محمد صلاح: كل سنة وأنتم طيبين ، مَدحت المالكين فزدت قدراً وحين مدحتك اجتزت السحبَ قل أدع الله إن يمسسك ضرٍووجه ناظريك إلى السماءِ ماشي في نورالله ماشي بدعي وأقول يارب عليك صلاة الله وسلامه شفاعة يا جد الحسنين وأنا في جاه النبي طالب رضاك والنبي لجل النبي قائمة طويلة من الأغاني الدينية اللي سمعناها وحبناها من المطربين وشعراء الأغاني العظام ، عطاء من فن محترم بتروح دُغري لمستمع متعطش ، تدخل من الودن للقلب وتبقى دوى شاقي بلسم للروح ، الذاكرة حفظت أغاني دينية كتيرة .. أغاني حبناها غناها مطربين حسوا معانا بتدين وصدق مش بس بصنعة ومهارة ، أغلني في الطاعة لله وفي حب النبي عليه الصلاة والسلام ده كان الأصل فيها وظل الأصل يمد الفروع بأغاني تخطف العقول والقلوب والأبصار .. أغاني واكبت مناسبات دينية من الحج لرمضان للأعياد ، كتبها ولحنها الكبار ففضلت كبيرة بمعانيها وبأسماء اللي غنوها وصنعوها ,الاهتمام بالأغاني الدينية أستمر من جيل لجيل بنفس الشغف والحب بنفس التقديروالمتابعة ، ليها جمهورها الخاص وليها تأثيرها ليها إحساس بسمعها خصوصاً في المناسبات ، مفيش رمضان من غير رمضان جانا ووحوي يا وحوي ، مفيش عيد من غير الليلة عيد ، مفيش إنشاد ديني من غير أسماء الله الحُسنى ، مفيش حد في قلبه شفقة ورحمة وتسامح إلا ومثلت عنده الأغنية الدينية حكاية ، ذكرى ، شعاع ونور الأغنية الدينية كانت الأصل وخرج من عباءتها كل الأغاني , منطقة حصد إعجاب مضمونة لو المُغني أو المُنشد نجح في كلمة السر ، اختار كلام ومعنى ليه طعم كلام يمسح الروح من هموم زمنا اللي ما بتنتهيش وأحلامنا اللي ما بتترويش الأغنية الدينية وتطورها وأشهر ما حفظته الذاكرة منها وأهم من ده جديدها وحرص الأجيال الجديدة عليها في رمضان الشهر الكريم .. مطلبين غنوا أغاني مازالت في الذاكرة نستعيدها الأغنية الدينية حيكون لينا عنها النهاردة كلام ...... مسئول فاصل محمد صلاح: الأغنية الدينية قبل ما تكون حالة هي مسئولية كبيرة يعرفها كل اللي غناها عشان كده بنلقى مطربين كتير إذا سعوا ناحيتها بيبقوا عارفين مكانتها ومعناها في ثقافة شعب شديد التدين .. أجيال ورا أجيال من اللي غنوا الأغاني الدينية عكسوا حُب الناس وأحاطوا الأغنية الدينية وأحاطتهم بالهيبة والجلال الفنان الذي أقدم أخيرا على غناء ديني ترسخ في قلوبنا رغم إنه سطع في النصف من شعبان .. محمد ثروت حيكون لينا معاه دلوقتي كلام .... مسئول ,ومن كلام الفنان محمد ثروت "اتجاهي للأغاني الدينية لم يكن بتوجيه من أحد ويكفيني فخراً أن أكون صاحب لون ديني ، وعلى أي حال نحن جميعا درسنا في المدرسة أن بسم الله أحلى كلام" الإحترام للفن لم يعد كل شيء لأن المطرب المطلوب الآن لابد له من تسبيل عينية وأن يكون هيمان وله تسريحه وبدله معينه حتى يعلقوا صورته في غرفهم الخاصة لم ابتعد ولكني لا أجيد لعبة المصالح لذلك لا يتذكرني المنتجون والمخرجون والحمد لله أن أعمالي كلها مُشرفة ولا أخجل منها" ، "الهدف من الأغاني الهابطة هو تمييع الثقافة العربية وجعلها ضحلة وتافهة وللأسف المطربون الشباب يفضلون إتباع السهل , الأغاني الدينية مش بس حنين لزمن وقيم ومبادئ دي ساعات بتبقى طوق نجاه للغرقانين في بحر المتاعب اليومية والمضغوطين جوه صندوق الدنيا المليان بالأزمات والمشاكل .. الأغنية الدينية زيي ما المؤلف والملحن والمطرب محتاجها كمان المستمع مستنيها على شوق شوق يتمم فرحته بالمناسبة اللي بتتقال فيها وساعات في لحظة صفا حتى من غير مناسبات الفنان محمد ثروت حيكون لينا معاه دلوقتي حالا كلام ..... مسئول فاصل محمد صلاح: ارحب بالفنان محمد ثروت ..النهاردة هنتكلم عن الاغنية الدينية قولي الجو الي ممكن يخلي المطرب فجأة يغني اغنية دينية او يتجه للغنا الديني دا بيبقى مرتبط بالطفولة مثلا ولا محتاج حد عايش جو مشايخ فيعرف يغني غنا ديني ولا مطرب فجاة عايز يغير ؟ محمد ثروت: لا هي مش مسالة ان مطرب عايز يغير احنا بنتكلم الاول في الاغنية الدينية وارتباطها بينا كمصريين هي جزء من تكويننا يعني لما حد من العيلة بيروح الحج بنغني لما بيجي شهر رمضان بنغني لما بيكون فيه تجمع في الاسرة حد نجح بيعملوا خاتمة وبنغني مش بنغني غنانا العادي بنغني غنا تراثي ديني او بنستقدم احد المشايخ علشان يعمل لنا الاحتفالية ناهيك عن ان الموالد والاحتفالات الدينية دي لها مكان مميز في حياتنا كمصريين فالمطرب بيكون جوه تكوينه رغبة في انه يغني ديني دا لو هو عنده القدرة على الغناء الديني محمد صلاح: ايه القدرة اللي يحتاجها مطرب عشان لما يغني عاطفي يبقى ليه قدرة ولما يغني ديني له قدرة تانية خالص يعني ؟ محمد ثروت: اولا الغناء الديني في معظم الاحيان بيكون بلا الات موسيقية بيسموه المبتهل او بيقول تواشيح موشح دا اغلب الاغاني الدينية كده لكن هو لازم يكون عنده القدرة على اداء هذا اللون الصعب اللي بيعتمد في كتير من الاحيان على الارتجال في النغم يعني ممكن الصييت اللي واقف او المنشد او الشيخ بيحفظ بعض ابيات الشعر وبيرتجلها لحنا وممكن في بعض الاحيان يرتجل الكلام ايضا محمد صلاح: احنا مش محتاجين المطرب اوالمنشد في الحالة دي فرقة موسيقية معاه او تخت يعني ؟ محمد ثروت: خالص محمد صلاح: طب ورينا ازاي عملي؟ فاصل غنائي محمد صلاح: الله الله! طب ان دلوقت مطرب عاطفي جامد وكنت تغني اغاني وطنية سمعت وبقيت في اذهان الناس سنين طويلة واطفال طبعا ليك اكتر من شريط وليك اكتر من اغنية من اغاني الاطفال ايه اللي خلاك فجاة الناس تكتشف فيك مطرب بيغني اغاني دينية تاثر في الناس بالشكل دا بعد حفلة نصف شعبان في مارينا محمد ثروت: الغنا الديني مشواره معايا من الاول يعني انا غنيت الاربع الوان اللي حضرتك ذكرتها من البداية محمد ثروت غنى للملحن محمد سلطان حالة حب والعاشقين كلمات محمد حمزة في نفس السنة عملت حبيبة بابا رشا في نفس السنة عملت يارسول الانسانية ياختام المرسلين كلمات الشاعرة الراحلة علية الجعار والحان الموسيقار محمد الموجي في نفس السنة عملت صوت بلادي مع الاستاذ محمد عبد الوهاب محمد صلاح: بس انت مش معايا ان الناس كان رد فعلها كبير لما غنيت في مارينا يعني واحد رايح يغني لناس في مصيف في النهاية في مارينا مايوهات بقى والجيت سكي واحد يطلع يغني في النصف من شعبان في مارينا اولا مكانتش مخاطرة بالنسبة لك يعني؟ محمد ثروت: كانت مخاطرة محمد صلاح: حسبتها ازاي يعني ؟ محمد ثروت: كانت مخاطرة وكنت بسعى لها بقالي سنتين يعني المسالة دي جت السنة دي كده بالتوفيق الحمد لله لكن كنت بسعى قبل كده عشان اكون واضح يعني مارينا بالذات محمد صلاح: ليه؟ محمد ثروت: لان احنا من سكان مارينا وانت وغيرك وناس كتير جدا جدا شرايح محتاجة يتلبى لها رغباتها يعني ايه المانع اني اتعامل مع حياتي بالشكل الطبيعي العادي وانا في مارينا يعني ايه مارينا يعني هل مارينا دي مثلا بتحجب عني اشياء بتخليني اسيب مشاعري ووجداني في القاهرة وانا رايح مارينا محمد صلاح: لا بس الجو هناك يخلي الناس عايزة اغاني شوية اغاني سريعة ايقاع سريع عايزة صخب لان الحياة في مارينا صاخبة فراحوا في النصف من شعبان يحضروا فراحوا فلقوا حد بينشد ويغني غنا ديني وهما مش متعودين على كده يعني محمد ثروت: لا هما متعودين على كده وكانوا مستنيين كده وانا تعمدت ان انا اعمل دا رغم انه كان فيه زي ماحضرتك بتقول ناس بتعارض وناس بتقول لا محمد صلاح: ارجع يامجنون محمد ثروت: اه ولو حد دخل بالمايوه الناس بتهزر ما يخش بالمايوه عادي يعني لكن احنا الحمد لله ارسينا قاعدة او شكل من اشكال الاعتياد لان احنا دايما بنتعود اول واحد بس يحط حجر الاساس فهتلاقي بعد كده حفلات في مارينا دينية وكل المطربين والمطربات هيغنوا ديني محمد صلاح: هتبقى موضة ماهو اللي حاصل ان حد بينجح في تجربة في لون وفي مكان بتلاقي كتير بيعيد نفس التجربة ودا مش وحش. محمد ثروت: بالظبط ..طبعا مش وحش خالص يعني محمد صلاح: ايه اكتر اغنية في مارينا حسيت انه الناس تجاوبت معاها ؟ محمد ثروت: لا كتير يعني الناس تجاوبت قوي مع القلب يعشق كل جميل مع روضة الهادي نبينا مع الله يارسول الله مع يارسول الله اجرنا مع صلوا عليه لتسعدوا مع كله الحمد لله محمد صلاح: طب نشوف فاصل غنائي محمد صلاح: انت قلت انت عاوز تعمل دويتو مع الفنانة صابرين ؟ محمد ثروت: عملت زمان .. محمد صلاح: عايزتعيد التجربة ليه ؟ محمد ثروت: والله انا بشوف لان صابرين فنانة متميزة جدا ومقنعة جدا في كل حالاتها محمد صلاح: انت عندك خطة معينة للخوض في الاتجاه دا ولا انت ماشي وفقا لنظام طبعا الفنانة صابرين دلوقت فنانة محجبة بتمثل صحيح وبتمارس الفن وممكن تغني اعتقد يعني انت شايف ان دا هيمثل اضافة ان مطرب زي محمد ثروت بتاريخه الكبير وباتجاهه بعد ما لمع وسطع بشدة في النصف من شعبان في مارينا ويقف مع فنانة محجبة يغنوا يعمل تغير في الواقع الفني اللي موجود محمد ثروت: هو بس بيبقى شكل جديد شكل يضيف حاجة للحالة الفنية اللي احنا فيها علاوة ان انا اشتغل قبل كده مع صابرين مسلسل قصة الاستاذ انيس منصور اللي هو "هي وغيرها" فاستطيع معاها ان انا اعمل حاجة لها قيمة يعني محمد صلاح: قولي احنا في رمضان ايه اشهر اغنية في رمضان اترسخت جواك يعني من الطفولة وحاسس بيها وبتدندنها لوحدك ؟ محمد ثروت: رمضان جانا.. يعني لو مكانش الاستاذ عبد المطلب عمل في الدنيا أي اغاني كفاية رمضان جانا بقالها 100 رمضان بتتقال بالنسبة للعيد طبعا ياليلة العيد مهما عملوا من اغاني بيظل الاغنيتين دول هما رمضان وهما العيد لكن انا عملت اغاني لرمضان عملت اغنية للاستاذ صلاح جاهين كلماته ولحنها الاستاذ ابراهيم رجب اسمها ياسلام على مصر ولياليها رمضان بصحيح تلاقيه فيها فاصل غنائي محمد صلاح: الاغاني زي رمضان جانا وغيرها وياليلة العيد بتترسخ في اذهان الناس مش بس لانها ممكن تكون الكلمات كويسة واللحن كويس ولا فيه اغنية بتبقى لان فيه الحاح عليها بتتذاع كتير محمد ثروت: الالحاح مهم جدا جدا في حياة الاغنية يعني الاغنية لها حياة اللي بيطول عمرها الالحاح حتى لو وحشة محمد صلاح: فما بالك بقى لو كانت حلوة . محمد ثروت: بالظبط كده زي رمضان جانا محمد صلاح: يبقى تسمعنا رمضان جانا. فاصل غنائي محمد صلاح: عايز اسالك سؤال بصراحة كده عندنا عند المراقبين اللي بيتابعوا الحالة الفنية ان الناس اصحاب الاصوات المميزة مهدورحقهم او مظلومين او ماسعوش كفاية اللي بيقدروا يتنقلوا من مقام موسيقي الى مقام موسيقي اللي فضلوا حريصين على نوعية معينة من اللحن والتوزيع من جهة والكلمات من جهة دا صح انتوا اتظلمتوا يعني ؟ محمد ثروت: انا عايز اقولك حاجة كل وقت وله ادان او كل وقت وله متطلباته وماتزعلش اذا كنت انت موهوب لانه مادام الايام اكدت موهبتك بشهادة الناس اللي على الاقل لهم قيمة في الحياة فما تزعلش كون ان متطلبات الوقت مش بتاعتك لان انا دايما صاحب مقولة بقول ان الموهوب الارض كلها ملكه يعني انا النهاردة في شغلتك دي تقدر تشتغل في أي تليفزيون انا اقدر اغني في أي حتة لكن اذا كان الوقت بتاع انصاف الموهوبين اوبتاع اشياء ماترضيش موهبتك او ماترضيش قدراتك ماتزعلش محمد صلاح: زي ايه ما يرضيش موهبتك ولا قدراتك؟ محمد ثروت: يعني النهاردة الذيوع والانتشار لحاجة مالهاش قيمة محمد صلاح: يعني انت ايه اللي ماتقبلش بيه انت شايف ايه بيعمله غيرك وحقق بيه انتشار قوي وموجود على الساحة انت متقدرش تعمله ؟ محمد ثروت: كلمة مالهاش معنى لحن دمه تقيل او سخيف يعتمد على ايماءة مش مظبوطة حاجة محرضة لان الفن محرض خلي بالك ومن سبعين تمانين سنة لما السيدة ام كلثوم غنت لامير الشعراء احمد شوقي يمكن كانت نسبة الامية اكتر في مصر لكن كان الامي بيغني بالعربي الفصيح فمش مقياس انك تقولي ان اللي حاصل بيحاكي المعمول دا او up-to-date او دا التطور لا مش دا التطور يعني محمد صلاح: احنا عايشين زمن طرب . محمد ثروت: احنا عايشين زمن" سكالانس" مولد عارف المولد في الليلة الكبيرة انت في الليلة الكبيرة محمد صلاح: طب الليلة الكبيرة فيها تنوع يعني فيها او المولد فيه تنوع فيه اغاني ممكن زي ما انت بتتكلم كده باللغة الفصحى وفيها هلس. محمد ثروت: انا قصدي محدش دريان بحاجة يعني صاحب الموهبة النهاردة بصرف النظر مين لو اتمدت ايد وطلعته هو كمان هيبقى عنده الرغبة في انه يطلع غيره لكن النهاردة كل واحد راصد التاني كل واحد عينه على التاني ما ينفعش المجتمعات المتقدمة بتحترم مواهبها وبتآزر بعضها البعض يعني كل واحد بيمد ايد تساعد علشان الدور الجاي على اللي جاي عشان هو كمان ينضرب له مثل لكن لازم نبص للي احنا بنعمله وبعدين احنا بنتكلم وبنطلب التغيير ..التغيير مننا احنا "ان الله لا يغير ما بقوم حتى يغيروا ما بأنفسهم".. يعني عايزه ييجي من برّاك ازاي محمد صلاح: لما مطرب بيغني اغنية عادية يعني وطنية عاطفية وبعدين يغني تواشيح لازم يتدرب علشان يغني تواشيح ولا هي قدرته تسمح له ولا لا تسمح له ؟ محمد ثروت: لا هي من الاول قدرات يا موجود يا مش موجودة هو بيحب الكلام دا اصل الاغاني الدينية بالذات يعني لازم انت تكون ابها يعني لازم انت تكون حاسس بيها وحاببها عشان توصلها للناس محمد صلاح: انت بتحبها ؟ محمد ثروت: طبعا دي هي صاحبة الفضل عليا في تعلم فن الغناء لان انا ما درستش مزيكا محمد صلاح: طب ورينا بتحبها ازاي عملي كده ؟ فاصل غنائي محمد صلاح: انت شايف ازاي تجربة واحد زي الراحل محمد الكحلاوي انه فترة يغني اغاني مختلفة ومتنوعة ثم يتخصص في الغنا الديني شايف ان دي تجربة بالنسبة له ثرية اثرت الاذاعة والتليفزيون والسينما لما غنى برضه في بعض الافلام غناء ديني دي برضه ولا المطرب يظل زيك انت بتعمل اغاني اطفال ويغني وني ويغني عاطفي ويغني ديني لما يحس انه عايز يغني محمد ثروت: الراحل الاستاذ محمد الكحلاوي قرربعد رؤية منه هو لمشواره وحب ان هو يتوجه بالتخصص والتفرد الديني وابدع الحقيقة ف هذا اللون لان هو ملحن رائع وصوت جميل ومحب هو في الفترة الحقيقة تفرغ تفرغ كامل للغناء الديني وقدر الحقيقة يمتعنا حتى بعد رحيله وانا غنيت له لاجل النبي في الحفلة كانت الحقيقة لها صدى كبير قوي محمد صلاح: طب ماتعمل لنا شوية صدى هنا. فاصل غنائي محمد صلاح: الغنا الديني لما بتقعد تغني مع حد اغنية دينية مش في مناسبة بتلاقي ال feedbackاو رد الفعل اللي ممكن تلاقيه لو قاعد تغني مع حد اغنية وطنية او اغنية عاطفية او قاعد في حفلة فيها اطفال او فيها اسر اغنية للاطفال . محمد ثروت: اكتر محمد صلاح: ليه عشان بيمس الوجدان اكتر؟ محمد ثروت: الاغنية اللي انا عملتها وهقول الحدوتة بتاعتها جت منين لان انا زي ما اتكلمت انا غنيت الاول في الليالي المحمدية مع الاستاذ علي عيسى في الاذاعة المصرية واستمرت الاغاني الدينية مع كل كبار ملحنيننا لكن لما دعيت لمهرجان الموسيقى الروحية في المغرب كان مهرجان الحقيقة باحييه من عندك هنا مهرجان ارسى قواعده الراحل الملك الحسن رحمه الله واتحط على لخريطة الدولية للمهرجانات ورواده جمهور من كل انحاء الدنيا وايضا الفنانين المشاركين فيه من مختلف الديانات والمذاهب والثقافات بيتعمل في مدينة فاس ومدينة سيدي احمد البدوي في المغرب فدعيت لهذا المهرجان وكان نفسي في فكرة اقدمها للناس مختلفة عن اللي انا غنيته قبل كده فتجرات وقلت انا هلحن لنفسي فعملت روضة الهادي نبينا ، يارسول الله اجرنا ، الله يارسول الله ، صلوا عليه لتسعدوا ..كل المجموعة دي وكان معانا فرقة محمد كرم الموسيقية واستقبال الناس كان غير عادي ونجاحنا كان غير عادي في هذا المهرجان فنجحت الرؤية وجيت هنا على دار الاوبرا كررت نفس الحكاية في ليلة راس السنة الهجرية سنة 2004 من ساعتها والاغنية الدينية معايا بتلقى رد فعل لان انا مش بغني لان انا النهاردة لما غنيت معايا احنا الاتنين بنمدح رسول الله عليه الصلاة والسلام او بنذكر الله فبتحصل حالة من الانتعاش عندك ودا السر في غنائنا الديني ومازال .. محمد صلاح: مين الجيل اللي بيغني دلوقت سواء جيلك او الجيل اللي طلع بعد كده بيغني غنا ديني بيعجبك؟ محمد ثروت: لا والله كتيرالحقيقة كتير .. كلهم بيغنوا ديني دلوقت محمد صلاح: لا غير ان كلهم بيغنوا ديني قولي 3 كده؟ محمد ثروت: ما هو انت تقيم او تذكر اسماء محمد صلاح: لا بيعجبوك انت يعني تلاتة اربعة بيعجبوك؟ محمد ثروت: كلهم بيعجبوني الحقيقة ..الست ام كلثوم قالت كل الناس حلوين في عينيا حلوين فانا بقلد الست ام كلثوم محمد صلاح: قولي التجربة اللي بداها سامي يوسف بالغنا شوية بالانجليزية يعني ثم بعض الكلام الانجليزي مع بعض الكلام العربي ثم بالعربي اثرت شوية او رجعت شوية الاغاني الدينية اللي كانت اختفت شوية ؟ محمد ثروت: هي تجربة كويسة بس هي في نطاقها وتخص شريحة معينة يعني هو الغناء باللغة الانجليزية مع العربية محتاج لحد لازم يبقى عارف المفردات الانجليزية ودا شئ محمود لسامي يوسف ان هو يعمل هذا اللون وبيغطي شريحة معينة من الحاجات الجميلة اللي اتعملت لكن احنا غنائنا الديني بيعتمد على مخاطبة ناسنا وشرايحنا واذواقهم وهواهم وفيه حاجات كده فيه مكنون داخلي انت لما تلمسه بتحس بالبهجة والسعادة زي ماحصل في الحفلة الاخرانية وزي ما بيحصل معايا في حفلاتي في الاوبرا محمد صلاح: هل فيه حد دلوقت مثلا يقدر ينظر في اشعار ابن الفارض او البوصيري او الشريف الرابي عشان يطلع منها كلمات يلحنها ؟ محمد ثروت: طبعا.. محمد صلاح: فين طبعا دا بس؟ محمد ثروت: يعني اللون دا غنيناه من زمان مع الاستاذ احمد صدقي وبنغني دلوقت لشعراء الشيخ عباس الدين والشيخ صالح الجعفري وابن الفارض محمد صلاح: اصل زمان كان دا موجود دا بالنسبة للغنا الديني للغنا العاطفي مثلا شوف ام كلثوم كانت بتعمل ايه او شوف جيل ام كلثوم واللي حواليها كان ممكن يعمل ايه حتى الاجيال الي بعد كده حتى عبد الحليم حافظ هل انا في زمن ممكن حد يلجا الى التراث وياخد منها محمد ثروت: العبد لله اللي قاعد قدامك عمل كده لجأت لتراث وللجواهر اللي عندنا وتعاملت معاه ووصلت للناس غنيت صلوا عليه لتسعدوا ان المحبة احمد صلوا عليه لتزهدوا في كل مالا يحمد محمد صلاح: انت عارف ان انا هقولك غنيها؟ فاصل غنائي محمد صلاح: يا اخي الغنا من التراث مختلف خالص عن الغنا اللي موجود دلوقت حتى الغنا الديني . محمد ثروت: ياصديقي احنا هنتننا نقول مختلف غير اعيب فيكم يا في حبايبكم اما الحب ياروحي عليه احنا عمالين بنشتكي عايزين نشتغل وكفاية بقى غل وكفاية حقد اذا حد حتى تجاوز في حقنا نقول الله يسامحك نتسامح شوية لوجه لله في الشهر الكريم دا يعني ليه متكونش طبيعي يعني ليه متكونش عارف ان الفن فعلا ممكن يكون مؤذي ولا الكلام دا فلسفي وما يعجبش الناس محمد صلاح: عندنا فن مؤذي؟ محمد ثروت: اه طبعا.. فيه فنون مؤذية كتير واصحابها هيقولك يا اخي فيه حرية اقفل التليفزيون حد تاني يقولك والله دي وجهة نظر فيه محاذير مش رقابة سيبك من الرقابة فيه بيتنا فيه حارتنا في شارعنا فيه بنتي فيه اختك فيه والدتك ولا انت خلاص من سماتك برضه ان انت في مجتمع عنده خطوط حمرا هو اللي صانعها مش حد اللي صانعها له يعني اخاف على بيتك واخاف على عرضك واخاف على سمعتك محمد صلاح: انت بتشوف الناس دي على حساب المجتمع وعلى حساب الناس وعلى حساب عقولها واذهانها واذواقها فيه ناس بتكسب فلوس بغض النظرعن النتايج اللي بيعملوها محمد ثروت: ايوه.. دي كلمة حق نقولها عشان ربنا لما نقابله ايوة وبعدين ماتشيعش الفاحشة فيه حاجات فاحشة ما ينفعش حتى في كل الاوقات فيه سلبيات لكن مش ممكن ابدا الحياة يبقى كلها سلبيات استحالة بقى محمد صلاح: طب غني لنا اغنية تهدي النفوس فاصل غنائي محمد صلاح: فيه سؤال بيتعلق بالبيزنس بتاع الاغاني والانتاج والكليبات ممكن منتج يتبنى انتاج كم من الكليبات لاغاني دينية ويكسب ؟ محمد ثروت: اه طبعا محمد صلاح: امال ليه مش حاصل ؟ محمد ثروت: مش عارف لكن هيجيلها وقتها لكن الاذاعة والتليفزيون بينتجوا هذا اللون وصوت القاهرة بتطبع وبتكسب عادي يعني ومنتجين كتير جدا انتجوا هذه الالوان وبيبيعوها وبيكسبوا منها محمد صلاح: يعني لازم تبقى موضة عشان يركبها منتج فيكسب؟ محمد ثروت: اه لازم تكون محطوطة تحت الاضواء يعني واحنا بنحطها تحت الاضواء محمد صلاح: لما تجرات بعض الصحف في الدانمرك وفي النرويج على نشررسوم مسيئة للرسول عليه الصلاة والسلام انت عملت صرخة غضب دا كان توجيه ولا الحالة فرضت عليك تعمل الاغنية دي في اللحظة دي ؟ محمد ثروت: لا هو مكانش توجيه الحقيقة انما انتهزت فرصة ان انا كان عندي حفلة على مسرح اليونسكو في باريس والحفلة كانت مذاعة على بعض القنوات العربية الفضائية وكانت القناة الفرنسية الخامسة بتنقلها وكان موجود رئيس اليونسكو وانا انتهزت الفرصة وقلت احنا بنحترم كينونة البشر وبالتالي انا ارى انه هذه الاساءة تعود على من ارتكبها انه احنا ما تعلمناش كده في ديننا ولا الرسول عليه الصلاة والسلام علمنا ابدا الاساءة لاي حد بل بالعكس حتى لو على غير ملتنا او غير ديننا امرنا بشروط التعامل معاهم وغنيت بعض الاغنيات الدينية اللي تم ترجمتها على الفور والحقيقة لقت نجاح كبير جدا جدا وجاني تعليقات كبيرة قوي على النت ومن خلال القنوات الفضائية اللي تم اذاعة الحفلة عليها محمد صلاح: من ساعة ماعمل الراحل سيد مكاوي اسماء الله الحسنى وهي متداولة طبعا سمعت مع الناس قوي واكتر من مطرب غناها بايقاعات مختلفة اوبرؤى مختلفة انت شايف دا ازاي ؟ محمد ثروت: اسماء الله الحسنى هي اللحن التقليدي لشيخ سيد النقشبندى هو لحن تراثي يمكن هو ذاع وانتشر لكون الشيخ سيد رحمه الله غناه فهو دا اللحن التقليدي لاسماء الله الحسنى ولذلك أي محاولة تانية لتغيير اللحن ما بتبقاش على نفس مستوى الذيوع والانتشار بتاع اسماء الله الحسنى بلحنها محمد صلاح: انت بتحب تغنيها بلحن سيد مكاوي ؟ محمد ثروت: هي بتتغنى مع البطانة ما ينفعش تتغنى المنشد لوحده محمد صلاح: في حفلة مارينا واحنا في رمضان وانت عارف رمضان ناس كتير قوي بيبتهل لربنا انت غنيت في الحفلة اغنية قولها للناس غنيتها ازاي ؟ فاصل غنائي محمد صلاح: خضنا في سماء الاغنية الدينية اللي ما بتغيبش عننا واللي دايما شهر رمضان وكل سنة وانتوا طيبين بيفكرنا بيها وبيعيشنا فيها ، قال الفنان محمد ثروت النهاردة غناه وكلامه كان كلام جميل كلام معقول بس اكيد كان غُنا وكلام ...... مسئول خلص الكلام سلام نلتقي في الحلقة المقبلة
