كلام مسئول

محمد صلاح: يا مساء الخير يحيا الوفد ولو فيها رفد ، دا كان الوفد زمان ايام شعارات جميلة ومؤثرة زي الحق فوقف القوة والامة فوق الحكومة شعار مؤسس الوفد ومفجر ثورة 19 الزعيم سعد زغلول الوفد النهاردة فين 5 مقاعد في مجلس الشعب ومقعد واحد في مجلس الشورى وارقام اقل منكده بقى في المجالس المحلية دخل الوفد ضمن الاحزاب الصغيرة رغم انه حزب كبير في تاريخه وزعاماته اللي اشعلت جذور الوطنية المصرية في بر مصر من عشرات السنين دخلت الاحزاب السياسية بما فيها الود في حالة بيات شتوي تجميد في الفريزر الغتها ثورة يوليو لحد ما رجعت الاحزاب تاني بعد ما اتفكت صيغة تحالف قوى الشعب العاملة الى منابروبعدين احزاب ووفقا لقانون الاحزاب السياسية رجع الوفد الجديد وبعدها رجع اشتغل تاني واتحرك على الساحة بشكل معقول في عهد زعيمه فؤاد سراج الدين وبعد رحيله جه استاذ القانون الدكتور نعمان جمعة اللي شفناه منافسا في انتخابات الرئاسة سنة 2005 بعد الانتخابات حصل حرك داخلي في الوفد هنسميه حراك داخلي وخلاص استقر الحزب بعديه للدكتورمحمود اباظة ، الوفد الحزب والصحيفة القواعد والحفقيقة غيره كمان من الاحزاب الاخرى حتى حزب الوطني تلقاهم جوه قلق سياسي دي الاحزاب الشرعية اللي عليها قايمة الديموقراطية واللي المفروض انها تشغل التجديد النصفي لمجلس اشورى بعد كام اسبوع وكل مقاعد مجلس الشعب في الانتخابات البرلمانية المقبلة وكمان تكون حاضرة في انتخابات الرئاسة السنة الجاية ، حزب الوفد وغيره من احزاب المعارضة ما قدروش في الخمس سنين الي فاتت ن ساعة التعديل الدستوري اللي اقر اول انتخابات رئاسية في تاريخ مصر يطوروا نفسهم ولا هما اتطوروا واحنا ما نعرفش عن حزب اللوفد هيكون لينا كلام مسئول
فاصل
محمد صلاح:هي الاحزاب السياسية مخاصمة السياسة ولا السياسة هي اللي مخاصماها ، الاحزاب السياسية منها طبعا حزب الوفد بتؤدي دورها بتحاول ولا بس بتشتكي بتطرح مبادرات وافكار وتتطور نفسها ولا عاجبها دور الضحية دا رئيس حزب الوفد الدكتور محمود اباظة هيكون لينا معاه كلام مسئول ومن كلام الدكتور محمود اباظة " الوفد هو البديل المناسب لكنه يجب ان يكون بديلا امنا والحزب لا ينقصه شئ فلديه 147 مقعدا بالاضافة الى تزايد عدد اعضاؤه حيث ان عدد اعضاء امانة القاهرة فقط هذا العام اقترب من نحو 45 الف عضو باختلاف باقي المقرات ىالا ان الحزب يحتاج في الاساس الى تطبيق نظام التعددية بشكل واقعي حتى تظهر امكانياته الحقيقية "...."نمتلك مشروعا امنا وصادقا يبدا بوضع دستور جديد يسمح بتحقيق الديموقراطية الحقيقية الى التخطيط لاصلاح المرافق اتي وصلت الى حالة يرثى لها وسنحاول من خلال المؤتمرات الجماهيرية حشد الناس مرة اخرى خلف الحزب بعد ان نعرض عليهم برنامجنا وافكارنا "...." احلم بان يتولى الوفد السلطة الاحلام ضرورية لمنها لاتطكفي حيث يجب ايجاد الاليات التي يمكن من خلالها التواصل مع الشعب صاحب هذا البلد من خلال الوسائل المتاحة " ....الوفد بوزنه وتاريخه بسمعته وامكانياته حزب كبير عنده مشروعه وقياداته القادرة على التفكير والتنفيذ الحضور والتوازن احنا ملاحظين بصراحة شغل جامد اليومين دول في حزب الوفد تشكيل لجان وانتخابات والتحضير لعام الانتخابات المصرية ..رئيس حزب الوفد الدكتور محمود اباظة هيكون لينا معاه كلام مسئول
فاصل
محمد صلاح:ارحب برئيس حزب الوفد الدكتور محمود اباظة منورنا يادكتور..دكتور محمود حزب الوفد من الاحزاب الراسخة 70 سنة تقريبا هو ليه دوره تراجع في الكام سنة الاخيرة
د/محمود اباظة- رئيس حزب الوفد: لا شوف لما تقولي حزب الوفد زمان قبل 52 ايام التعددية الحزبية في ظل دستور 23 كان الوضع مختلف تماما كان عندنا نظام برلماني كان عندنا عدد احزاب كان عندنا سلطة وكان عندنا قضية وطنية بتاعة الاستقلال ثم مرينا بنظام الحزب الواحد لغاية 77 ، في اثناء الحزب الواحد دا كان شان كل نظام سياسي يقوم على الحزب الواحد فيه اختلاط بين الدولة والحزب ولما سمح بتعدد الاحزاب ظل الاختلاط قائم في الحزب الحاكم وبين الدولة قائم على جميع المستويات وبالتالي بما ان الدولة واحدة التعريف انما احنا في حقيقة الامر لا زلنا في نظام الحزب الواحد ..الحزب يدعو لا فكار ويعبر عن وجهة نظره وله جريدة وعايز اقول كل من يدرس الاعلام قبل جريدة الوفد وبعد جريدة الوفد يعرف ماذا حدث فيها ، هذه الجريدة يومية اول جريدة يومية كسرت احتكار الراي واخبر ودلوقت طبعا الحمد لله بقى فيه صحف كثيرة انما في النهاية الاحزاب يعني انتخابات يعني تداول سلطة يعني امكانية تداول السلطة على الاقل..طالما انه دا مش حاصل فبتظل كل الاحزاب السياسية غير الحزب الحاكم احزاب احتمالية يعني ايه احتمالية يعني يوم ان تتغير البنية السياسية الحالية وهي متغيرة حتما سوف يكون لهذه الاحزاب دور فعلي في تداول السلطة ولذلك احنا من سنة 77 من وقت عودة الوفد ومن يومها هناك تعديلات دستورية تسمح بالتعددية الحقيقية جزء منها تحقق يعني احنا قلنا عاوزين انتخاب رئيس جمهورية انتخابا مباشرا بين مرشحين متعددين سنة 78 تقدر ترجع للصحافة القومية وتشوف مدى الهجوم على هذا لاالاقتراح كما لو كان كفرا ومش بس كدهة وقبل الدستور ما يتعدل بفترة وجيزة جدا كان هناك رفض للمبدا بحجج مختلفة
محمد صلاح: وحصل التعديل الدستوري في 2005 ؟
د/محمود اباظة:وحصل التعديل الدستوري في هذا الشأن بمعنى انه انت لا تضيع وقت ولا تضيع جهد عندما تطلب بناءا سياسيا جديدا
محمد صلاح:بس يادكتور محمود اسمح لي معظم احزاب المعارضة بما فيها حزب الوفد بتشتكي داينا من حصار الحزب الوطني مش المفروض يكون فيه اليات تقديم برامج جديدة اتخاذ مبادرات وبالتالي مقدرش انا اشتكي اشتكي وانا برنامجي اتعمل من حوالي 30 سنة
د/محمود اباظة:المصريين بيشتكوا من عدم وجود قدركافي من الحرية خصوصا في الانتخابات العامة على جميع مستوياتها ، الوفد عمل برنامج جديد واقرفي المؤتمر السنوي الرابع في نوفمبر الماضي وها البرنامج بيتطبع وهذا البرنامج بيواجه قضايا كثيرة جدا انت عارف الوفد له ثوابت الثابتى الاولى هي سيادة الامة وتعني الاستقفلال والاستقلال دا مش مجرد انه العسكري يمشي مجرد الجلاء الاستقلال هواستقلال الارادة بما يسمح بحمابة المصالح الوطنية العليا والتنانية هي الديموقراطية يعن يان يكون للشعب المصري الحق في ان يختار حكامه بارداته الفاعلة ويراقبهم ويحاسبهم ويغيرهم من خلال موؤسسات دستورية فعالة،الثابتة التامنية الوحدة الوطنية والوحدة الوطنية تعني المواطنة ان تكون المصدرالوحيد دون سواه للحقوق والواجبات العامة دون تمييزعلى اساس الدين اوالجنس اوالعرق والوجه الاخرلوحدة الوطنية هي العدالة الاجتاماعية لانه في مصروفي غيرمصروفي الحاضر وفي الماضي لا يمكن ان تكون هناك وحدة وطنية في مجتمع تهمش فئاته يبقى دول ثوابت انا ادعي انهم ثوابت الحركة الوطنية المصرية منذ ان حددتها ورسمت ملامحها ثورة 19
محمد صلاح: بالظبط
د/محمود اباظة:دي ثوابت لا يكون الوفد وفدا من غيرها انما فيه حاجات تانية نحن دعونا في برنامجنا الجديد الى الاتجاه نحو نظام برلماني بمعنى انه رئيس الجمهورية المنتخب انتخابا مباشرا واحنا موافقين على كده يبقى له دور محدد وله دور هام ان يكون مسئولا عن سلامة الوطن ووحدة سلامة اراضيه ، ان يكون مسئولا عن الادجاء المنتظم لاجهزة الدولة ، انم يكون مسئولا عن رعاية الحدود بينت السلطات بحيث لا تطغى واحدة على اخرى ، ان يكون مسئولا عن ترسيم مصر في الحياوة السياسية الدولية وفقا للاسس الدستورية دي كلها مهام مهمة انما لا يختلف عليها المصريين ..انما بقى وضع سياسة الدولة وتنفيذها يكون من اختصاص مجلس الوزراء المسئول امام البرلمان
محمد صلاح:تكون حكومة منتخبة يعني ؟
د/محمود اباظة:ماهي حكومة بيتم تيسيرها ومتى حصل على ثقة البرلمان يعينها رئس الجمهورية لكن لايقيلها ، التعديل 2007 مكانش رئيس الوزارة ياخد الثقة من المجلس انما بعد التعديل يجب خلال60 يوم ياخد الثقة من المجلس فمتى حصل على هذه الثقة يبقى يجب ان يقيله رئيس الجمهورية طبعا رئيس الجمهورية يبقى له الحق دا معناها ايه انه مش مجرد شكل انما احنا عندنا خلل شديد قوي بين السلطة التنفيذية وبين السلطة التشريعية عندنا ربط شديد بين السلطة التنفيذية وبين السلطة التشريعية الاتنين معتمدين على بعض يؤدي الى اعادة التوازن بين السلطات
محمد صلاح: طب امتى يكون فيه التغير دا لازم يكون فيه تغلغل في وسط الشارع كلمنا عن العضوية في الوفد ؟
د/محمود اباظة:شوف عشان تغيرهذا يبقى لازم يكون فيه قطاع عريض في الراي العام يجتمع بضرورة التغييروانا اعتقد ان هناك قطاع عريض في الراي العام بما في ذلك قطاع من الحزب الوطني نفسه يرى ان هيكل السياسي القائم لم يعد صالحا للمستقبل
محمد صلاح:بس يمكن الايقاع هو اللي مختلف يعني يمكن الحزب الوطني بيغير بمعدلات ابطأ من اللي انتوا شايفين انه بيتم بيها
د/محمود اباظة:الحزب الوطني قبل الانتخابات العامة هوحزب، متى حصل على اغلبية تشكل حكومة انا لاانظرالا للحكومة ماليش دعوة بالحزب الوطني دي في كل حتة العالم دي سياسة حكومة لما اكلمك عن هيكل سياسي هل نحن نستطيع ان نقول ان الصيغة السياسية القائمة الان يمكن ان تستمرفي المستقبل..لا مش ممكن .. ايا ماكان من ياتي بعد الرئيس حسني نبارك لن يستطيع ان يمارس هذا الحجم الهائل من السلطات واذا حاول ان يمارسها سوف يصطدم بالواقع الجديد انا مش بقول كده عشان اعمل ملف سياسي او لفة سياسية انما يعني لو لاحظنا وخدنا العصر الجمهوري مصدرالشرعية بتاع الرؤساء التلاتة محمد نجيب والرئيس جمال عبد الناصر والرئيس السادات كان ثورة 23 يوليو مصدر شرعية الرئيس مبارك هو 6 اكتوبر والرئيس السادات لما عينه نائبا للرئيس الرئيس قال هذه شرعية اكتوبر خلاص بقى المرحلة انتهت جيل 23 يوليو انتهى جيل 6 اكتوبر انتهى اذن مصدر الشرعية القادم لابد ان يكون الانتخابات العامة ويمكن دا كان احد الاسباب اللي خلت تعديل الدستور بحيث انه يبقى انتخاب مباشرانما بهذه الحالة هذه الشرعية التوافقية لازم تجرى في اطاردستور واطار مؤسسي متوازن لان من يستطيع ان يمارس هذا الحجم من السلطات بعد ان تغير المجتمع المصري بعمق وسرعة زي ما تغير في ال30 سنة الاخيرة يبقى اولا هو لا يرى بوضوح وثانيا فاذن واجب المصريين النهاردة وانا بتكلم على السياسيين وقواد الراي العام وصناع الراي العام والمثقفين والفاعليات المختلفة
محمد صلاح:الانتخابات يعني ؟
د/محمود اباظة: يجب ان يتم حوار حقيقي حول الصيغة الجديدة التي نستطيع بيها انة نعبر الى المستقبل في امان
محمد صلاح:عشان دا كله يحصل لابد ان الوفد يكون متغلغل فيوسط الناس عشان يمثل قوة ضغط ايا كان الحصار المفروض كلمني عن العضوية يادكتور في حزب الوفد ؟
د/محمود اباظة:احنا عندنا 25 لجنة عامة عندنا 149 لجنة في مركزطبعا عندنا مراكز واقسام اكترمن قسم اومركز مضمومين في لجنة واحدة عندنا تقريبا 120 مقر للوفد في الجمهورية ودا مش جديد يعني سنة 84 كان الوفد عاد بقاله 3 اشهر ومع ذلك استطاع ان يقدم قوائم كاملة في كل الدوائر فيما عدا الدوائر الصحراوية فمعنى كده ان القاعدة موجودة انا لا ادعي ان احنا اللي عملناها هي موجودة انما تفعيل هذا يقتضي ان المصريين جميعا يشعروا ان الانتخابات انتخابات مفتوحة
محمد صلاح:انتوا بتعملوا ايه عشان تخلوا الناس يشعروا ان الانتخابات انتخابات مفتوحة؟
د/محمود اباظة:اصل انت لما بتلعب في ملعب مخطط خلاص بنلعب وعارفين قواعد اللعبة انما الملعب مفتوح مفيش قواعد فاحنا بنحاول لان نتفق على قواعد اللعبة ، الشعب المصري يعرف الانتخابات ولما بيتروح اعداد قليلة منه دا مش نتيجة عدم وعي لا دا نتيجة خبره قديمة ووعي عميق دا حقيقة الامروهو يعلم انه في النهاية النتيجة النهائية بصرف النظر عن التفاصيل المرحلية ان النتيجة النهائية بتاعة أي انتخابات بتعكس ارادة من يجريها عشان كده برضه عاوزاقولك انه حتى قبل 52 الانتخابات الحرة الوحيدة اللي عرفتها مصر هي انتخابات التي اجرتها حكومات محايدة
محمد صلاح:لسه ما انتوا في 84 واخدين اكترمن40 مقعد.
د/محمود اباظة:لا واخدين 57 مقعد ..اولا انت بتتكلم عن قواعد ثانيا لاانتخابات البرلمانية مختلفة جدا وضع الانتخابات مختلف خالص الفردي عن اقامة لان انت عارف القايمة مفيش صوت بيضيع لكن الفردي ممكن مرشح يكسب 10 اصوات ، احنا عاوزين الشعب المصري يدرك انه بيده اذا اراد ان يرسل الى مجلس الشعب ومجلس الشورى ورياسة الجمهورية من يريد ..ازاي..؟ هتيجي تقولي معندناش ضمانات والاشراف القضائي انتهى كل دا صحيح انما التجربة اثبتت ان خير ضمانة للانتخابات العامة هو الناخب نفسه في المرحلة اللي احنا فيها مش كفاية انك تروح تدلي بصوته وتروح بيتك الدول اللي مستقرة فيها الديموقراطية والاحزاب لها دوروالاعلام متعدد وكل دا يكفي هذا انما في مصر لا ..احنا اولا عايزين نخطط الملعب وعشان كده احنا اتصلنا ب3 احزاب اخرى وهنتكلم مع القوى الوطنية المختلفة لازم نحدد القاعدة ولذلك لما قلنا لما نتجه نحو نظام برلماني دا التجربة عندنا وما ترتب عليها تدفعنا الى هذا التركز الشديد
محمد صلاح:طيب خلينى اتناول معك تاثيرالاحزاب لان دي نقطة مهمة يعني احنا لاحظنا في الكام سنة الاخيرة بقى فيه حركات احتجاجية متعددة وبقى لها اسم " كفاية- 6 ابريل- 9 نوفمبر..." حاجات زي كده مش دي سحبت البساط شوية من تحت الاحزاب يعني ليه الحركات دي استقطبت الناس والاحزاب حتى في ظل الظروف القائمة اللي بتشتكي منها الاحزاب ؟
د/محمود اباظة:لانها مرحلة لاحقة .. الحركات الاحتجاجية دي لما نيجي ندخل الانتخابات هتلاقي نفس المشكلة هي لسه في مرحلة ما قبل المشكلة انما خليني اقولك حاجة انت بتكلمني عن الحركات الاحتجاجية اناى هقولك حاجات تانية انت عندك برامج تليفزيونية تاثيرها شديد جدا عندك صحف تاثيرها شديد جدا انما كل دا لا يدخل المعادلة السياسية الا من خلال حزب وانتخابات وترشيحات ولا احنا هنألف نظام تاني يعني انت في النهاية لك راي ولك الشهرة عشان كده انا بستغرب احيانا بيسال طيب مين اللي هيترشح في رياسة الجمهورية القصة مش مين عشان يعمل ايه احنا خلاص الشعب المصري وعى الدرس لن يعطي شيك على بياض لاي حد لا من هنا ولا من هنا اذن السؤال الحقيقي ليفعل ماذا وكيف ؟
محمد صلاح: انت بتلمح على حاجة يادكتور ؟
د/محمود اباظة:لا لا انا ما بلمحش بس انا لم احضر برنامج تليفزيوني ولم اشاهد برنامج تليفزيوني الا لما لقيت السؤال "طب ومين..؟ "
محمد صلاح:انا مش هسالك مين انا هسالك عن الجدل اللي حاصل داخل الوفد مطالبة بعض كوادر الوفد او رموزه بترشيح الدكتورمحمد البرادعي لدرجة انه البعض طلب منك ان تتوجه الى المطار والبعض راح للمطار واستقبلوه حجم الجدل دا كان قد ايه واثرقدايه على الحزب؟
د/محمود اباظة:اللي اقدراقولهولك انه لاحد طلب مني اني ارشح البرادعي في المستويات التنظيمية لم يحدث على الاطلاق ..لم يحدث ليه لان احنا عندنا جداول زمنية احناالى الان بنعمل انتخابات الشورى وبعتنا المحافظات ، المحافظات لسه ماردتش هترد خلال اسبوع
محمد صلاح:يعني انت شايف يادكتورمحمود ان فيه تسلسل للكلام والضجة المثارة للترشيح للرياسة بعد حوالي سنة ونص من دلوقت بالقضية الوطنية ومستقبل الوطن وانه استغل من بعض وسائل الاعلام عشان تعمل شغل؟
د/محمود اباظة:لا ..ان يثارقضية الرياسة والجدل حولها دى حاجةايجابية جدا انما نختبئ وراء ذلك فلايظهر ما ذا نريد ان نفعله رئيس الجمهورية ايا كان وانا باعتباري بشتغل في الشغلانة دي بقالي3 سنين فعارف شوية الحكاية ايه انما ايا كان رئيس الجمهورية القادم لازم يبقى له برنامج ولازم يبقى له ناس يعتمد عليها عشان تنفيذ البرنامج لازم يبقى فيه جهاز انتخابي لازم يبقى فيه توافق على قضايا رئيسية هذه القضايا مع اهمية انه يبقى فيه شخصيات مرشحة لرياسة الجمهورية وانها تبقى معروفة وانها تبقى اسماء تستطيع ان تتحرك لكن هذا لا يستنفذ الموضوع عشان يبقى الكلام جد وعشان نقدرنبص في وش المصريين ونقولهم نحن نعمل من اجل تامين المستقبل لازم يواكب ذلك حوارا صريحا وجادا
محمد صلاح: ما انتوا عملتوا حوارقبل كده مع الحزب اوطنب ووقف تقريبا قبل التعديلات الدستورية القديمة وفيه حوارات دلوقت بين الاحزاب او فيه تنسيق دلوقت بين الوفد والتجمع والناصري .
د/محمود اباظة: ايوه فيه برنامج انما انا بتكلم عن الحوار الوطني يعني فيه مثقفين وسياسيين وقيادات مهنية لانه احنا لازم نطلع بالمثلث انت عارف انه في مثلث اللي هو بيسموه الازمة الحضارية يقولكم حنين الى ماضي لن يعود سواء كان ماضي عصرالصحابة او ماضي الفترة الليبرالية يبقى فيه ازمة بتاعة الحنين لماضي لن يعود فيه الضلع التاني هو الضيق من حاضر مؤلم وبعدين الخوف من المستقبل فالمثلث دا هو اللي بيعمل هذا الضجيج اللي انت شايفه الذي لا يؤدي الى رسم خطوط واضحة للتوافق حول المستقبل يعنى زي ما نقول مزنوقين في ميدان التحريركده ونلف مش عارفين نطلع منه فلازم نطلع يبقى لازم كسرهذا ، احنا شعب قديم ما احناش شعب جديد وبالتالي لن نتحلل من الماضي كله انما بناخد منه ونستند اليه ونعرف تجاربنا حيث نجحنا اوحيث فشلنا ، اليوم الحاضر بتاعنا اه فيه مشاكل وعندنا مشاكل ترتبت على ان المرافق العامة اللي هي محورالدولة الحديثة بتتاكل عندنا زيادة سكانية عالية جدا عندنا مجتمع تغيرفي ال30 سنة فعمل لخبطة ، احنا كنا بنتكلم عن الريف الريف منطقة امان واستقرارالنهاردة لم يعد لما تيجي القفرية اللي الناس كلها بتعرف بعضها وعايشة في حدود 200 او 300 واحد النهاردة القرية بقت 30 الف وبعدين نسبة الذين يعملون في الزراعة من اهلها لا يتجاوز10% ناس ساكنة فيها لانها مش قادرة تسكن في حتت تانية يبقى فيها مشاكل امنية ومشاكل نفسية ومشاكل صحية ومشاكل حياتية مختلفة فهذا التغيربتاع المحتمع بيخلي الحاضرلا قادرتقتنع بالحياة اللي كنت عايشها من 50 سنة ولا قادر تواجه المتطلبات بتاعة الحياة الحالية فدا بيؤذم الحاضر، زمان اللي كان بيتعلم ودخل الجامعة بيركب القطاريطلع من الجامعة ويقعد على القهوة ففيه مشاكل من هذا النوع ودا طبعا بيكسر نفس الشباب وفي نفس الوقى في متطلبات اناعاوزاعيش بما تسمح به الحياة الحديثة فاذن هذا الضيق بالحاضر لا يجب ان يولد غضب عاجزوغضب يشل لازم يولد رغبة في التغيير ورغبة في البناء والاصلاح وبعدين عشان تقولي صلح التعليم وصلح الصحة وصلح المرافق هقولك ما دي عاوزة موارد
محمد صلاح:الكلام بتاعك يادكتور يخلي الناس تقول ان السياسة بقت ترف صحيح ان اللي هيغير دا السياسة برضه بس وصل لقناعات بعض الناس انه السياسة ترف عندها مشاكل حياتية بقت اهم وحضرتك شايف الحركمات الاحتجاجية كل يوم في الشارع كل يوم في مصنع كل يوم قدام مجلس الوزرا فالسياسة بقت ترف
د/محمود اباظة: لو انت وصلات للنتيجة دي ان السياسة بقت ترف هتفضل في المشاكل دي بعد40 سنة هتبقى في حالة اسوا من اللي انت فيها شوف الشعب المصري له تاريخ طويل وله خبره طويلة وتاريخ قديم او وسيط اوحديث فدي ظاهرة في كل اللحظات التي يظن فيها انه خرج من التاريخ هو قادر على احداث مفاجاة تضعه في وسط الساحة وفي وسط الصورة واحنا دلوقت في الوقت دا وعلى فكرة الاجيال الجديدة اللي احنا بنشكو من حاجات قوي فيها انا قعدت في الوفد20 سنة مشرف عل الشباب فانا ذهلت مما قدمته وسائل التواصل الحديثة من انترنت لهذا الشباب من انفتاح على العالم وعلى المستقبل ولذلك المجتمع المصري عنده اندفاع شديد جدا نحوالحداثة وفي نفس الوقت خوف شديد جدا من الحداثة فدا اللي عامل عندك حالة من التناقض ودا عنصر هيديك امل في وسط اسباب كثيرة جدا
محمد صلاح:خليك معانا لسه الكلام مخلصش.
فاصل
محمد صلاح: معانا حبابيبنا ولاد البلد الحلوين بيتكلموا عن الوفد عشان نتكلم عن الوفد
فاصل
مواطن1: حزب الوفد الان لا يوجد حزب اسمه حزب الوفد ليس هناك فكرانما حزب الوفد الان فكر يستغل خارجي فكر امريكي سياسة امريكية يطبقها محمود اباظة ويطبقها اعوانه
مواطن2: انا مشفتش معطيات من حزب الوفد اللي تخليني انتخبه لكن لو اداني معطيات بديلة عن الحزب الوطني طبعا بلا شك انا عاوزاغير
مواطن3: والله حزب الوفد بالنسبة للمشاكل اللي حصلت فيه دا اثر على شعبيته عند الناس كتيرخاصة انه حصلت خناقات وبلطجة بس كانت مؤثرة بشكل كبيرعلى الناس فمعتقدش انه لونزل منافس على الحزب الوطني انه هيكون له شعبية كبيرة خاصة انه فيه احزاب تانية لازالت تحظى باحترام في الشارع اكترمن حزب الوفد ..دا رايي اشخصي
مواطن4:هو الي بنقراه في الجرايد حاجات تفرقع كده بس هو مش حزب مظبوط لانه دايما معارض في الصح والغلط هو معارض
فاصل
محمد صلاح:هنتكلم بقى في الوفد ..كنت بتبتسم يادكتور ساعة التقرير دا فيه ايه ؟
د/محمود اباظة:اول المتحدثين دا ..دا مفصول من الحزب وفدي سابق من اسنا وايام ازمة الوفد جه عمل خطبة وقال احنا بنحل دمهم هو متحمس شوية
محمد صلاح:طب كلمنا بقى على مجمل الكلام يعني هل بالفعل الصراع على رئاسة الحزب دون الدخول في تفاصيله اساء للحزب يعني شغل القيادات بازمة داخلية بدل ما تكون ازمة مؤسسية لمصر وظروفها زي ما كنت بتتكلم دلوقت
د/محمود اباظة:الحزب بمؤسساته طلب تعديلا واصلاحا واستطاعا اعتمادا على اغلبيةواضحة في جميع المراحل واستنادا الى النظام الداخلي هنحقق هذا الاصلاح..الاحداث بتاعة 1 ابريل مرت
محمد صلاح: الناس لسه فاكراها ؟
د/محمود اباظة:معلش لوانت بتتخانق على حتة شقة او حتة ارض الناس هتفتكرها لكن هي بره مجرى او بره المسار
محمد صلاح:اصل شقة غير حزب الوفد
د/محمود اباظة:دي حادثة بره المسار ان احنا من 10 فبراير كنا انهينا المسائل
محمد صلاح:يعني انت شايف ان الاحداث الخاصة برئاسة الوفد في التوقيت دا ما شغلتش الحزب وما اثرتش عليه
د/محموداباظة:وانا ارفض فكرة انه الاحداث اللي اتذاعت في التليفزيون طبعا كان حدث كبير قوي الاقتحام بس دا كان بره المجرى الوقع ان الوفد اراد ان يصلح اوضاعه واستطاع ان يصلحها بطريقة مظبوطة جدا وحضارية جدا وواضحة جدا ، الناس بتقول طب الوفد يين صحيح لانه بمنتهى البساطة أي حزب فيه انت لا تنظر الى الاحزاب دا مرتبط بفكرة انه محدش مصدق انه ممكن يبقى فيه تداول سلطة وتغيير وانتخابات حقيقية انما لازم يبقى فيه مؤشرات ان احنا بنتقدم على الطريق
محمد صلاح: مساحة الحرية اللي اتحققت زي الانتخابات الرئاسية ؟
د/محمود اباظة:انما لازال الانتخابات العامة بجميع مراحلها لارادة من يجريها من امتى يكون للوفد تاثير فى نتائج الانتخابات يعني الوفد مستني الحزب الوطني يتعطف ويتكرم عليه بانه يغير نظام الانتخابات ,الوفد الدور اللي بيلعبه زي ما قلتلك هو طارح برنامج هيجمع حوالين هذا البرنامج وهيدخل الانتخابات البرلمانية القادمة على اساس هذا البرنامج بيمد ايده لكل من يشاركه هذه الاصلاحات وهنشوف والله هتيجي تقولي الحزب الوطني خد اغلبية 90% هقولك انا دوري ان اقدم البديل يعني الحزب السياسيى يختلف عن الحركات وعن العمل النقابي لان دوره ليس فقط ان يعارض ولكن ان يقدم البديل ، بديلا صادقا ومامولا كمان وبالتالي دا اللي احناعملناه في البرنامج
محمد صلاح: طب الشورى خلاص على الابواب موقفكم ايه منها دلوقت ؟
د/محمود اباظة:هيترشح عدد للشورى
محمد صلاح: عددك ايه ؟
د/محمود اباظة:لسه محددناش لكن هو مش عدد كبيرانت عارف مجلس الشورى احنا كان عندنا تحفظات عليه من الاول السبب التاني انه انتخابات مجلس الشورى ما بتحظاش فى وسط الناخبين وبالتالي ممكن تسال ناس تقولهم ايه عضو مجلس الشورى بتاعك يقولك معرفش
محمد صلاح:اكيد بتستعد بقى للشعب حجم مشاركة الوفد في تقديرك هتكون شكلها عامل ازاي؟
د/محمود اباظة:هتكون انتخابات مؤثرة
محمد صلاح:في عدد المرشحين ؟
د/محمود اباظة:دا بيتوقف في عدد اللجان لكن فيه عد مرشحين مش بطال وفيه مرشحين عندهم فرص مش بطالة قبل ما نبتدي المعركة ماهو الامل كله عندما تبدا المعركة نرفع فرص الاخرين
محمد صلاح: مدى التنسيق مع الاحزاب الاخرى ممكن يبقى شكله ايه سواء في الشورى او في الشعب ؟
د/محمود اباظة: طبعا احنا بنعمل تنسيق بس بالنسبة للمرشحين تبقى عارف الخريطة اللي عندك الاول
محمد صلاح: يعني وارد تنسيق بين الاحزاب الاربعة ؟
د/محمود اباظة:لازم
محمد صلاح:لمواجهة الحزب الوطني مش كده
د/محمود اباظة:لا لتقديم بديل امن صادق
محمد صلاح: تجربة التحالف مع جماعة الاخوان المسلمين زي ما حصل قبل كده في الوفد ؟
د/محمود اباظة:لا شوف الاخوان المسلمين سنة 84 حصل تحالف في القوائم على مبادئ الوفد
محمد صلاح:وبعدين لما دخلوا البرلمان اتخانقتم ؟
د/محمود اباظة:لا ما اتخانقناش ..عندجما تم هذا التحالف اشترط شرطين الشرط الاول الا يدخل الاخوان المسلمين تنظيمات الوفد والشرط التاني انه عندمايسبق الجلسة في البرلمان اجتماع للهيئة البرلمانية الوفدية اللي هما اعضاء فيها وينتهي الاجتماع الى راي هما رايهم يلتزموا براي اللجنة ، اذا بدات الجلسة اوموضوع لما يسبقه جلسة برلمانية كل واحد له قاعدة برلمانية موجودة في الوفد من زمان انما سنة 87 انا كنت حاضر هذه الجلسة مع المرحوم المرشد محمد حامد ابو النصر وجه لرئيس الوفد اللي كان موجود وقاله انا جاي اقولك احنا عملنا تحالف مع العمل والاحرار ففؤاد سراج الدين قاله ليه احنا زعلناك في حاجة قاله لا بس دا برنامجنا واحنا معاكم كنا ملتزمين ببرنامجنا قاله خلاص مبروك وربنا يوفقكم .
انا هقولك حاجة احنا والاخوان اقدم تيارين سياسيين في مصر وبالتالي علاقتنا قديمة ونعرف جيدا احنا وهما ما نتفق علي مخات نختلف بشانه
محمد صلاح:يعني احتمال التحالف اوالتنسيق وارد ولا لا ؟
د/محمود اباظة:البرنامج بتاع الاخوان الذي تقدموا به او بمشروعه لانه قبل كده مكانش فيه دلوقت بقى فيه ..يختلف في اساسيات مع ثوابت الوفد اللي انا قلنت لك انه لا ييصبح الوفد وفدا اذا حاد عن هذه الثوابت وفيها قضية الوحدة الوطنية بالذات ..هو احنا كنا عمرنا شئ واحد..لا ..احنا بيننا وبين الاخوان المسلمين علاقات بنتفق فيها على اشياء زي مثلا عدم قبول كل القوانين الاستثنائية الطوارئ ... وبالتالي الاتحاد مش وارد لانه عندهم برنامج واحنا عندنا برنامج وبرنامجنا بتختنلف في اساسيات انما هذا لا يمنع ان هناك قضايا اخرى غير هذه الاساسيات..
محمد صلاح:خليك معايا لسه الكلام مخلصش
فاصل
محمد صلاح:طلعنا بخبرمن الدكتور محمود اباظة رئيس حزب الوفد ..دكتور محمود عندنا مداخلة نشوفها
د/محمود اباظة: قوي
فاصل
د/وحيد عبد المجيد- خبير في الشئون السياسية: مشكلة حزب الوفد كباقي احزاب المعارضة ويمكن كل الاحزاب في مصر لها جوانب تاريخية ولها جوانب معاصرة ، جانب تاريخية منذ تاسيس الاحزاب في ظل تعددية مقيدة هذه الاحزاب حوصرت من البداية فرضت عليها قيود تعرضت للكثير من العراقيل ادى هذا الى انكفائها على نفسها واتجاهها الى الداخل لم تستطع هذه الاحزاب ان تتوفر لها الفرصة للعمل في الشارع كان الهدف هو ان تبقى محصورة في مقراتها ومع الوقت اصبحت هذه الاحزاب مشغولة بنفسها بمشاكلها وبصراعاتها الداخلية لان الطاقة الموجودة داخل الحزب عندما لا تجد امكانية لان يتم تفريغها من خلال تنافس في ساحة سياسية مفتوحة تتجه هذه الطاقة الى الداخل وتنتج صراعات داخلية اخذت تتفاقم وتتنامى الى ان وصلت الى كل هذه الاحزاب الى مستوى شل تقريبا حركتها ، في حزب الوفد كانت هناك محاولة للاصلاح ولاعادة البناء في السنوات الثلاث الاخيرة وبالرغم من الجهود التي بذلت في هذه المحاولة الا انها جاءت متاخرة جدا جاءت متاخرة بعد ان كاد الاحباط قد ساد الجميع في حزب الوفد وفي باقي الاحزاب كانت الصراعات تمكنت الصراعات الداخلية كانت الكراهية قد اصبحت سمة سائدة في العلاقات بين كوادروقيادات الحزب ولذلك اصبح من الصعب جدا اصلاح حزب الوفد او أي حزب من الاحزاب بدون اصلاح سياسي عام بدونة فتح الباب وتشكيل احزاب سياسية بدون قيود اذا لم يحدث هذا ستظل هذه الاحزاب متفرغة لصراعاتها الداخلية السبيل الوحيد لوضع حد لهذا النمط المدمر للحياة السياسية باكملها هوفتح الباب لتاسيس احزاب سياسية بدون قيود اي تعديل قانون الاحزاب والحد من القيود المفروضة على تاسيس الاحزاب السياسية
فاصل
محمد صلاح:رئيس حزب الوفد الدكتورمحمود اباظة عن راي الدكتوروحيد عبد المجيد ازاي ممكن بفتح البابا لتاسيس احزاب جديدة ينصلح حال اواحوال الاحزاب القائمة
د/محمود اباظة:ما انت عارف دي نظرية معروفة من زمان يقولك لما كانت زمان الاحزاب مفتوحجة خرج منه حزب الاحرار وحزب السعديين وخرج منه الكتلة وكونت حزبا
محمد صلاح:وكان القصر بيستقطب ....
د/محمود اباظة:الحقيقة لا هذا ليس كافيا اولا لازم نفرق بين الصراعات الداخلية وبين ما يسمى بالمنافسة كان فؤاد سراج الدين دايما يقول ادارة منافسة الاخر ودي موجودة في الاحزاب وموجودة في كل حتة ولا يمكن انك انت تجد هيكل جماعي لا تكون فيه منافسة للاخرين احيانا بتتجاوز يعني عنصر من العناصر يتجاوز المنافسة احيانا لما تبقى المنافسة للاحسن تنحرف لكي تكون منافسة للاسوا فعشان كده لازم تعالجها انما انا اعتقد ان مشكلة الاحزاب الحقيقية هي ان هما عارفين ان الافق مغلق ..يعني مثلا اقولك حاجة انتخابات 84 كان فيه امال كبيرة جدا فيها وخابت هذه الامال لانه برضه طلعت الانتخابات في النهاية تعبر عن ارادة من يجريها
محمد صلاح:اصل التعبير بتاع ارادة من يجريها يعني في الانتخابات فى الوفد خد قد ايه؟
د/محمود اباظة:7 مقاعد
محمد صلاح:الاخوان 88 وهو من يجريها كان عايزالاخوان 88 مقعد والوفد 7
د/محمود اباظة: انت تقدر تجيب على الاجابة دي بنعم او بلا
محمد صلاح: انت تجيب يعني انا اشايف انه افيد للحكومة والحزب الوطني وجود الوفد عن وجود الاخوان
د/محمود اباظة:لا شوف دا يتغير يوم ما الناخب المصري يحس
محمد صلاح:دا دورك انك تحسسه دا ..
د/محمود اباظة:ومين قالك اننا كما بنقومش بالدور دا ماهو برضه هو يفهم ماهو راجل عنده خبره اجيال متعاقبة يعنى احنا عندنا انتخابات على الاقل من سنة 24 ففيه اجيال متعاقبة
محمد صلاح:خلينا نتكلم عن انتخابات تانية انتخابات الوفد هترشح نفسك مجددا لرئاسة الوفد ولا لا
د/محمود اباظة: والله المفروض اني ما اترشحش ولكن احنا عندنا انتخابات المفروض انها في مايو وبعدين عندنا انتخابات الشورى هتبقى في نفس الوقت وانتخابات الشعب في ديسمبر فقد يكون التغيير في التوقيت دا مزعج شوية وبالتالي بنتداول الموضوع
محمد صلاح:وبالتالي هترشح؟
د/محمود اباظة:وانا لما اسيب رئاسة الحزب مش معناه ان انا هسيب الحزب
محمد صلاح:اداءك ليه في البرلمان هادئ ؟
د/محمود اباظة:تركيبة المجلس الحالي بتخلي الاستجواب مضيعة للوقت وانا باسف ان المعارضة مش قادرة تنسق عدد الاستجوابات يبقى اقل حتى يكون فيه تركيز اكتر لما تيجي في جلسة كل واحد يناقش 10 استجوابات في 10 دقايق انما انا اعتقد ان ادائي في البرلمان اداء واحد شغلته العمل السياسي فبالتالي اذا تدخلت في موضوع من الموضوعات ازعم اني ما قلتش كلام فارغ ابدا وازعنم اني ما اتكلمتش في موضوعات من الموضوعات اللي طرحت مكنتش محضره واعتقد انه دور رئيس هيئة برلمانية او رئيس حزب هو هذا ان يكمون هناك موضوعات مهمة يتكلم فيها وعندما يكون فيه موضوعات اخرى يتكلم النواب الاخرين حتى كمان يكون عندك قدرة انك تسمع فدي وجهة نظري اعتقد ان احنا في المجلس مجموعة الوفد كلها ادت دورمهم جدا في التعديلات الدستورية طبعا لم يؤخذ باي حاجة من اللي احنا قلناها انما باقي انه عندما يفتح ملف التعديلات الحقيقية للدستورالمصري هيبقى على اساس ما قدمناه ...
محمد صلاح:الوفد مقبل على انتخابات داخلية وفي نفس الوقت هيبقى توقيت الانتخابات الشورى وبعدها هيبقى فيه انتخابات برلمانية لاختيار كل اعضاء مجلس الشعب هنشوف حصيلة كل هذا هتكون ايه وقال رئيس الحزب الوفد الدكتورمحمود اباظة كلامه معانا كان كلام جميل كلام معقول اكيد كان كلام مسئول.. خلص الكلام سلام نلتقي في الحلقة المقبلة