45 دقيقة

موضوع الحلقة : مشروع قناة السويس الجديدة وانعكاسه على الاقتصاد المصري
دينا فكري : اهلا بكم في حلقة جديدة من برنامج 45 دقيقة وحلقتنا اليوم عن مشروع قناة السويس الجديدة.. معنا في هذه الحلقة الاستاذ حمدي خربوش الكاتب الصحفي حضرتك كنت شاهد عيان في مشروع قناة السويس الجديدة وحضرت بداية الحفر كلمنا عن ذلك
الكاتب الصحفي/ حمدي خربوش: الرئيس عبد الفتاح السيسي دخل التاريخ من اوسع ابوابه مثل الرئيس جمال عبد الناصر لما دخل التاريخ من اوسع ابوابه تتشابه الظروف .. الرئيس عبد الناصر امم القناة ردا على تحديات الغرب والرئيس عبد الفتاح السيسي بيعمل ازدواج للقناة في ظروف لا تقل اهمية عن اللي مر بيها الرئيس ..الرئيس السيسي بيشتغل بفلوس مصرية ومشروع قناة السويس الجديدة مش المشروع الوحيد وانما البداية دا هو انتقى المشروع اللي يعكس المليارات السريعة بعد سنة
دينا فكري : الشباب لازم يشاركوا في المشروع وحضرتك شفت الشباب وهما بيحفروا ايضا ان احنا معتمدين على نفسنا في حفر مشروع عملاق
الكاتب الصحفي/ حمدي خربوش: كان فرح وعريس الفرح هو القناة الجديدة والعريس كل واحد من المصريين وكل كلمة قالها الرئيس السيسي لها الف معنى ومعنى لما قال " يخطئ من يتحدى شعب " انا راجع من هناك مبهور عارفة اللي يمسك في ايده اطفال ومجموعة رمزية من الشباب تبدا الحفر والمعدات الثقيلة وامبارح راح 5 الصبح وفطر معاهم وقال كلام مشجع كنت حاسس بجمال عبد الناصر وعطاؤه للفلاح والطالب
دينا فكري : حظي مشروع قناة السويس باهتمام وسائل الاعلام وكان هناك تغطية كبيرة جدا من وسائل الاعلام وهنركز على وسائل الاعلام المصرية
الكاتب الصحفي/ حمدي خربوش: مش مشكلتي في تغطية حدث وانما ممشكلتي اني اطلب من القائمين على الاعلام المصري وخاصة في اتحاد الاذاعة والتليفزيون وعصام الامير قائد كتائب الاعلام في مصر وطلبت منه لابد من اعادة صياغة خريطة عمل التليفزيون بقنواته او الاذاعة بشبكاتها عشان لابد ان تسخر على كل المشروعات الوطنية وما يستتبعها .. الاعلام المصري انه يبقى موظف في الحكومة احنا اتخلقنا للبحث عن الحجقيقة ولوضع ضوء على كل ما ينعكس على بلدنا مصر واذاعة صوت العرب اتسببت في تحرير كثير من الدول العربية .. على مستوى مصر احنا عندنا مشكلة وهي حبس الكفاءات واحنا عندنا كفاءات كل الدنيا عارفة قيمتها والفترة الجاية محتاجة اخراج تالكفاءات
دينا فكري : فيه افكار خاصة بقناة السويس الجديدة وبرزت العديد من الاحزاب والقوى السياسية وقالت انه فيه مبادرات لابد من التسويق للاحزاب هناك مبادرة من الوفد ان يقوم مشاركة جميع الشباب والفئات العمرية حتى يكون هناك شعور بالولاء والانتمتاء
الكاتب الصحفي/ حمدي خربوش: الفكرة رائعة ولكن الدكتور سيد البدوي رئيس حزب الوفد أحدثه كرجل اعمال اتبرعت بكام لتحيا مصر ناهيك عن انه اتبرعت بكام لتحيا مصر كحزب .. مصر فيها اكتر من 3 الاف رجل اعمال عندهم استعداد بيجمعوا نفسهم
دينا فكري : استاذ حمدي حضرتك كنت عاوز تتكلم عن دور المصريين في الفترة الحالية
الكاتب الصحفي/ حمدي خربوش: المشروع دا عملية الاكتتاب هتنظمها قواعد ونظم وهتنظم مشروعات تطوير العريش والشيخ وزويد والعديد من المشروعات العملاقة الوطنية الكبرى بارادة مصرية وسواعد مصرية وعايز يوصل العالم لحاجة واحدة وهي كرامة المصريين وهييجي وقتا مش بعيد انه اللي مش هيساهم دلوقت في المشروع الحركة هتمشي وهو هيتركن وهيكون ضيع نفسه وأذى نفسه والسيد الرئيس عبد الفتاح السيسي لقى ان افضل وسيلة للدفاع هي الهجوم ولقى ان التنمية هي افضل وسيلة
دينا فكري : اذن هي مبادرة ودعوة من الكاتب الصحفي الاستاذ حمدي خربوش للمشاركة في مشروع قناة السويس والاكتتاب فيه .. شكرا لكم والى اللقاء