اتجاهات

هالةابو علم: اهلا بكم مشاهدينا الكرام مرة اخرى والحديث يتواصل دكتورة ماجدة انا عايزة اتكلم مع حضرتك عن حرية الاعلام هل حرية الاعلام تختلف بين الاعلام الرسمي والاعلام الخاص
د.ماجدة باجنيد : المفروض ان الحرية في الاعلام تكون حية بالمعنى العام انك بتعرفي الناس بالمعلومة الاساسية اذا كان فيه وجه ووجه اخر بتقدمه المفروض انه الاعلام بيخدم الناس وما يكونش دافع او حافز انك تاخدي او تتبني وجهة نظر ضد الاخرى دي لو عملت حاجة زي دي في الاعلام
هالة ابو علم:كمقدمة برامج انا لو هشتغل في قناة خاصة سقف الحرية مفتوح ليا اعلى من اللي انا عايزاه لان انا في الاعلام الرسمي حريتي محدودة مقدرش اتخطاها
د.ماجدة باجنيد :المفروض الحرية تكون مطلقة للكل لكن برضه فيه حدود الحدود عندك في الاعلام تقف عند امن الدولة د ي حاجة شرط اساسي يعني حاجة فيها امن الدولة بيتكلموا فيها لا لازم نقف فيها حاجة هتضر مصلحة مصر لازم اقف فها دا مش كلامي انا بس المفروض العالم كله عارف الكلام دا ان انت لما تخشي على الامن القومي بتاع الدولة اللي انت عايشة فيها او الاسرار او الحاجات الاساسية لازم ما اتكلمش فيها
هالةابو علم: فيه اكاذيب يادكتورة
د.ماجدة باجنيد : فيه اكاذيب كتير ماهو انت عندك برنامج وعندك برنامج مكن يوجب ويرد ما انت كمان ما تسكتيش دور الاعلام انه بيفهم الناس ان انا افضل كل يوم عندي رسالة معينة وبفضل ابثها في جهة معينة على ناس وبعدين الجمهور بتاعك مين
هالةابو علم:عارفة حضرتك اوحيتي لي بفكرة اللي هي حتة الرسالة الاعلامية يعني اي منشاة اعلامية سواء كانت رسمية او خاصة اعتقد انه لازم تحط لنفسها هدف رسالة اعلامية فانا عايزة اعمل ايه ليه ما يبقاش فيه حتة العشوائية بعين انا بحس ان القنوات كانها بتعزف معزوفة نشاز البرنامج دا بيتكلم في حتة والبرنامج دا بيقول حاجة
د.ماجدة باجنيد :غبت فترة حسيت الاختلاف الجامد دا غبت حوالي 6 اشهر بره عن مصر لكن حسيت الاختلاف ايه انه كل واحد بيفتح محطة لوحده وكل واحد بيقول الاراء بتاعته بدون مراجعة حتى على الكلمات المستخدمة بعض الكلمات المستخدمة تسئ لناس كسمع حتى ..انا مش بتكلم عن شخصية معينة
هالةابو علم:ليه هنا لو حاولنا نوجه ونقدم برنامج انك خدي بالك ما تتعديش الحدود المعينة تقول ان الناس دي عايزة تملي عليا ارادتها
د.ماجدة باجنيد :لا لا لا .. الاعلام ليه اصول فيه نقاط اساسية ما تتعدوهاش حتى لو كان بالنسبة للبس بعض احيان نشرات الاخبار مع احترامي الشديد للكل فيه حاجات ما تتلبسش يعني نشرة الاخبار فيها شئ من الجدية مكونش لحد اني اكشر في وش الناس يعني بتتكلموا عن خبر انه رئيس جمهورية اتوفى فيه حاجات اساسيات لكن الحرية معروفة لكن في الوقت نفسه النقدد له حدود ما بنتقدش واقول دا وحش او حلو بدون اسباب دا اعلام انت بتعرفي الناس عشان تقنعيهم دا حلو او وحش
هالةابو علم: في النهاية برضه المشاهد ذكي في النهاية بيقدر يرفض الاعلام الجارف ويفرز الاعلام اللي له اكاذيب
د.ماجدة باجنيد :يعني هترك البرنامج تماما يعني هتلاقي نسبة من المشاهدة العالية لبعض البرامج اللي في المحطات الحكومية او الاعلام الرسمي بتاع الدولة لكن في نفس الوقت جت فترة ..لا.. دا كلهم بيكذبوا الفترة اللي بعد الثورة على طول كان فيه مشاكل كتير من اول الانجليزي والعربي لكن عشان تكتبي الجمهور دا كله لازم يبقى عندك زي ماحضرتك قلت لازم التكنولويج ولاانترنت تكون موجوزدة للصرف على العلام لانه الاعلام سلاح لازم تستخدميه صح مش داخل مصر بس لانه اللي بيشاهدك مش داخل مصر فقط يعني كتير في امريكا كانوا قاعدين مستنيين نشرات الاخبار عشان يشوفوا طيب ياترى الدولة نفسها بتقول ايه طبعا لانها مذيعة ومش قارية كفاية او مجرد واخدة عنوان الخبر وتتكلم فيه دي بتبقى مصيبة كبيرة
هالةابو علم: طيب دكتور عارف لم يتبق لنا كثير من الوقت حضرتك تحب تتكلم في ايه خاص بمنظومة الاعلام
د.عارف الدسوقي: اولا منظومة الاعلا م حضرتك طرحت حاجة دلوقت الرسالة الاعلامية .. الرسالة الاعلامية دي قبل ما اقولها اولا يجب ان اكون عارف انا بوجهها لمين لانه متلقي الرسالة دا اذا انا عرفت هو مين هذا 50% من النجاح لكن اذا انا وجهت رسالة جيدة جدا جدج لشخص لا يستطيع تقبلها او تفهمها دي نقطة مهمة جدا انا عندي الشعب المصري ينقسم الى مجموعتين 50% منهم في الريف والبسطاء لا يتلقون معلوماتهم او رسالة اعلامية الا من خلال التليفزيون الرسمي للدولة والبسطاء بيتفرجوا الصبحية على صباح الخير يامصر وكانت برامج اللي هي الارشاد الريفي والكلام دا كله وبعض المسلسلات البسيطة اللي هما يحبوا يشاهدوها هذا 50% من الشعب البسيط اما النخبة المثقفة اللي هي بتدور على القنوات وتتابع القنوات وتقيم القنوات وتتلقى رسائل معينة فهذه مجموعة موجودة في بعض المدن .. الشعب البسيط انا اتمنى من التليفزيون المصري ان يتفهم بداية لمن يوجه رسالته دا حتى ربنا سبحانه وتعالى وجه الرسول وجهه انه يوجه الرسالة بطريقة معينة والرسول قالنا ايه..؟ من تعلم لغة قوم امن مكرهم فالجمهور بتاعي عاوز اعرف عاوزين ايه والرسالة اوجهها له ازاي في صورة مذيعة بتتكلم انجليزي وفرنساوي لهجة بسيطة عربية لهجة بسيطة جدا هذا هو المطلوب
هالةابو علم: كمؤسسة هل هدفي هو الترفيه فقط هل هو الوعي التوعية التثقيف
د.عارف الدسوقي:الرسالةالاعلامية متكاملة مهمتي ان انا ارفه عن الناس في البيوت ما انكدش عليهم ما انقلهمش اخبار غلط ما انقلهمش اخبار تغم كل شوية
د.ماجدة باجنيد :فيه مذيعة عملت خطأ قالت دا مات الرئيس اتشال فيها على طول المذيع نفسه يعني المصداقية مش اجري ورا الخبر عشان اخد سبق صحفي .. السبق الصحفي دا بيودي في داهية في بعض الاحيان لكن بالنسبة للتليفزيون الخطأ بتاعه بيبقى قاتل
د.عارف الدسوقي:وربنا قال ايه" فأما الزبد فيذهب جفاء واما ما ينفع الناس فيمكث في الارض " ولهذا اتمنى ان يكون اعلامنا الرسمي الحكومي سيبيني من القنوات الفضائية واللي بتجري وراه
هالةابو علم:لو تلاحظ حضرتك تقريبا الحوار بتاعنا بيدور كله عن الاعلام الرسمي لانه هو دا اللي يهمني حاليا
د.عارف الدسوقي:انا لا ادافع عن الاعلام الرسمي فالاعلام الرسمي اقدر منا في ان يدافع عن نفسه
هالةابو علم:بالعكس احنا من المهم يادكتور ان احنا نعرف اخطائنا فين مش عايزين ندافع وبس
د.عارف الدسوقي:شكرا لمن اهداني عيوبي فالاعلام الرسمي الرسالة الاولى يجب ان يعلم لمن يوجه رسالته ويخاطبهم بقد عقولهم حتى تصل رسالته
د.ماجدة باجنيد :والسرعة في نقل الخحبر
د.عارف الدسوقي:ومجلس الشعب نقلنا الصورة منه كفاية ان الناس هتحكم عليه
هالةابو علم:اشكرك دكتور عارف الدسوقي نائب رئيس حزب الغد والاستاذ بجامعة 6 اكتوبر واشكرك دكتورة ماجدة باجنيد استاذ الاعلام جامعة الاهرام الكندية ومشاهدينا الكرام قبل ان نختم هذا اللقاء اقول للاخرين رفقا بالاعلام الرسمي وزي ما بنقول انه بيحاول انه يجيد وبيحاول انه يغير مساره فنرجو المعذرة اذا كانت هناك بعض الاخطاء فهي اخطاء بالتاكيد غير مقصودة وايضا نعد ان تكون الرسالة الاعلامية القادمة هي رسالة هادفة دائما لصالح الشعب المصري ولصالح مثصر اشكركم مشاهدينا الكرام على حسن المتابعة التقي معكم قريبا باذن الله واتجاهات الى اللقاء