الناس والأحزاب

نهى توفيق: اهلا بكم مشاهدينا الكرام من الناس والاحزاب.. من المفترض ان الاحزاب المصرية تمارس نشاطا سياسيا اقتصاديا واجتماعيا متنوعا ومتعدد الاوجه والاشكال على الرغم من ان مجمل نشاط هذه الاحزاب السعي للوصول الى صيغة الا انه لا يمكن هذا الهدف عن الاهمية والفوائد التي تتحقق من خلال الدور الذي يتقوم به هذه الاحزاب حتى وان لم تستطع الوصول الى السلطة مشاهدينا مازلنا نبحث مع حضراتكم اهمية الدور الحزبي للمواطن الحزبي والتحديات التي تواجه هذا الدور معنا اليوم ومعكم اللواء محمد بدر الامين العام لحزب الوعي اهلا بك اسمحلي نشاهد مع حضرتك ومع السادة المشاهدين تقرير حول دور الاحزاب في الشارع المصري وتعود لنبدا حوارنا معكم
تقرير
مواطنة 1: احزاب محدودة لكن 70 انا اول مرة اعرف انه فيه 70 حزب في البلد لكن مش بكترها مش معنى انه فيه 70 حزب المفروض انها ماشية صح وكل واحد لازم يشوف دايرته ايه لكن مفيش حاجة من دي انا شايفاها بتتغير في البلد بصراحة
مواطن2: لكن البلد كلها مش محتاجة الكلام دا كله المفروض ان البلد تتوحد ويبقى حزب ولا اتنين زي الحزب الجمهوري والحزب الديموقراطي ويبقى البلد تمشي لانه البلد كل يوم والتاني مجموعة ناس تختلف مع ناس تقوم طالعة عاملة حزب جديد
مواطن3: يعرفوا الناس ايه على ارض الواقع مش بالكلام ولو كل واحد بدا بنفسه هتبقى الدنيا احسن من كده
مواطن4: انا اطلب منهم انهم يقفوا وقفة في كل حاجة بالنسبة الى الغاز ورغيف العيش مثلا
مواطن5: والله الاحزاب موجودة على الارض لكن احنا كشعب محسيناش بيهم انهم عملوا حاجة تجاه الناس او تجاه الشعب هو كل حزب يدور على مصلحته يبقى ليه صوت ويبقى ليه ممثلين في مجلس الشعب لكن الناس من الشعب غلابة محدش عمل لهم حاجة ومحدش حاسس بيهم خالص
مواطن6: دور هم مش ظاهر لغاية النهاردة شوف حضرتك عندنا كان حزب دلوقت وكام حزب النهاردة عدد الاحزاب الكتير مالهمش دور لكن الفاعلية مش موجودة ولما يكون فيه 3 او 4 احزاب غير لما يكون فيه 30 او 40 حزب وعملهم مش ظاهر الافضل ان نقنن العملية دي
فاصل
نهى توفيق: اهلا بكم اعزائي المشاهدين في الناس والاحزاب والحديث حول دور الاحزاب في الشارع المصري كيف يلمس المواطن دور الاحزاب ويستشعر بالكيف الحزبي على ارض الواقع كما هو مذكور وكما سمعنا وشاهدنا في التقرير الفائت معنا ومعكم في هذه الحلقة اللواء محمد بدر الامين العام لحزب الوعي بداية من الاشخاص الذين تحدثوا في التقرير شخص قال احنا محتاجين الاحزاب يعرفوا سياستهم على ارض الواقع لو اتكلمنا على حزب الوعي الهدف وتعريف بسيط عن حزب الوعي من حضرتك يافندم
اللواء/ محمد بدر: بسم الله الرحمن الرحيم انا عايز اصحح بس لحضرتك معلومة ذكرتيها الاحزاب ليس مهمتها الاقتصاد وهذا يجرنا الى نقطة ضعف رئيسية في عمل الاحزاب وهو فكرة التمويل وهذا يمثل عجز كبير ويؤثر على حركة الاحزاب في الشارع الامني حتى الان في قوانين الاحزاب لم توضع قواعد تسمح للحزب بانه يدبر موارده بوسيلة تستطيع الدولة ان تراقبها على اي حال الاحزاب لا تمارس نشاط اقتصادي ولكن القانون يحرم عليها ان تمارس هذا الدور .. بالنسبة لحزب الوعي هو احد الاحزاب المصرية التي نشات وانا بالاساس من حزب اعمل وايضا احد المؤسسين لحركة كفاية وانضمينا للشباب اللي انشاوا حزب الوعي بعد الثورة وحزب الوعي بالمعنى الحقيقي لفكرة العدالة الاجتماعية والعدالة الاجتماعية التي تحتوي ابناء الوطن ونحن لا نتكلم عنه كشعار وانما نتكلم عنه كبرنامج واضح فكرة العدل الاجتماعي في هذا الوطن اولا احنا منحازين لهذا البلد ان احنا نعمل على العدالة الاجتماعية اولا على مدار التاريخ والقوات المسلحة المصرية وشرف لي ان انتسب لهذه المؤسسة العريقة والبديعة سواء حرب 73 شايلة هم هذا البلد وبالتالي نجن ندرك مدى اهميتهم لهذا البلد وندرك انهم التيار الغالب او المجموع الغالب من الشعب المظلوم والمسحوق على ما يقرب من 40 سنة ولم يكن على هذا الظلم طوال مراحل سابقة ومع الاسف الشديد واقول وقلبي يدمي انه احد الثمار السيئة لحرب اكتوبر ان تذهب مصر الى سياسة يدفع ثمنها الفقراء فالعدل الاجتماعي قضيتنا الرئيسية بالاضافة الى قضايا اخرى الحقيقة احنا نهتم بتنمية الوعي وعندنا شعار " وعيك.. مستقبلك" على قدر الوعي على قدر الانسان وبنجد هذا البلد الامين والبديع مع الصراع الاسرائيلي عليه ان يضع قواعد لهذا الصراع وفقا للاستراتيجية انا اراهنك انه بحكم التاريخ والتجربة نعرف ان تنمية حقيقية ونهضة حقيقية في الوطن مع الاسف نعرف ان هذا الكيان الصهيوني الذي على حدودنا سيكون عائقا امام تجربتنا .. ايضا في الحزب احنا من القلائل اللي انشات في الحزب جناح او جزء من حركة التنمية في هذا الوطن عبر اساتذة متخصصين في علوم النفس او في العلوم الاجتماعية بنحاول احداث نوع من التنمية البشرية والاجتماعية وخصوصا في البيئات المهمشة والفقيرة يعني احنا عندنا نشاط في عزبة خير الله ودار السلام ومصر القديمة وايضا نحن نبذل جهد موازي في مدينة السلام .. انت عارفة ان القاهرة محاطة بمجتمعات عشوائية شديدة الفقر ومحرومة من العديد من الخدمات واحنا بنسعى ان الحزب يتواجد فيها ويمد يد العون او المعونة
نهى توفيق: اسمحلي استاذ رفعت احنا سمعنا التقرير مع حضرتك .. حضرتك بتقول ان حزب الوعي بيهدف الى اشياء رئيسة منها الوعي ومنها العدل الاجتماعي ومنها احداث تنمية في عدد من المناطق في الحقيقة هي شعارات كل ما نستضيف مسئول عن حزب هي شعارات بنسمعها براقة جدا وهي شعارات بتردد كثيرا لكن الالية او الخطة التي يعمل من اجلها الحزب لاحداث هذه التنمية دا اللي محتاجين نعرفه عشان لما ننزل نعمل تقرير في الشارع الناس مانقولش عندنا كم كبير عندنا 70 حزب لكن في الحقيقة احنا ما بنشوفش حاجة احنا مش حاسين بالاحزاب دي فيه فجوة بين الحزب والناس حضرتك بتقول تنمية طب ليه الناس مش حاسة بتنمية طب التنمية انتوا بتستهدفوها حضرتك بتقول الوعي هل هو وعي سياسي ولا وعي اجتماعي ولا وعي بمشاكلنا وعي بايه بالظبط انا عايزة كلام محدد يصل الى المواطن ويصل الى المشاهد الكريم اتفضل يافندم
اللواء/ محمد بدر:اولا انا بشكرك على ملاحظتك ومن ثم انا ادعوك بشكل شخصي اولا ثم بشكل اعلاني ان حضرتك تشرفينا في الاماكن اللي احنا بنسعى الى احداث ماذكرته فيها وارجو ان تلبوا الدعوة وندعوكي في عزبة خير الله او دار السلام والحتت المهمشة دي
نهى توفيق: بتعملوا ايه
اللواء/ محمد بدر:احنا بنعمل الاتي احنا عندنا اساتذة متخصصين فيما يسمى بالتنمية البشرية والتنمية المجتمعية اساتذة حاصلين على درجات علمية عالية انت لازم تعرفي ان هذا المجهود لا يمكن ان تظهر نتائجه الامن ويجب ان نعرف ان هذا الفقير الذي عانى اصبح يشعر انه هناك فجوة رهيبة بينه وبين باقي المصريين واحنا كل اخوانا متطوعين سواء الاخ الدكتور سامي سلامة وانا سعيد اني اذكر اسمه لانه احد اخوانا الاقباط ايضا عندنا دكتورة صافيناز عبدالسلام وكلاهما له باع طويل في القصة جدي وانت لازم تبقي فاهمة انك بتتعاملي مع بلد مختلفة اختلاف كامل والدولة كان يجب ان نكون جزء من الالية بتاعتها ولكن انت بتبداي من تحت الصفر عشان يطلع فوق
نهى توفيق: يعني حضراتكم بتعملوا مش بشكل متوازي مع الدولة
اللواء/ محمد بدر:الدولة حتى الان غير موجودة الدولة حتى الان مجمل سياستها الفقير كما هو للاسف منذ ثورة 25 يناير وازعم انا بذلنا جهد فيها وكل مرة اكرر اني من القوات المسلحة وهو شريك في الثورة وهذا شئ يذكر للمؤسسة العسكرية لكن احنا بنشتغل بنظم منعزلة لو قلت لحضرتك تنزلي في الحقيقة عايز انتهز الفرصة عشان اوجه الشكر لاخوانا اللي بيعملوا في التنمية المجتمعية
نهى توفيق: انا مع حضرتك لكن اسمحلي اخد تليفون معايا الاستاذ احمد الشرقاوي مسئول ملف الاحزاب في وكالة انباء الشرق الاوسط اهلا بيك يا استاذ احمد .. من اول الحلقة اذعنا تقرير حول دور الاحزاب في الشارع المصري في الحقيقة احنا عندنا كم كبير من الاحزاب المصرية يفوق ال70 حزب لكن في الحقيقة احنا مش حاسين بدور هذه الاحزاب عايزة اسال حجضرتك هل ال70 حزب الموجودين هو دليل على اثراء العملية الحزبية وتنوعها ودليل على الديموقراطية اللي احنا بنعيشها ولا هو كم خالي من المضمون خالي من الواقع على الارض ومن الفعل على الارض
احمد الشرقاوي مسئول ملف الاحزاب في وكالة انباء الشرق الاوسط : هو بشكرحضرتك على السؤال انا عايز اقول انه دول المشهرين بشكل رسمي الى جانب احزاب اخرى تحت التاسيس تصل الى اكتر من 70 حزب وانا اتصور ان دا تحول ديموقراطي مش بس في منطقتنا وما شهدته بما يعرف بالربيع العربي لكن حضرتك شفت منذ ان انتهت الحرب الباردة هنلاقي دولة زي المجر وكل الدول التي كانت تدور في فلك الاتحاد السوفيتي السابق وانهيار النظام الاشتراكي وتفكك التحاد السوفيتي شهدت هذه الدول مجموعة كبيرة جدا من الاحزاب ودا طبيعي جدا في المدن اللي تتحول من مدن ديكتاتورية الى مدن ديموقراطية الاجابة بقى على السؤال اللي حضرتك ذكرتيه هل دا يمثل اثراء للحياة الحزبية نعم لانه التفاعل بين كل الاحزاب دي هينتج في الاخر في وقت من الاستقطاب الحزبي يعني لما شفنا الاستاذ عمرو موسى بيعمل حاجة اسمها المؤتمر المصري عباءة كبيرة بتضم تحتها احزاب صغيرة بتدخل في الناحية الليبرالية وبنجد ان الاحزاب اللي ذات مرجعية اسلامية تشكل احزاب وعندنا 7 احزاب اللي من بينها النور وحزب الحرية والعدالة وعندنا الاحزاب اليسارية اللي بتركز على فكرة العدالة الاجتماعية تحت تحالف اخر اسمه تحالف الوطنية المصرية يعني انا بارى ارهاصات والتجارب الحزبية في مصر بدات مع انشاء مجلس شورى وقوانين .. بدات فكرة تاسيس مجلس شورى شجعت الناس على الثورية والتحزب وكثير لا يعرفون ان الثورة العرابية نشات من فكرة الاحزاب والجيش المصري كان بيقود الجناح العسكري حين كان يقود الجناح السياسي والحزب اللي تشكل في الفترة دي
نهى توفيق: دا بعد ثورة عرابي ولكن بعد ثورة 25 يناير اتفهم من كلام حضرتك انه ظاهرة صحية انه يكون عندنا كم الاحزاب دي لكن الاهم اني بشوف الناس في الشارع الحقيقة محدش فاهم حتى دور الاحزاب هل الاحزاب دورها انها توفر رغيف العيش والبوتاجاز وانها تحدث تنمية و..و.. و.. ولا عشان دخول البرلمان يعني فيه لبس في المسالة عند رجل الشارع
احمد الشرقاوي: في دراسات العلوم السياسية التعريف الدقيق للحزب هو مجموعة من الناس يريدون الوصول للسلطة
نهى توفيق: اسمحلي استاذ احمد سيادة اللواء فيه مداخلة معاك
اللواء/ محمد بدر:الاحزاب السياسية هي في الاصل تعبر عن مصالح او عن رؤية سياسية يعني مجموعة من البشر متفقين على الرياسة والاساس انه واضع مشروع سياسي يرى من وجهة نظره انه قادر على حل مشاكل هذا الوطن وهو من خلال اقناعه لجموع الناخبين بان هذا هو المشروع السياسي الافضل يستطيع ان هما يوصلوه لسلطة يستطيع من خلالها انه يوضع الموضوع في اطار ان الحزب لانه في النهاية انا حزب سياسي والبرنامج الساسي يجب ان يكون انا عندي بيانات اكون عارف مصردخلها قد ايه واستطيع ان انمي هذا الدخل من 1000 جنيه الى الف ومية استطيع ان اطور التعليم بدل ما ننفق عليه كذاانفقق عليه كذا
نهى توفيق: بشكرك استاذ احمد انا اسفة على المقاطعة لكن الدعوة مفتوحة تشرفنا في الاستوديو
اللواء/ محمد بدر:عشان احنا حتى كلمة الحزب السياسي خلي بالك ان احنا دولة لم تمارس عبير تاريخها مع تقديري في الفترة الليبرالية قبل 52 حتى احزاب ما قبل 52 كانت الاحزاب التي تمثل طبقة الاقطاع وملاك الارض الفلاح اللي في بلدنا مكانش يعرف يعني ايه حزب الوفد .. مصر لا تعرف الحياة الحزبية الى الان انا بتكلم على الشكل على الديكور فيه فرق بين حياة حزبية
نهى توفيق: احنا عندنا ديكور
اللواء/ محمد بدر:قبل الثورة وما بعدها وانا فلاح ادرك جيدا هذا
نهى توفيق: اسمحلي للاسف وقتنا انتهى لكن انا هوجه لحضرتك الدعوة حضرتك واستاذ احمد الشرقاوي تشرفونا الحلقة الجاية ويكون فيه جوار يثري هذه التجربة الحزبية
اللواء/ محمد بدر:بس بعد اذنك لا عن حزبي اتكلمت لان الحياة الحزبية تستحق ان احنا نتكلم فيها بجد مش ان احنا نخطفها ولو هنتكلم عن الاحزاب والناس لازم يكون فيه وقت لان هو دا المستقبل الحقيقي لمصر
نهى توفيق: الثلاثاء الثادم هتكون ضيفي في الاستوديو
اللواء/ محمد بدر:انا يشرفني بس الاخوان القائمين او الاخوة على هذا المبنى هذا برنامج بالغ الاهمية يحتاج الاذاعة في وقت افضل
نهى توفيق: ان شاء الله سيادة اللواء احمد بدر الامين العام لحزب الوعي .. مشاهدينا الكرام هذه هي الحياة الحزبية النهاردة كان فيه تصريح خطير انه مفيش حياة حزبية حقيقية انما مجرد ديكور على اي حال هنكمل هذا اللقاء يوم الثلاثا القادم مع الناس والاحزاب شكرا لكم