لقاءات خاصة

موضوع الحلقة : الباعة الجائلون وحلول جذرية
اهم ماجاء في الحلقة
سوق حضاري في ارض وابور التلجبشارع الجلاء لحل مشكلة الباعة الجائلين
السوق يستوعب 3 الاف بائع جائل في مبنى مكون من 3 طوابق
الدولة يجب ان تعترف بشرعية الباعة الجائلين
احمد وجيه: اهلا بكم في حلقة من لقاء خاص حول مشكلة الباعة الجائلين تدور حلقتنا اليوم مع طارق فؤاد المتحدث الاعلامي باسم نقابة الباعة الجائلين .. في البداية يعني ايه نقابة الباعة الجائلين انا اعرف ان النقابات بتبقى لاشياء شرعية هل الباعة الجائلين كيان شرعية
أ/ طارق فؤاد: اولا البائع الجائل دا انسان في الاول والاخر ولازم يبقى له نقابة زي نقابة المهندسين ونقابة المعلمينفلازم يبقى ليه مظلة تتكلم عنه .. واحنا 6 مليون بائع جائل غير المليون اللي ظهر بعد الثورة
احمد وجيه: انت شايف الشغالات الطريق والمخلفات اللي بيسيبها البعض
أ/ طارق فؤاد:المنظر دا مزعلنا لكن فيه ظروف وصلت البائع الجائل لكدا والاغلبية لو قعد جاع هيعمل ايه وشغلته دي احسن ما يسرق .. المشكلة دي غلطانين والبائع الجائل مش عاجبه وضع نفسه ومطلوب من الدولة انها تعترف بيه شرعي وتقنن له وضعه ونشكر للمهندس ابراهيم محلب ووعدنا بتخصيص ارض وابور التلج للباعة الجائلين
احمد وجيه: ازاي تم تخصيص ارض وابور التلج للباعة الجائلين
أ/ طارق فؤاد:اللي حصل ان الارض دي في شارع الجلاء بجوار القنصلية الايطالية في وسط البلد وعلى فكرة كل قناة لازم الكل يشارك فيه وينوهوا عن السوق دا .. الارض دي خصصها رئيس الوزراء ووافق عليها والارض هتتبني قريب واحنا كنا عايزين سوق حضاري واحنا عملن اجتكاع وقعدنا مع المحافظ وقلنا ان كل باعة وسط البلد ندخلهم السوق دا اللي هيقام على 3 ادوار في اربع اشهر وهتبقى سوق عالمي مفتوح وهيبقى فيه سلالم كهربا واسانسيرات و3 ادوار تحت الارض هيشيلوا العربيات وخطوط السرفيس بتاعة وسط البلد ودور السرفيس هيبى فيه بنزينة للي عايز يغير لغاز يبقى كده فضينا وسط البلد من العربيات والباعة الجائلين وخطوط السرفيس
احمد وجيه: ايه اللي ضمني انه بعد ماننقل الباعة الجائلين في السوق الحضاري انه مايطلعش غيرهم
أ/ طارق فؤاد:سايبة هي اصلها.. شوف حضرتك مصر دولة قانون والبياع اللي ياخد حقه والدولة هتعترف فيه ان ظهر بني ادم تاني انا ارجع اقول انه النقابة والراي العام هيكون ضده وفيه قانون 105 اتعمل سنة 2012 عمله الدكتور كمال الجنزوري والقانون دا فيه تغليظ العقوبة على البائع الجائل .. وكان تغليظ العقوبة 6 اشهر وانا بقول لا خلي العقوبة زي ما انتم عايزين وقبل الدولة ماتعمل حاجة النقابة هي اللي هتتقدم . والسوق الحضاري هيستوعب بياعين وسط البلد وبولاق ابو العلا والاسعاف وقصر النيل وشارع فؤاد ماعدا بياعين ميدان رمسيس يبقى انا كده قضيت على اي بياع في وسط البلد وهيبقى فيه سوق مفتوح وفيه كل السلع
احمد وجيه: فيه راي بيقول ان الناس دي ترجع لبلادها تاني
أ/ طارق فؤاد:فيه مثل بيقول لو كان فيه الخير مكانش رماه الطير هو انا لو لقيت فرصة اساسا والراجل اللي فارش موجود بقاله 20 او 25 سنة واتجوز في مصر وولاده في مدارس في مصر وهو دا اللي هيبقى معانا مش اللي جم بعد الثورة .. بالنسبة لموضوع ميدان رمسيس فيه ارض البورصة بس احنا نعمل المرحلة الاولى الاول
احمد وجيه: القرار دا اتخذ امتى يا استاذ طارق
أ/ طارق فؤاد:القرار في شهر 3
احمد وجيه: اذن المسالة وجد اليها واحنا نناشد المسئولين عن تخصيص الارض انهم يبداوا يفعلوا القرار ويبدا البناء عليها
أ/ طارق فؤاد:استحملونا 4 اشهر 120 يوم
احمد وجيه: وانتوا كمان راعونا الناس ما بتعرفش تمشي كمان ان كل الناس تحولت من الحرف الى انه يبقى بائع جائل
أ/ طارق فؤاد:ايه اللي جابه من الحرفة الى بائع جائل
احمد وجيه: استسهال الربح انه يشتغل 3 او 4 ساعات وياخد 500 جنيه
أ/ طارق فؤاد:انتوا ليه متخيلين ان البياعين بيكسبوا كتير كده زي زمان انا الاول كنت ماشي في شارع فيه 10 انفار دلوقت فيه 500 بائع
احمد وجيه: بالنسبة للبضاعة المضروبة
أ/ طارق فؤاد:الخامة المضروبة دي اللي ببيعها اكبر تجار في شارع الازهر ودي مش مضروبة ولكن ععشان شايفه متداري بتقول انها بضاعة تحت السلم بس في الشارع ب25 جنيه وفي المحلات ب250 .. احنا خدمنا البلد بعد ثورة 25 يناير لو مكانش ف يه باعة جائلين مكانش فيه فقير عرف يلبس لازم الدولة تفهم الموضوع دا الاب بينزل معاه عيلين قميض وبنطلون وجوز جزمة ب100 جنيه ولو نزل في وسط البلد مش اقل من 500 جنيه
احمد وجيه: شكرا لك والى اللقاء