقريبا الحزب الوحيد الرسمي المعبر عن التيار ناصري في مصر ، الناصرية كتوجه وتيارسياسي ليه نظراته ورؤاه لعلاج مشاكل البلد لكن النظرة والرؤية دي ما دخلتش اختباربعيد عن التنظيرفيه افكاربراقة لكن من غير شعبية على الارض يعني بالجماهيراللي هي اصلا منصرفة ، الخلافات الشخصية كمان من اقطاب الحزب بتاثروكمان صراع القيادات الناصرية اللي خارج الحزب اصلا لدرجة انه ناصري كبير قال انه مش ممكن نحصرالناصرية في حزب واحد عشان مفيش واحد في كاريزما عبد الناصر نتلف حواليه واذا حصل هنتوحد ايدينا وايديكم وايدينا طويلة العمرمعناها هيستنوا كتيرالزعيم الخالد جمال عبد الناصرصعب يجود بيخه الزمان مرتين الناصريين انشطروا حتى التنسيق بينهم ما بقاش موجود لكن الحقيقة الحزب الناصري وسط كل الظروف كان ليه مواقف كتيرة مؤثرة الدفاع عن ثورة يوليو والقطاع العام مجانية التعليم رفض الخصخصة نسبة ال50% عمال وفلاحين المجالس النيابية معارضة التطبيع واحلام القومية والاشتراكية والوحدة مع العرب طبعا ..عن الحزب الناصري هيكون لينا النهاردة كلام مسئول
فاصل
محمد صلاح: مش ممكن كل يوم تتولد فكرة ، الناصرية فكرة جميلة براقة لكن الافكار دايما محتاجة لرهان محتاجة لتطبيق ناجح زيها قولة نجاح الفكرة وخطا التطبيق ما بقتش تعيش امم الفكرة الحقيقية هي اللي تضمن انها تعيش وتجدد نفسها وتطور كمان نفسها النائب الاول لرئيس الحزب الناصري الاستاذ سامح عاشور هيكون لينا معاه كلام مسئول ومن كلام الاستاذ سامح عاشور" لا افكرفي الترشيح لمنصب الرئيس في انتخابات العام المقبل الا اذا اصر الحزب الناصري على ترشيحي"" المعارضة الحالية في اضعف حالاتها والحزب الناصري سيناضل من اجل تصحيح الاوضاع "" ارفض الاسماء المطروحة حاليا للترشح للرئاسة فهم ليسوا من اختيار الناس والمواطن هومن يختارولا تملى عليه اختيارات والانتخابات الحرة ستفرز من يحق له الاختيار"" لابد من تنقية الاجواء واحداث تطوير وتعديل في لائحة الحزب الناصري قبل الخوض في مسالة الترشيح للانتخابات عزوف الاقباط عن العمل السياسي ناتج عن حل سياسي نعاني منه والعزوف لم يقتصرعلى الاقباط فقط ولكن هناك عزوف من المسلمين ايضا فنسبة المشاركة في أي انتخابات لاتتعدى 15% لان هناك احباطا سياسيا والمناخ الديموقراطي السئ الذي تعيشه مصر مسئول عن كل ذلك "مواقف وارء احزاب المعارضة براقة لمكن احزاب المعارضة ومنها الحزب الناصري مليانة مشاكل وعدد المقاعد اللي تقدر تاخده في أي انتخابات متواضع، احزاب المعارضة ومنها الحزب الناصري عايزة حراك سياسي عايزة مخاض يمكن نكون بنعيشه دلوقت ..النائب الاول لرئيس الحزب الناصري الاستاذ سامح عاشور هيكون لينا معاه كلام مسئول
فاصل
محمد صلاح:ارحب بالنائب الاول للحزب الناصري الاستاذ سامح عاشور منورنا يا استاذ سامح..استاذ سامح النائب الاول والنائب التاني والنائب التالت ماشفنهاش قوي في الاحزاب دي هل دا بتوسيع رقعة القيادة للحزب ولا للتغطية على الصراعات اللي موجودة في الحزب ولا لتعامل مع ظاهرة اختفاء رئيس الحزب ؟
أ/سامح عاشور:هي طبعا موضوع لائحي يعني اخوانا في المؤتمر قرروا استحداثه في اخر مؤتمر عام حتى يحل محل رئيس بعينه اللايحة كان فيها 3 نواب للرئيس ومازالوا فارادوا ان يميزوا نائب بتقديمه نائب اول في الحلول يعني يبقى حل قانوني وليس حل تفويضي ودا نوع من الاستقرار .
محمد صلاح:طيب مش الحزب الناصري كده شوية يعني مش قادريطبق جواه اللي بيطالب بيه يعني خلينا نتكلم بصراحة اكبر نتيجة الظروف الصحية لرئيس الحزب ليه الناصري معملش زي حزب العمل مثلا ان الاستاذ خالد محي الدين الى زعيم شرفي وزعيم تاريخي للحزب وخاض الدكتوررفعت السعيد مع اخرين وفازبالرئاسة ليه معملتوش كده عندكم ؟
أ/سامح عاشور:هي اسبابها العلاقات الانسانية التي تربطنا بالاستاذ ضياء الدين دلوقت وانا شخصيا من اكثرالناس ارتباطا على المستوى الشخصي بقيمته وراينا انه مفيش ضرورة ملحة الى الوصول لهذه النتيجة هو ممكن تكون في المرحلة التالية هو قررالاستاذ ضياء الا يدخل مرة اخرى لموقع الرئيس في الحالة دي من الممكن جدا ان نطرح فكرة ان يكون رئيس شرفي بشكل اخلاقي نوع من انواع التكريم
محمد صلاح: بس دا موجود في السياسة المفروض ان يؤدي سياسة وفي الساحة وبيجادل وبيعمل صفقات اوما يعملش صفقات ويدخل في تحالفات او يدخل صدامات او يبقى موجود على الساحة
أ/سامح عاشور:احنا بالقطع في كثيرمن داخل الحزب كانوا ورا هذه الرؤية وبيروا انه كان يكفي وكان وكان لكن خلاص الباقي من عمرالدورة الحالية شهورمعادش فيه ضرورة لاستحداث مثل هذا التصور
محمد صلاح: اصل في انطباع انه اذا كانت الاحزاب المعارضة توجه اتهامات لحزب الوطني بانه بيحاصرها انه ضدها انه ممشي القانون بحكم الغالبية اللي موجودة له في البرلمان في المقابل برضه في ناش شايفة ان احزاب المعارضة كلها صراعات ووصلتوا لخناقات برضه مش كده؟
أ/سامح عاشور:البداية للحياة الحزبية في مصروطوال الفترة من 75 لغاية الان بتقول اننا في حالة مرضية حزبية بشكل عام يعني التحول اصلا من نظزام الحزب الواحد الى منابرثم الى احزاب للاسف الشديد الحكومة راعت وحرصت على ان تقود العملية الحزبية بمفهوم التنظيم الواحد فبدل ما يبقة اسمه الاتحاد الاشتراكي بقى اسمه الوسط ثم مصرثم الحزب الوطني بدليل ان مقررات الاتحاد الاشتراكي جميعها بلا استثناء الان في الحزب الوطني طب ايه
محمد صلاح:يعني ديكور ولاايه؟
أ/سامح عاشور:النتيجة الحتمية على قبولنا هذه المعطيات سوف تحولنا الى ديكورعندما يكون القراروالواقع ان حزب الحكومة سوف يحكم الى الابد وان احزاب المعارضة سوف تظل معارضة الى الابد دون ان تقدم أي معطيات لامكانية التبادل في المواقع في ان يصبح المعارض في يوم من الايام يحكم دا معناه انك بتمثل على الناس ولو قبلنا احنا دا بالقطع نبقى دخلنا في متاهة خداع الجماهير
محمد صلاح: فيه قوى سياسية اخرى الاخوان المسلمين مثلا في اخرانتخابات خدوا 88 مقعد وهم غيرمنضمين لاي حزب يخوضوا مستقلين وخدوا 88 مقعد والحزب الوطني ضدهم وانتم معندكوش مقعد؟
أ/سامح عاشورلا "الناصريين" اللي تداولوا على مدارمجلس الشعب والناصرين الي موجودين النهاردة عددهم كبيربس مش في الحزب الناصري خلي بالك الحالة المرضية لتكوين الاحزاب لابد ان يركب امراض مش هيطلع نظام صحيح في النهاية هيصدرالمشكلة الى احزاب المعارضة في داخلها لانه ازمة في ازمة عدم الانتقال والوصول للناس عبر القنوات اللي حددتها الحكومة فبداوا يتخنقوا حتى حزب الحكومة مش سالم من هذا الامروكان الفرق بينا وبينه ان الحزب اللي فيه رئيس الجمهورية يعني الدولة كلها معه طب قول ان الرئيس مبارك قررانه يترك الحزب طلع لي 5 هيقعدوا في الحزب الوطني.. دا اصبح مطلب حتمي لاي امكانية للتغيير في المستقبل
محمد صلاح:طب كلمنا عن النقد الذاتي اصل الكلام عن الحزب الوطني كتير ومتكرر يعني ايه اخطاءكم؟
أ/سامح عاشور:سيدي الفاضل جسم الانسان واحد انا بحدثك بس على الحزب الوطني ولكن لانه صاحب العطاء الانتقالي العملية الحزبية بدات من الاتحاد الاشتراكي
محمد صلاح:انا متاكد ان فيه ناس محبين لعبد الناصرولكن هل فيه محبين للحزب الناصري؟
أ/سامح عاشور: مش زي عبد الناصرلانه فرق بينه وبين تجربته وزعامته واقولك كلام صريح كثيرمن الناصريين اساءوا لعبد الناصر يعني الحديث عن تجربة خاصة بى والحديث عنها يمكن ان يؤدي الى اثارعكسية نمرة اتنين انك النهاردة فيه 3 احزاب في مصرناصرية بداوا من حزب واحد بداوا من الحزب العربي وخرج منه الكرامة وخرج منه الوفاق وخرج مجاميع اخرى يعني احنا 4 احزاب وللاسف الشديد نتيجة الانشطاراللي سببه المناخ السياسي الحالة السياسية انت بتفصل ليه الاجزاء على بعضها ، الحالة الحزبية المصرية حالة مرضية
محمد صلاح:هل جرت أي محاولات بين الناصريين وبعضهم للتجميع انا اعرف انه حصل كلام ودايما بتفشل طب ما تجتمعوا الاول وبعدين تشوفوا الحزب الوطني؟
أ/سامح عاشور:احنا مش بنشوف الحزب الوطني باعتباره ان هو خصم احنا بنشوفه باعتباره يمثل الدولة واداة الدولة في التعبيرعن موقفها السياسي
محمد صلاح: ماهي حماية الحزب بدعها عبد الناصر الافكار نفسها كانت محتاجة اعادة صياغة وتلائم العصر؟
أ/سامح عاشور:بالقطع محتاجين تغييرالخطاب السياسي ومرحلة عبد الناصرمرحلة تجارب ثورية فيها ما يصلح وما انتهى غرضه واحنا مقصرين فيها تماما وانشغالنا عن هذا الدور بالصراعات الجانبية والانفصالات داخل الحزب الواحد في الاخر نصرفنا عن هذا الدور وهمناالقادم هو كيف نعيد الخطاب السياسي كيف نعيد البرنامج بالخطاب الحديث كيف نتحدث عن تعديل لائحي لنظام الحزب يسمح باستيعاب كل الطبقات لانه من ضمن العيوب ان للائحة تخصم ولا تجمع بمعنى انه طريقة تكوين البناء الحزبي فيها تؤدي الى ضرورة الاستبعاد هذا الاستبعاد بيستنفذ الطاقة المفروض الان ان نحافظ على كل الطاقات وان نمنح كل الناس ان الحزب يحتمل ادوارنا جميعا لكن اللائحة الحزبية كان من عيوبها الشديدة انها ساهمت في الفرقة السياسية بين ابناء الحزب الواحد يعني مؤتمرانت لما انعقدنا في التسعينات مكانتش قاعة المؤتمرات مكفيانا وكان مؤتمر تنظيمي،النهاردة انقسمنا ل4 احزاب فطبعا مسالة بقت مش مرضية وتحتاج ان احنا نعيد تنظيم صفوفنا احنا الان بنطور اللايحة
محمد صلاح: بالنسبة للشارع شكلكم عامل ازاي بتعملوا ايه عشان تتواصلوا مع الناس؟
أ/سامح عاشور:بالقطع احنا ممكن نعمل حاجات قد تخالف القانون يعني يقولك مفيش عمل سياسي في الجامعة يعني ايه انت كده بتقضي على الشباب ولازم نشتغل فيها انا مش بقصد اني احول الجامعة الى احزاب سياسية وانما احول الجامعة الى ساحة سياسية وطنية تعبربها النهاردة ايه اللي حصل نتيجة هذه القيود انه مفيش غير تيار واحد قدريشتغل في الجامعة بالاخوان يالحكومة طيب ايه المانع السياسي المانع التعليمي من ان الطالب وهو بيدرس بيتكلم في السياسة ؟
محمد صلاح:الاخوان نجحوا في التواصل مع الشارع لانهم خارج القانون ممن وع المؤتمرات او المسيرات الا باعداد معينة وهما شغالين بتوع الاحزاب بيلتزموا والاخوان لا
أ/سامح عاشور:لا طبعا احد اسباب نجاحهم النسبي هو خروجهم بالمحاذير اللي احنا التزمنا بيها ، الخطاب الديني هما ليهم ميزة التواصل مع الناس في ظل غياب الاخرين على الساحة يعني لما تبقى الجامعة وواحد يقولك اوديك الحزب الوطني ولا تعالى نصلي هروح اصلي في النهاية دا اللي بيحصل، احنا بقى عايزين نحرك المساحة ، في النقابات المهنية احنا موجودين في نقابة المحامين ، نقابة الاجتماعيين نقابة المهندسين والاطباء يعني فيه حالة من التواصل موجود ولكن لم نصل الى درجة النضج الحقيقي تجعلنا متواصلين
محمد صلاح:فيه ملحوظة انه الحركات الاحتجاجية سحبت البساط من الاحزاب هل لنفس السبب اللي قلته على الاخوان ؟
أ/سامح عاشور:هما سرقوا الكاميرا بالقطع لانه انت بتعمل حالة انفعالية العمل الحزبي يبقى فيه تبعاته وحساباته يعني ممكن واحنا في حركة 6 ابريل لازم الحزب يرجع لمؤسساته عشان ننزل في مظاهرة
محمد صلاح:عقل ولا ترهل؟
أ/سامح عاشور:لوزاد يبقى ترهل ولوفي التوقيت الصحيحج يبقى عقل مفيش ما يمنع انك تجد وسط هذه الحركة ناصريين
محمد صلاح:بس لنا تعبرعن موقفك تحت لافتتك ؟
أ/سامح عاشور:يبقى افيد مش عايزة كلام
محمد صلاح:طب انتوا ليه محاولتوش تسرقوا الكاميرا؟
أ/سامح عاشور: دي مش طريقتنا احنا مش هنقدر نشتغل
محمد صلاح:تحبوا الكاميرا تكون جاهزة ؟
أ/سامح عاشور:ولايعنينا ان احنا نسرق الكاميرا انما يعنينا تحقيق مصلحة عامة يعني لما بنتكلم في ائتلاف الاحزاب حول قواعد الاصلاح الديموقراطية اللي احنا وضعنها ونقول من حق المستقلين ان هما يترشحوا هل دا من مصلحة الحزب الناصري وانما بندافع عن قاعدة بيستفيد منها كل الناس بل قد يستفيد الخصوم في انه المستقل يمكن ان يتقدم فينافسك وانت حزبي لكن احنا شايفين انه من المصلحة انه يبقى فيه مستقلين على كل المستويات سواء رياسة الجمهورية او الشعب
محمد صلاح:انتوا ايه موقفكم في الدكتور محمد البرادعي؟
أ/سامح عاشور:احنا معندناش موقف من الدكتورمحمد البرادعي هو اللي عنده موقف من الناصرية والحكم الناصري برضه دي ماتزعلناش قوي هو حرلكن في النهاية الدكتور محمد البرادعي راجل من حقه انه يبقى موجود في الساحة السياسية ومصرمحتاجة مليون برادعي والساحة تحتمل كل الناس لكن مرحبا بالبرادعي شريكا في جبهة نحو الاصلاح لكن قائد الجبهة لا .. ما ينفعش واحد نقوله كل الاحزاب دي وراك دا مش كلام صحيح الاصلاح خصوصا اذا ما كان ما يطالب به جزء مما نطالب به البيان اللي طرحته الجمعية محدود ويمثل حدود دنيا من المطالب وقالها الشارع المصري واتفق عليها من زمان يعني لا هوقال اختراع
محمد صلاح:امال ليه تحول الى ظاهرة ؟
أ/سامح عاشور:وجه جديد في ساحة العمل السياسي والوطني لاحظ ان النخبة اللي التفت حوله نخبة رافضة للانتماء الحزبي يعني بيمارسوا الخصومة
محمد صلاح: يعني بتشبه لعيب الكورة اللي في ناد ويروح يجيب جون في نادي تاني.
أ/سامح عاشور:مع الفارق لكن ممكن عند البعض معتقدة ذلك لكن انا كمان من حقي انه يكون لي اعتقاد مخالف يعني ما ينفعش يا تبقى مع البرادعي يا تبقى عميل للحكومة ، حاول البعض ان يوصلها الى هذا المعنى ودا امر مرفوض لكن اهلا بيه في ساحة العمل الوطني واللي بيطالبوا بيه احنا بنطالب به في جبهة الاحزاب
محمد صلاح:الاحزاب مفتقدة الشخصية الكاريزمية اكترمن النظر في برامج الاحزاب او تنظيراتها يعني الحزب الناصري اعادة استنساخ عبد الناصر .
أ/سامح عاشور: لو حاول حزب انه يعني كده هيخسر لكن نقدر نعيد صياغة التجربة الناصرية ونقدمها بشكل يحقق مصالح الوطن ما ينفعش نقول لازم نجيب واحد يتكلم عبد الناصرولانه خطاب الرئيس عبد الناصر مش بالضرورة ينفع النهاردة ورؤيته للحزب والواحد مش هتنفع عبد الناصر كان يعيش في مناخ الحرب الباردة والقطبين النهاردة فيه القطب الواحد ففيه حسابات مختلفة
محمد صلاح:خرجتم من الاحساس بتاع اللي على راسه بطحة ان تجربة عبد الناصر كان فيها مساوئ كتيرزي مراكزالقوى اوالتعذيب سواء للاخوان اوالشيوعيين او بعض المعارضين.
أ/سامح عاشور:بالقطع..اولا احنا في الحزب مش معنيين ان احنا ندافع عن اخطاء تجربة ومين قال ان عبد الناصر نبي لكنه بشريرد عليه ما يرد على البشر كلهم ولانه لا يوجد المصيب بشكل مطلق ووعبد الناصر اخطا واصاب
محمد صلاح:فيه توافق بين الناصريين على ذلك؟
أ/سامح عاشور:طبعا لكن مش بالضرورة كل ما تم يعني حد يقدريقول انه احنا هندافع عما حدث في عهد الثورة من معمعة انما بالقطع لها اسبابها ولكن خلي بالك الحالة مهمة جدا مفيش في العالم ولا في التاريخ تجربة بدون اخطاء ومحمد علي كان ممكن يعمل مصر الحديثة من غيرما يعمل مذبحة المماليك ولكن لوحاسبته بس على مذبحة المماليك تبقى ظلمته ،امريكا ما بقتش امريكا الا لما خلصت على الهنود الحمر لما خاضوا الحروب الاهلية في داخلها بالقطع احنا كنا مستهدفين يعني انت عشان تؤمن قناة السويس لازم تدفع تمن والسد العالي ولو معملش حاجة غير السد العالي يكفيه هذا الانجاز لكن الشركات القطاع العام اللي احنا بنبيع فيها لغاية دلوقت اللي مسددة ديون مصرلغاية دلوقت اللي ساتره الاقتصاد المصري اللي بتتسرق حتى الان هي اللي باعها ....
محمد صلاح:الناس شايفة ان هي خربت البلد.
أ/سامح عاشور:لا لا دي وجهات نظرقاصرة مع احترامي لاصحابها لان دول لهم مصالح اخرى شوف الحجم اللي اتباع ايه وحجم ما كانت تمثله من الاقتصاد هذا الدور المصري حولها مصرقارة افريقيا قادة الامة العربية قائدة الامة الافريقية قادة العالم التالت ، العالم المتقدم مش عايزة يبقى فيه زي ما كانت ضد محمد علي عشان ما يبقاش صاحب امبراطورية ضربوه هو وابنه عشان يصغروا حجم مصر عبد الناصر ايضا استهدف من اجل ان يعود بحجم مصر ومع ذلك مصر ساهمت في استقلال اليمن ساهمت في استقلال الجزاير ساهمت في استقلال افريقيا ساهمت في دعم الخليج العربي في الدفاع عن لبنان وعن وحدتها يعني دا كله مش عايز يبقى له تمن
محمد صلاح:انا حاسس ان موضوع البطحة دا عصبك خليك معايا لسه الكلام مخلصش
فاصل
محمد صلاح: مفيش على رؤوس الناصريين أي بطحة الاستاذ سامح عاشور رئيس الحزب الناصري بيقول كده استاذ سامح عن احوال الحزب في الداخل عندنا تجربة الاستاذ حيدر بغدادي نسمعها ونشوف قال ايه ونعلق عليها
فاصل
أ/حيدربغدادي: الحزب الناصري عبارة عن مجموعة قيادات محترمة لا تتعدى على الاصابع 30 قيادة حزبية ناصرية هذه القيادات تعول كل كلها على الجريدة التي تصدر وهي جريدة العربي الناصري وشقة موجودة في شارع طلعت حرب وبعض التظاهرات والاحتجاجات ولكن الحزب له ايدلوجية حقيقية له برنامج حقيقي لكن ليس له قواعد جماهيرية في الشارع يعني ما نلاقيش في اقسام القاهرة مكاتب لاقسام الحزب ولا وحدجات حزبية ولا لجنة قسم ولا لجان نوعية زي لجنة العمال لجنة المرافق لجنة الاسكان دا كله مش موجود ويزاول الحزب الناصري عمله من خلال شقة ليس له التحام بالجماهير وبه ديكتاتورية القرار وعدم الديموقراطية الدليل حينما انا لست ترسا في الة وحينما عرض مشروع تعديل المادة 76 كان لي راي مخالف لراي قيادة الحزب الوحيدة الاستاذ ضياء الدين داوود وانا وافقت على المادة 76 لاقتناعي بان لابد بان تكون هناك تعديل في منصب رئيس الجمهورية أي دولة في العالم بتسعى ليه ولم يتم الا في عصر الرئيس مبارك هذا معناه انه بينقل مصر نقلة حضارية نحو الديموقراطية والحزب الناصري رفض ويريد هذه المادة بدون ضوابط كيف نضع مادة في الدستور يوافق عليها الشعب بدون ضوابط
فاصل
محمد صلاح:النائب حيدر بغدادي كان عضو في الحزب الناصري ثم استقال وانضم الى الحزب الوطني وقال شهادته عن الحزب هو شاف انكم شقة وجرنان وديكتاتورية
أ/سامح عاشور:دا كلام اصغر من حيدر نفسه كنت اتصور انه يتكلم كلام حيدر هينزل على خلفيته الحزب الحكومي ، هو خرج من الحزب لانه بيؤيد المادة 76 لانه اراد ان ينضم الى الحزب الوطني احنا الحقيقة معندناش غير شقة لانه لا احنا الحزب الوطني ولا الوسط ، قررنا ان ندخل السياسية بحكم قضائي فدا له تمن هو مش عايز يدفع التمن وعايز يبقى في نقلته اموجودة هو حر
محمد صلاح:بس فيه ناس شايفة انه التركيز على الجريدة وهي طالعة بقالها فترة كلنا في مجال الصحافة حصل لها ازمة مالية شديدة وحصل مشاكل داخل الصحيفة يعني بقت بؤرة الاهتمام في الحزب هي عندها مشاكل
أ/سامح عاشور: وهي جريدة الحزب الوطني بتكسب بس بيتصرف عليها مش من فلوس الحزب وانما من فلوس الدولة فطبيعي احنا عندنا مشكلة في الجرنان ايه المشكلة هو احنا كده اذينا مصر..؟؟
محمد صلاح:ليه كان موقفكم في انتخابات الشورى بالشكل دا هل كان اعتراض على الشكل العام ولا لانه مفيش عندكم قناعة بجدوى مجلس الشورى نفسه ولا برضه للاسباب المالية ؟
أ/سامح عاشور: ياسيدي الفاضل مفيش شك المسائل المالية موجودة ولكن تعال شوف معطيات اللعبة احنا اشبه بفريق كرة القدم مطلوب منه انه ينزل ضد الحكومة وعندهم 3 بيلنج كمان محسوب عليها ومعاها الحكم تقبل تدخل تعمل المغامرة دي فمعطيات العملية الانتخابية انت داخل وعارف النتيجة مسبقة بكل معطياتها التسليم بيها جريمة وخطا
محمد صلاح:يعني يبقى الحل المقاطعة؟
أ/سامح عاشور:انا من انصار هذا الحل
محمد صلاح:بس دا ما اعلنش في التحالف الرباعي اللي تم مع الجبهة والوفد ؟
أ/سامح عاشور: البيان الرباعي فيه مطالب والاحزاب هتحدد معا موقفها من الاستمرار في العملية الانتخابية .
محمد صلاح:انت متصور انه الاحزاب ربما اذا كان موقفكم انتم كده المقاطعة يعني بقية الاحزاب هتقاطع؟
أ/سامح عاشور:ربما
محمد صلاح:لسه ما بحثتوش الموضوع؟
أ/سامح عاشور:لسه
محمد صلاح:وهل الهروب الدائم دا المقاطعة الدائمة دا هيغير؟
أ/سامح عاشور:اولا لازم يضع خط فاصل انها تكشف يااخوانا انت لسه بتتكلم عن الديكورانا مش هقبل ابقى ديكورفي عملية تزييفية لواقع مش صحيح خلاص خليهم ينجحوا لوحدهم وياخدوا الشعب كله والشورى كلها بس مش بالانتخابات ومفيش نزاهة دي معطيات غير صحيحة التسليم بيها جريمة وتضليل للناس
محمد صلاح:الائتلاف الرباعي البيان الختامي كان فيه مطالب معينة ايه اللي حصل بعد انتهاء المؤتمر ايه اللي حصل بينم حاولتم تفعلوا قراراتكم او توصياتكم؟
أ/سامح عاشور:حصل كل حزب بقى يشوف قواعده احنا عملنا لقاءات مشتركة وكان اخر مؤتمر خاص بحالة الطوارئ وطلعنا توصيات
محمد صلاح:عملتوا ايه لتفعيل المطالب؟
أ/سامح عاشور:احنا في الحزب الناصري معندناش دبابات عندنا جرنان بيعبرعن راينا عندنا تواصل مع الناس بقدرالامكان احنا بنحرض الناس انها تنضم الينا لكن معندناش حاجة تاني انا بستخدم الادوات المتاحة امامي فقط
محمد صلاح:تسمع الناس بتقول ايه؟
أ/سامح عاشور: نسمع
فاصل
مواطن1: نعرف انه مالوش أي تواجد الحزب الناصري دلوقت
مواطن2: الحزب الناصري ولا اعرف مين هما اللي ماسكينه ولا ايه اعماله ولا انجازاته
مواطن3: الحزب الناصرية كان له شنة ورنة زمان ايام الزعيم جمال عبد الناصر لكن دلوقت نشاطه ايه وايه مبادئه الله اعلم
مواطن4: اعرف انه الحزب بتاع جمال عبد الناصر بس انقرض دلوقت
مواطن5: كله دلوقت يا اما وطني يا اما عمال يا اما اشتراكية كده يعني
مواطن6: انا معرفش الحزب الناصري والكلام دا حد يعرف الحزب الناصري ايه الحزب الناصري دا
مواطن7: ماليش دعوة باي حاجة تانية اكل عيش ومن البيت للشغل ومن الشغل للبيت ماليش دعوة بالسياسة ليا دعوة بالكورة بس
فاصل
محمد صلاح: واحد بيقولك الحزب الناصري كمان ليه شنة ورنة وواحد قال بس انقرض زي الديناصورات كده ايه رايك في الكلام دا؟
أ/سامح عاشور:دي الحالة اللي موجودة فيها البلد دا تعبيرعن الحالة السياسية اللي فيها الشارع المصري انه فيه فعلا تغييب للحالة السياسة في مصر البداية حالة انجاب لجنين ميت،العملية الحزبية وعلى راي السادات .. ونسبة الحياة فيها محدودة
محمد صلاح:انت بتتكلم بأسى كده ليه؟
أ/سامح عاشور:لانه طبعا شئ ..بس انا واقعي جدا انا عايزالمسالة صح المطلوب الان ان الناس تفضل في احالة دي لاعارفة حزب وطني ولا ناصري هي تعرف الحكومة يس لكن في النهاية تعالى قول للرجل الشارع انت عايش كويس ولا لا لا انبوبة بوتاجاز بتوصله ولا رغيف عيش.. انت الاول اظبط نفسك واكل الناس والناس دي مستريحة انا اقولك احنا نقفل الحزب الناصري وشوية بس نحافظ على استقلالنا حافظوا على لقمة عيشنا حققوا مطالب الجماهير في الشارع واحنا مستعدين ما نتكلمش خالص
محمد صلاح:انت ايه ردك على الكلام يعني رموزالحزب الوطني قليل لما يتكلموا بس بيقولوا ان الاحزاب ما بتقدمش بديل ؟
أ/سامح عاشور:الحقيقة كلام يفرس اولاهما مفيش حد فيهم مسئول عن حاجة يعني يفضلوا يتكلموا وفجاة لوالريس قررحاجة في دقيقة واحدة تلاقي انهم انقلبوا يعني احنا قعدنا لغاية سنة 2005/2006 لغاية 2005 الساعة 12 كانت كل تصريحات الحزب الوطني انه مفيش تعديل لدستورنعدل فيه لغاية ما فاجأنا الريس بمقترحاته قالوا احنا لازم نتعدل ونتحول الى نظام جديد وبعدين بعد ماعملوا المادة 76
محمد صلاح:ايه البديل طيب؟
أ/سامح عاشور:عشان اقولك البديل انا مش شغال عندك عشان اقدم لك الحلول انما انت اعمل صندوق انتخابات يطلع الصوت وساعتها اللي هينجح هيقدم الحلول ماهوعشان توصل للنتيجة دي لازم كمان تديني مساحة من الاعلام القومي تديني مساحة من الصحافة القومية
محمد صلاح:الاحزاب طالعة في فضائيات كتيرة قوي.
أ/سامح عاشور:ايوه مش في التليفزيون اديني معطيات حقيقية توصل لانتخابات حقيقية يفرز ناس هي دي الناس اللي تطبق وسيبني اقدم برنامجي للناس هو الناس هتنتخبني غيابي ولا وانا صامت ، اذا ما قدمتش برنامج حقيقي الناس مش هتاخدك ولكن الان الفرصة مش للبرنامج الفرصة للي الحكومة هتنجحه بس
محمد صلاح:على مدى السنين كان فيه عداء بين الاخوان والناصريين ولقينا انه مؤخرا عقد اجتماع تشاوري تنسيقي بينكم وبين بعض ممثلي جماعة الاخوان المسلمين تفسيره ايه ؟
أ/سامح عاشور:اولا الاجتماع بناء على طلب الاخوان
محمد صلاح:المهم انه تم...
أ/سامح عاشور:تم دون ان يوضع له جدول اعمال مسبق قالوا عايزين نتكلم مع الناس فاختارنا فريق
محمد صلاح:هل على مدى 40 سنة الاخوان طلبوا انهم يقعدوا معاكم؟
أ/سامح عاشور:لا قعدوا مع الاستاذ ضياء كتير وكان فيه بعض الاتفاقيات صحيح نتائجها سلبية بس لا تستطيع ان ترفض مسبقا ان ترفض الحوار يعني لو الحزب الوطني او الوفد او أي تيارسياسي اهلا وسهلا
محمد صلاح:بس دا تيار فيه بينكم وبين بعض عداء تاريخي.
أ/سامح عاشور:هما عندهم عداوة وتجربة احنا معندناش هما راضيين انت زعلان ليه..؟ هما قبلوا ان يتجاوزوا هذا الامرفطبعا الحوار كان متجاوز دا وانا افضل انه الحالة السياسية المصريةجهرها الخلافي كبيرمش قليل طب ما احنا فيه خلاف بينا والحزب الوطني توجه غير التوجه لكن نقدر نقول ان احنا هنوقف مسيرة المستقبل عشان نصفي حساباتنا القديمة
محمد صلاح: انتهى على ايه الاجتماع دا؟
أ/سامح عاشور: قد يكون مغزى الاخوان من هذا الحوار انه حضرتك وكل المعنيين ينشغلوا بهذا الموضوع، الحراك في ذاته مكسب بالنسبة لهم ان يتحرك من حالة السكون الى حالة الحركة مع التجمع ومع الناصري انا اعتبر ان دا ذكاء
محمد صلاح:ايه رايكم في هوجة الترشيحات للرئاسة كل يوم يترشح اسم ؟
أ/سامح عاشور:احنا لسه ماحسمناش موقفنا انا شخصيا من انصار الدخول في المعركة انا من انصارمعطيات صحيحة ساعتها نفكر مين اللي هينزل يا اما لا لانه الموافقة المسبقة على بياض هتضيع الدنيا وهتضيع البلد
محمد صلاح:كوتة النساء في الانتخابات اللي جاية انتوا برضه مستني اصلاح سياسي ولا اتعاملتوا مع القضية الى ان ....
أ/سامح عاشور: سيدي الفاضل ان تدخل المعركة والسلام قد يكون هدف في بعض الاحزاب بعض ناس تقولك انا مش حسبتي دي
محمد صلاح:انت من الحزب الناصري؟
أ/سامح عاشور:لسه مؤسسات الحزب لم تصل الى هذا القرار بشكل نهائي
محمد صلاح:هو فاضل ايه من الناصرية ؟
أ/سامح عاشور:فاضل القيمة والاحتياج ات في زمن تحتاج فيه للتجربة الناصرية محتاج فيه ان تعيد عزتك وكرامة الامة العربية مصرجزء من الامة العربية اللي بيحدث في المنطقة حولنا الان في نقل مصرمن امة عربية الى مجدتمع شرق اوسطي تتزعمه اسرائيل وتدمره اسرائيل وتعبث في مقدراته وتديره الولايات المتحدة دا كله هوان لمصر، اتنين غير متاح لمصر احنا محتاجين مشاريع قومية
محمد صلاح:ايه الي باقي من الناصرية ؟
أ/سامح عاشور:اللي باقي من الناصرية هو اللي بيصرف على اقتصاد وطننا السد العالي بيحميها من الفيضانات وبيحميها من العطش هو اللي باقي من التجربة وقناة السويس اللي بتدخلك ايراد انت عايز ايه تاني
محمد صلاح:الناصريين شغالين وقال النائب الاول لرئيس الحزب الناصري الاستاذ سامح عاشور كلامه معانا النهاردة كان كلام جميل كلام معقول كان كلام مسئول خلص الكلام سلام نلتقي في الحلقة المقبلة