محمد موافى : بسم الله .. بسم الله الله وأكبر بسم الله .. سينا يا سينا بسم الله وآذان علي المدني بسم الله بسم الله .. بيحيي جهادنا بسم الله... بسم الله وبعد أكثر من مئة ألف شهيد وآلاف اللترات المكعبه من الدم العسكري الذكي إختصرنا سيناء في أغنيات وسهرات وليالي للإستعراض ولخصناها في شرم الشيخ وعيد ورا عيد وكل إحتفالات وأنتم طيبون وسيناء طيبه .. وفي سيناء شيخ يسمي سالم الهرش قال لموشي ديان لو أردتم التفاوض علي مستقبل سيناء ففي القاهره رجل إسمه جمال عبد الناصر هو من يملك الأمر وبعد نحو 40 عاما من رحيل عبد الناصر أهانت السلطه رجال سيناء وعاصروهم وأصروا علي مس كبريائهم قالوا لنا إنه تم إنفاق 14مليار جنيه لتنمية سيناء وقالوا لنا عن مشروع قومي للتنمية بدأ عام 94 وينتهي عام 2017 كان أهم ملامحه ترعة السلام .. تخيلوا كان المخطط زراعة 640 ألف فدان لم يتم زراعة سوي 5 آلاف فدان فقط ، جعلونا نحلم بمشروع السكه الحديد المعروف بقطار القنطره رفح بعد أن تم تصر ثلاث إربع مليار جنيه ثم قالوا إنه عديم الجدوي بعد أن كان قاب 60 كيلوا متر من نهايته وقالوا لنا أشعار ا عن الكوبر المعدني المتحرك وتكلفته 380 مليون جنيه إفتتحه الرئيس السابق مع 3 أغنيات وأوبريت إستعراضي ووسع يا جدع فالكوبري سيغير وجه سيناء الإستيراتيجي وسيقضي علي عزلة أهلها ثم راح كحلم ليلة صيف وأغلق الكوبر بعد أن إعتلاه الصدأ .. سيناء ذكري العودة الأولي فقبل ذلك قال لنا كتاب الإهمال إنها لم تعد وسنعود معها إليهم بعد التقرير فاصل " تقرير " لا شك أن شبه جزيرة سيناء تحظي بمكانة متميزه في قلب كل مصري ، مكانةٍ صاغتها الجعرافيا وسجلها التاريخ وسطرتها سواعد ودماء المصريين سيناء علي مر العصر فسيناء هي المفتاح لموقع مصر العبقري في قلب العالم بقاراته وحضاراته هى محور الإتصال بين آسيا وإفريقيا سيناء هي البيئة السرية بكل مقومات الجمال والطبيعة والحياة برمالها الذهبية وجبالها الشامخه وشواطئها الساحره ووديانها الخضراء وكنوز الجمال والثروة تحت بحارها وفي باطن أرضها من كائنات ومياه ونفط ومعادن . اليوم وبمناسبة بمرور 29 عاما علي ذكري تحرير سيناء تفتح مصر صفحة جديدة في سجل سيناء الخالد بعد ثورة الخامس والعشرين من يناير .. فسيناء بمقوماتها الطبيعية ومواردها الزراعية والصناعية والتعدينية والسياحية هي احدي أركان إستيراتيجية مصر الطموحة للخروج من الوادي الضيق علي جانبي النيل الي رقعة أرضٍ مأهولة واسعة تغطي 25 بالمئه من مساحة مصر , رقعة تبني لهذا الجيل والأجيال القادمة وتضاعف من فرص العمل والنمو ومن القواعد الإنتاجية والمراكز الحضارية والقدرة الإستيعابية للإقتصاد المصري بالتغلب علي العقبات التي إعترضت قطار التنمية وعطلت مسيرته في سيناء الحكومات المصرية السابقه من الألف الي الياء فاصل محمد موافى : يعني لا نبالغ لو قلنا إن هذه هي الذكري الأولي لعودة سيناء أو التي نتمناها أن تكون عودة لسيناء .. لأول مره أو ربما من عودة سيناء وتحرير آخر شبر من تراب مصر لم يحدث أن إجتمع رئيس وزراء مصري إجتماع موسع مع أهالي سيناء كما حدث بالدكتور عصام شرف رئيس وزراء مصر القادم بشرعية الثورة أرحب بضيوف إتجاهات وأرحب بحضراتكم مره ثانيه .. أرحب الشيخ علي مؤسس رئيس حزب حركة العداله والمساواه .. وبالكاتب الصحفي بالأهرام الأستاذ إبراهيم سينجاب الخبير الذي كرَّس حياته في الشئون السيناويه .. نسمع لرئيس الوزراء ونرجع لحضراتكم مره ثانيه فاصل " كلمه لرئيس الوزراء عصام شرف " وكلمه علي الشاشه " شرف من التحرير الي سيناء " وضعنا نصب أعيننا ثلاث لاءات " لا للإضطهاد الأمني .. لا للتجاهل والتهميش .. لا للتفرقه في المعاملة " وإن شاء الله تساعدونا إن إحنا نحقق الأمور دي " تصفيق حاد من أهالي سيناء " وآتيت النهارده في ظل حاضر – جاد – ووعد حقيقي إن إحنا نخطط مع بعض لنسيان الماضي للإهمال الماضي لإلغاء صفحة الماضي وجئت وفي ذهني صورة لمستقبل باهر لسيناء . فاصل محمد موافى : المهندس علي فريح شوفنا رئيس وزراء مصر أو أجتماع متهيأ لي منذ تحرير سيناء بالكامل إن يحدث هذا الإجتماع الموسع لاءات مهمه جدا وإعتذار كيف إستقبل أهل سيناء كلمة وزيارة رئيس الوزراء ؟ م. علي فريج راشد : أستأذنك إن إحنا نوجه تحيه للقوات المسلحه المصريه وعلي رأسها سيادة المشير وإحنا بنحتفل بأعياد تحرير سيناء لكن هو طبعا زيارة السيد رئيس الوزراء لسيناء هي أكيد إعتراف ضمني وزي ما تفضل هو إنه كانت سيناء مهمشه وكانت سيناء خارج الصوره برغم أهميتها وموقعها الإستيراتيجي وإرتباطها بالأمن القومي وهي نقدر نقول مفتاح الحرب والسلام في المنطقة لكن النهارده رئيس الوزراء يحضر بنفسه في هذه المناسبة ويقول اللي قاله أمام مشايخ قبائل سيناء ويعد بإنهاء جميع حالة العزله اللي كانت مفروضه علي أهل سيناء وأيضا القضاء علي الإهانات وسوء المعامله وحملة التشكيك في وطنية سيناء فده كله أنا بأعتقد إن وجود رئيس الوزراء في سيناء هو إعتذار من الحكومه موجه الي شعب سيناء وفتح صفحه جديده مع أهل سيناء محمد موافى : إحنا لسه هنرجع لللاءات ديه بس أنا عايز أنتهي من بعض كلمات رئيس الوزراء – أستاذ إبراهيم علي الرغم من الكلام اللي قاله المهندس علي دلوقت سيناء مهمه للأمن القومي هي مفتاح الحرب والسلام هي البوابه الشرقيه هي .. هي .. هي يعني حاربنا عشنها وفي النهايه مش هأقول – سؤالي مش إيه شكل الإهمال لكن لماذا تم الإهمال هل كان هناك إهمال متعمد ؟ أ. إبراهيم سينجاب: أنا في البدايه بحب طبعا أوجه تحيه لشهدائنا العسكريين علي مدي الحروب كلها وشهداء ثورة 25 يناير وأبناء سيناء الأحياء المقيمين فيها دلوقت لإن دول بيعتبروا أبطال بيعيشوا في ظل ظروف لا يتحملها أي مواطن آخر – يعني الأحياء يوجه لهم تحيه .. "2" أحب أءكد إن لولا ثورة 25 يناير كانت سيناء هتتعرض لخطر شديد جدا من الداخل ومن الخارج محمد موافى : دا كان في خطه أ. إبراهيم سينجاب: لأ مش خطه فيه ملامح تؤدي الي الشك محمد موافى : لأ وكان فيه خطه معلنه بس ما حدش قال لنا عليها يعني فكرة دولتين لشعبين وجزء من سيناء أ. إبراهيم سينجاب: دا غير كده المشروعات القوميه الكبري مهدده غير كده المواطن بيحتقر غير كده فيه أكثر من حاجه تشير الي إن سيناء كانت في خطر وإن حد كان بيعمل علي زيادة هذا محمد موافى : ما هو ده سؤالي هل كانت المسألة متعمدة فيه إهمال متعمد ؟ أ. إبراهيم سينجاب: لأ ما أقدرش أقول متعمده ما كان يحدث يشير الي إن سيناء اهملت – ما أقدرش أقول إن ده متعمد – يعني ما عنديش معلومات تقول إن ده متعمد لكن اللي أنا شايفه إن هي كانت مهمله وكل مشروعاتها لم تكتمل سواء بحسن نيه أو بسؤ نيه عشان ننتهي من هذه القضيه محمد موافى : المهندس علي هل الإهمال إن كان متعمد أو غير متعمد كان سببه الأساسي هو إنعدام الثقه بين الحكومه وبين أهل سيناء ؟ الإثنين ما حدش فيهم بيثق في حد ؟ م. علي فريج راشد : أ هو ممكن نقول إنه فيه تعمد حقيقةً لإنه أنا مدي حساسية سيناء لمصر وإنه تعميرها وتأمينها وعقل بشر وإنه دا بيخدم الأمن القومي والحكومات السابقه ومع هذا تستمر في إنه ما قدرتش تنهي عزلة سيناء وتعامل أهل سيناء معاملة سيئة والمشروع القومي إللي كان المفروض إنه مستهدف لتنمية سيناء لخدمة الأمن القومي ولخدمة الإقتصاد المصري ومع هذا كله يوقف وتنقل الإعتمادات الي أماكن أخري فده بيدي مؤشر إنه فيه هناك سياسه غير معلنه لوقف التنميه في سيناء وده طبعا إنعكس علي الحال اللي كانت موجوده في سيناء قبل 25 يناير – إنه الناس حدثت مشاكل في المنطقه وهذه المشاكل تهدد الأمن القومي المصري فإحساس الدوله النهارده والمجلس العسكري خاصه سيادة المشير والحكومه بنفسها تنتقل في هذه المناسبه أعتقد إن ده بدايه صحيحه لتصحيح الأوضاع في سيناء – سيناء ياخونا هي البوابه الشرقيه ومش عايز أقول إنه فيه أهداف إسرائيلية – النهارده إسرائيل بتحاول بإنها تشيع إن فيه مشكله مع البدو فيه مشكله مع أهل النوبه وإنت عارف مشكلة البدو حدودنا في الشرق ومشكلة النوبه حدودنا مع الغرب يعني عايز يدي إيحاء إن مصر مش مستقره محمد موافى : لأ يا أستاذ إبراهيم هو كان فيه مشروع ومعلن دولتين لشعبين إسرائيل هتاخد جزء من صحراء سيناء وفي المقابل مصر تاخد جزء من النقب وكان المسأله كلها مؤجله لحين وراثة مبارك لكن المفاجأة طبعا كانت إن اللي ورث مبارك حد أبعد ما يكون عن كده كمان أ. إبراهيم سينجاب: سريعا جدا أطماع إسرائيل في سيناء من سنة 1903 ومعلنه – أخيرا ظهر حاجه إسمها حقل الأشواك دا منشور المحلل العسكري الإسرائيلي إيلام شاراك كاتب في هاآرتس " ما يحدث في غزه الآن هو الجزء الأخير من خطة حقل الأشواك للتخلص من سكانها وطردهم الي سيناء - الكلام ده منشور في 15 إبريل الحالي – جيؤر إيلان رئيس مجلس الأمن القومي الإسرائيلي في 2004 طرح شركة تبادل أراضي وزحزحت الحدود 720 كيلو متر يعني بعرض من البحر من حدود رفح 30 كيلو متر بعمق 24 كيلو متر في وسط سيناء برعايه أمريكية محمد موافى : هو دا المشروع اللي كان مؤجل أ. إبراهيم سينجاب: الآن برعايه أمريكيه وأوربيه بيجري الترويج له وينتظروا أن يأتي خليفة مبارك زي ما سيادتك قلت ويُقال – أنا قريت تصريح إن أوباما قال إنه هيتم تنفيذ هذه الخطة ولكن بعد رحيل مبارك وطبعا الحمد لله رحيل مبارك طلع بثوره يعني فهيبقي إن شاء الله فيه كلام في هذا الموضوع محمد موافى : استاذ إبراهيم خطط التنمية – مشروع التنمية الكبير اللي كان مخصص لسيناء من سنة 97لسنة 2017 – ليه وقف يعني ده كان حلم إن هي ديه سلة غذاء مصر هي ديه البعد الإستيراتيجي يعني هيبقي فيها 5 مليون ما فيهاش نصف مليون علي بعض إيه اللي حصل من إهمال ولماذا توقف او توقفت هذه الجمله من المشاريع؟ أ. إبراهيم سينجاب: خلفيه سريعه جدا المساحه 60 – 61 ألف كيلو متر عدد سكانها لم يزد حتي الآن عن 600 ألف ويُقال 800 موقع سيناء هو مشكله هو أعظم ما في سيناء موقعها وهو سبب مشكلة سيناء ليه – سيناء بتقع بين حضارتين في مصر وفي الشام وإكتف طول تاريخا إنها تبقي معبر بين حضارة مصر وحضارة الشام فكان أهل سيناء عايشين حياة أهل المعبر يوصل قافله تجاريه بيوصل رحلة الحاج ومقابل كده ياخد من ريع يقدر يعيش عليه لإن سيناء ما كنش فيها مياه تمام .. القبائل في سيناء فيه 3 أنواع من السكان فيها القبائل العربيه وديه جايه من الجزيره العربيه – فيه السكان اللي جولها من شرق أوربا ومن الشام ودول إستطنوا مدينة العريش وأخيرا بعد عام 79 وقانون الإداره المحليه راح أبناء المحافظات - إيه مشكله سيناء – مشكلة سيناء إن القبائل عادةً إكتفت بنفسها كل قبيله تحترم حدود القبيله الأخري وتحترم عادتها وتقاليدها محمد موافى : ما هي ديه مشكله في حد ذاتها أ. إبراهيم سينجاب: لأ في الأول ما أنا أقول لحضرتك المشكله اللي فيها سيناء جاءت منين يعني قبل المشروع القومي بقي فيه حضر في العريش ورفح والشيخ زايد وفيه بدو اللي هم العدد الأكبر في سيناء وراح لهم إبناء المحافظات بعد كده لما راح في مصر في 79 وطبق الإداره المحليه لم يؤهل أبناء سيناء لإستقبال الموظفين المصريين والموظفين المصريين والشرطه راحوا بعاداتهم وتقاليدهم في الوادي والدلتا فهو كان هناك مكتفي بالشيئ محمد موافى : أ. إبراهيم أنا عايز أقف علي الحته ديه إحنا إنضم لنا سيادة اللواء محمد عبد الفضيل شوشه محافظ جنوبسيناء مساء الخير يا فندم اللواء محمد عبد الفضيل شوشه : مساء الخير محمد موافى : كل سنه وحضرتك طيب الفضل يرجع للقوات المسلحه اللواء محمد عبد الفضيل شوشه : كل سنه وحضرتك طيب والضيوف طيبين محمد موافى : سيادة اللواء حضرتك فيه خبره كبيره يمكن أبعد من أيام المحافظ لسيناء لكن لماذا توقفت المشاريع التي كنا نسمع بها وكنا مغني لها مشروع التنميه الكبير مشاريع كتير توقفت هل كان هناك إهمال متعمد يا سيادة المحافظ ؟ اللواء محمد عبد الفضيل شوشه :خلينا أكون صريح معاك وأحط الأمور في نصابها من واقع المسؤولية التنفيذيه – هو إحنا المشروع القومي لتنمية سيناء – في البدايه بس إحنا بنشكر السيد رئيس الوزراء إنه جيه شرف أهالي سيناء بالكامل وإحتفل معاهم هذا العام بأعياد تحرير سيناء – وأنا يمكن ذكرت إن في أول مطلب من مطالب الرئيسيه اللي يتمناها أهالي سيناء هو تنمية سيناء وبرضه مازلنا بنعتبر إن المشروع القومي لتنمية سيناء مخصصاته هو حجر الزاويه لأي تنميه تبقى موجوده – المشروع القومي لتنمية سيناء كان مشروع عملاق وزادت قوته لما ربط سيناء كمكان بمدن القناه وأصبح المشروع القومي لتنمية سيناء بعد ما كان سيناء فقط بقة سيناء ومدن القناه الثلاثه علي إعتبار إن أي تنميه تحصل في سيناء لازم يكون لها مربوط علي مدن القناه محمد موافى : الجزء ده جسد واحد اللواء محمد عبد الفضيل شوشه : بالظبط كده وفعلا المشروع مشي بصوره كويسه وأنا هنا بأقول وكلمة حق بأقولها إن الحكومه تقريبا أوفت ب 80% من إلتزاماتها اللي كانت مخصصه في مخطط المشروع القومي لتنمية سيناء ولكن محمد موافى : يعني يا فندم 80% من المخصص في الصرف والا في الإنجاز ؟ اللواء محمد عبد الفضيل شوشه : من المخصص للصرف والإنجاز الإثنين هو 80% بتترجم إن هي كانت لها كوته معينه المفروض تصرفها في فئه معينه وإتنفذت فعلا وعادةً الحكومه كان كل الحاجات اللي مطلوبه منها حاجات المرافق الأساسيه والخدميه سواء كهرباء طرق وخلافه كل الحاجات ديه كانت موجوده وإحنا طبعا تبشرنا خير لما بدأ موضوع الخصخصه وبدأ يبقى القطاع الخاص يخش قلنا ده هيسير خطة التنمية بمعدلات أعلي لحاجات الصرف ولكن للأسف هذا الطموح لم يتحقق وإجمالي الإستثمارات بتاعة القطاع الخاص اللي إتحطت في المشروع القومي لتنمية سيناء بتعادل 20% من القيمه اللي كانت المفروض تتحط محمد موافى : سيادة اللواء ممكن أستأذن حضرتك تنتظر معانا دقيقه واحده المهندس علي فريج عايز يرد .. باشمهندس يعني المشروع القومي لتنمية سيناء سيادة المحافظ بيقول إن تم إنجاز وإنفاق من المخصصات 80% من اللي المفتوض إن هو كان يتم المخصص الحكومي كإبن من أبناء سيناء وأحد من مشايخ قبائلها شوفت الكلام ده ؟ م. علي فريج راشد : هو أصل المشروع القومي دا معروف الخطة بتاعته – الخطه تعطي السلام اللي المفروض إنها توصل لكل المناطق لنهايتها لوسط سيناء عندنا المشروع القومي السكه الحديد اللي ما وصلتش زي ما سيادتك تفضلت – المشروع القومي الدوله طبعا لا شك أنها عملت مدارس لكن برضه في وسط سينا فيه مدارس ما محمد موافى : ما نقول لسيادة اللواء النقطتين دول – سيادة اللواء يعني ترعة السلام كانت المفترض زراعة 640 ألف فدان 5 آلاف فدان بس اللي إتزرعوا – خط السكه الحديد القنطره رفح وقف ما إتكملش اللواء محمد عبد الفضيل شوشه : لو سمحت أ. محمد خلينا نخط الحقائق ال 640 ألف فدان اللي حضرتك بتقول عليها دا إتعمل النسبه الكبيره منه لإن مشروع ترعة السلام كان 3 مراحل رئيسيه مرحله غرب القناه وديه تمت بالكامل مرحله شرق القناه وديه في نطاق - لإن زي ما إنت عارف حضرتك إنه إضيف شريط بعرض 30 كيلو شرق القناه الي مدن القناه بالكامل يعني الإسماعيليه وبورسعيد والسويس أصبحوا شركاء واخدين شريط 30 كيلو شرق القناه – المرحله الثانيه ديه برضه تمت إتنفذت هي الأزمه والمشكله الرئيسية فيه المرحله الثالثه اللي هي المفروض لمحافظة شمال سيناء وخلينا أقول لك – أنا بأقولها بصدق إن السبب الرئيسي للمرحله الثالثه تعثرت هو وأنا بأقولها إن صدر قرار جمهوري بتبعية – يعني كان المشروع بتاع ترعة السلام كله كان بيتبع المسؤول عنه تخطيطا وتنفيذا وإشرافا وتوزيعا للأراضي وزارة الري المرحله الولي والثانيه إتنفذوا طبقا للمخطط في المرحله الثالثه اللي هي في شمال سيناء تم صدور قرار جمهوري بتبعية الأرض لوزارة الزراعه وتبعية المنشآت والمرافق بتاعة الري لوزارة الري هنا وأنا بأقولها هنا حدثت الأزمة بتاعة محمد موافى : حضرتك تسمح لي حضرتك كنت في المطبخ السياسي وفي هذه الدوله حضرتك أدري طيب ليه تم النقل من التبعيه للري للتبعيه للزراعه ؟ اللواء محمد عبد الفضيل شوشه : زي ما حضرتك عارف وزي ما إنت قلت كده بالظبط إن اللي بيعرض الحاجه بيعرض – وزارة الزراعه ساعتها عرضت من وجهة نظرها إن لازم التبعيه بتاعة الأرض هي المسؤولة عن الزراعة وهي التركيز المحصولي و كل الكلام ده فصدر قرار بتبعية الأرض لوزارة الزراعه وتبيعة المنشآت المائيه لوزارة الري في اللحظة ديه بقه بدأ توقف المشروع وديه أنا بأعتبرها العثره اللي جاءت لمشروع ترعة السلام في الجزء المخصص لمحافظة شمال سيناء محمد موافى : سيادة اللواء حضرتك حطيت أدينا علي نقطه مهمه جدا اللواء محمد عبد الفضيل شوشه : طبعا .. طبعا ليه .. أنا هأقول لك ليه يا أ. محمد لإن كانت وزارة الري بتنشئ وبتبيع الأرض سواء للمزارعين أو للمستثمرين أو خلافه ومن هذا الدخل بتكمل المشروع وكان ماشي خطوات كويسه لما إتسحبت منها الأرض أصبح معتمد علي إيه في ترعة السلام معتمد علي الميزانيه المحدده من الدوله وإحنا عارفين إن الدوله جاءت في الفتره الأخيره وراحت جايه فاتحه فيه 3 مشاريع عملاقه وأصبح مخصصات وزارة الري محمد موافى : لحاد ربنا ما كرمها يا فندم بميدان التحرير اللواء محمد عبد الفضيل شوشه : لأ إحنا بتخش في الأسباب الرئيسية للموضوع في إن كانت وزارة الري بتصرف علي المشروع وبالتالي كان المشروع ماشي بمعدلات صحيحه لما بدأت وزارة الري تعتمد علي الحاجات المخصصات في الميزانيه بدأ المشروع يمشي واحده واحده وبدأ يبقي فيه تعثر إحنا فيه عندنا 25 مأخذ موجوديه علي ترعة السلام في نطاق شمال سيناء اللي إتعمل منهم لغاية دلوقت لغاية ما كنت موجود محافظ كانوا 5 مآخذ فالمعدلات بطيئه محمد موافى : شكرا يا فندم سيادة اللواء محمد عبد الفضيل شوشه محافظ جنوبسيناء الحالي ومحافظ شمال سيناء الأسبق شكرا جزيلا يا فندم .. أ. إبراهيم دلوقت سيادة اللواء حط إدينا علي نقطه في منتهي الخطوره التبعيه كانت وزارة الري – وزارة الري بتفحت تبيع تكمل عشان الأمور تمشي راحت وزارة الزراعه الدنيا وقفت أ. إبراهيم سينجاب: ديه ما كنتش المشكله – المشروع القومي لتنميه تعمير سيناء بدأ من سنة 94 لحاد 2017 بتكاليفها التقديريه 75 مليار جنيه في بداية عهد الدكتور كمال الجنزوري وهو كان زار شمال سيناء وأنا شوفت في شمال سيناء بدأ المشروع فعلا بخطوات سريعه جدا وبدأ حجم إنجاز وفجأه وبلا مبرر إتجهت مصر الي توشكا بلا مبرر رغم إن كان حجم الإنجاز في أوله رائع جدا محمد موافى : ممكن يا باشمهندس يعني مصر إتجهت من سيناء لتوشكا يمكن الشعراء زهقوا من سيناء فراحوا يكتبوا شويه لتوشكا فننتج أغاني ثانيه هههه م. علي فريج راشد : لأ هو ده السؤال ليه يعني إنت الخطر بيهددك من هنا ولا من هنا يعن هو الخطر جايلك من توشكا والا الخطر جايلك من سيناء أ. إبراهيم سينجاب: بغض النظر عن الخطر مقومات الزراعه والصناعه والتعدين في سينا مش في توشكا م. علي فريج راشد : الحته زى ما بيقول أ. إبراهيم إنت هنا سيناء عامله زي عماره قائمه جاهزه بس عايزه تشطيب محمد موافى : بس التشطيب دا أهل سيناء عندهم شخصيا مشكله فيه يعني سيادة اللواء دلوقت قال إن تم إنجاز 80% فيه 20% بتاع القطاع الخاص والقطاع الخاصه فيه كتير متخوفين من الأوضاع الأمنية اللي كانت في سيناء الفتره الأخيره وفيه طوف من الأوضاع أ. إبراهيم سينجاب: مين اللي قال إن الإنجاز 80% محمد موافى : يعني خليه 10% و 60% كان علي القطاع الخاص أ. إبراهيم سينجاب: معايا تقرير من مجلس الشوري سنة 2008 عن حجم الإنجاز في المشروع القومي بالكامل أولا بعد المشروع القومي فعملوه إستيراتيجية تنمية القناه وسيناء أنا بيتكلم عليها سيادة المحافظ بتكلفه تقديريه 252مليار محمد موافى : يعني ما تمش 80% ؟ يعني بدون ما نرهق المشاهد أ. إبراهيم سينجاب: الحكومه أنجزت تكلفه تقديريه 252بقي إسمه إستيراتيجية تنمية القناه وسيناء فجأه بلا مبرر ما تعرفش ليه منها 69 للشمال و35 للجنوب علي أن يتحمل القطاع الخاص 60% سيادة المحافظ عارف إن القطاع الخاص عمره ما هو رايح سيناء لأنه هيروح سيناء المتر في المنطقه الصناعيه ب 30 جنيه هنا في اكتوبر ب 10 جنيه هناك ما فيش مياه محمد موافى : تعالوا نسأل محافظ شمال سيناء سيادة اللواء عبد الوهاب مبروك مساء الخير يا فندم اللواء عبد الوهاب مبروك : مساء الخير محمد موافى : كل سنه وحضرتك طيب ورجال القوات المسلحه بخير يا فندم اللواء عبد الوهاب مبروك : وإنت طيب محمد موافى : سيادة اللواء يعني بعد فتره بسيطه في محافظة شمال سيناء إيه المعوقات اللي قدام المستثمر اللي عايز يروح يعني أنا كنت بأتكلم مع الضيوف الكرام إن أنا شايف المسألة كانت أمنيه هو الأستاذ إبراهيم سنجاب وضح لي إن برضه سعر المتر هناك أغلي بكثير من أي مكان ثاني في مصر ؟ اللواء عبد الوهاب مبروك : هو دلوقت أنا طبعا بأرحب بالباشمهندس علي فريج إزيك يا باشمهندس علي م. علي فريج راشد : مساء الخير يا فندم . اللواء عبد الوهاب مبروك : كل سنه وإنت طيب وطبعا أ. إبراهيم برضه بأرحب به بس طبعا قبل ما أبدأ هي فيه نقطه برضه أنا عايز أوضحها بالنسبه لخطة التنميه الشامله لسيناء هي طبعا المخطط ده يعنى كان تم إعداده سنة 1994 وبدأ التنفيذ الفعلي الصوره غلط بس هي الصوره جايه غلط معلهش محمد موافى : صورة اللواء مراد موافي إحنا آسفين يا فندم هو بدأ التنفيذ الفعلي لمشروع التنميه الشامله لسيناء سنة 1997 ودا كان المده بتاعته 20 سنه وبينفذ علي 4 مراحل كل مرحله بتبقى خطه خمسيه هو طبعا الكلام أللي إتقال في الأول الخطه الخمسيه الأولي إتنفذت سنة 1997 ويمكن برضه وقفت سنة 2001 إستمرت 4 سنين فقط لا غير طبعا إستحاله إنه أنا في خلا ل ال4 سنين أنفذ 80% من مشروع تنمية سيناء وال20% خلا ل ال16 سنه الباقيين فهو المشروع فعلا خلال الأربع سنين دا فعلا إتجاهات الدوله كانت مركزه في هذا الإتجاه والمشروعات اللي تمت فرض إذا كان مشروع شركه فيها أو مشروع كوبرى السلام ودا مش عايزين برضه ننساه من ضمن الإنجازات اللي إتعملت في البدايه برضه مشروع كوبر السلام ودا كان من ضمن برضه التنميه الشامله لسيناء خط السكه الحديد اللي إتنفذ لغاية دير العبد وكان مخطط إن هو يستمر لغاية رفح خلال خطة التنميه الشامله أيضا وبرضه مشروع ترعة السلام زي ما وضح السيد المحافظ لجنوبسيناء مشروع ترعة السلام بدأ بالمرحلتين الأولى غرب قناة السويس والثانيه شرق قناة السويس في حدود محافظات القناة الثلاثه وما كملش بعد كده بقية المرحله الثالثه ورغم إن هي المرحله الثالثه بدأ منها جزء هذا الجزء حصل فيه بعض المشاكل تتلخص في حاجتين الحاجه الأولانيه إن فيه بعض الشركات إدت الأراضي لملاك من محافظة شمال سيناء وحصل تعثر لهذه الشركه في سداد مع جهاز التعمير مما أدي الي سحب الأراضي من هذه الشركه بعد ما ملكتها للأفراد وبعض هذه الأفراد لما حصلت المشكله مع وزارة الرى ومع وزارة الزراعه وكانت المياه برضه مشية في الترعه بعض برضه وضعي اليد من هذه الأراضي قاموا ببيع الأرض لبعض المواطنين وكان نتيجه لبيع الأرض ديه وإكتشفت وزارة الزراعه إن فيه وضع يد علي هذه الأرض وطبعا وزارة الري حست إن فيه وضع يد علي هذه الأرض كان القرار بتاعهم إن هم يقطعوا المياه عن المرحله اللي تمت من هذه الترعه كلها بالكامل طبعا صغار المزارعين اللي هم قاموا بزراعة هذه الأرض الزراعات طبعا بتاعتهم بارت نتيتجه لقطع المياه ونتيتجه برضه لعدم عمل محطات رفع المياه لهذا الجزء من الأرض تم برضه بعض أعمال التخريب في محطات هذه الرفع وأيضا برضه حصل بعض التخريب في ترطيب الترعه نفسها محمد موافى : سيادة اللواء لما نتكلم عن كلمة التخريب أو نتكلم عن الإستثمار اللي إحنا عايزينه ييجي سيناء كمحافظ لشمال سيناء شايف أهم التحديات اللي قدام حضرتك واللي عايز تبعتها في رساله دلوقت لأهل سيناء إيه هي أهم التحديات اللي المحافظ شايفها تعوق الإستثمار في سيناء ؟ اللواء عبد الوهاب مبروك : التحديات كلها من المستثمر زى ما إنت وضحت خايف يخش المنطقه نتيجه لمعوقات برضه كتيره يعني إنت برضه تعرضت لموضوع سعر الأرض وتعرض لموضوع المرافق وبرضه تعرضت لموضوع المياه يعني هناك فيه بعض المرافق زي ما بيقول كده الباشمهندس علي ما دخلتش منطقة وسط سيناء يعني فيه هناك منطقه للصناعات الثقيله اللي هي موجوده في منطقة بغداد برضه هناك بعض القرارات يعد ما فكرنا في مشروع الصناعات الثقيله لقينا قرار طلع من وزارة البيئة بضم هذه الأراضي كمحميه طبيعية لهذه المنطقه كلها بالكامل منطقة جبل الغار محمد موافى : يعني كانوا لسه شايفنها دلوقت يا فندم – يعني كانوا لسه واخدين بالهم منها دلوقت ؟ اللواء عبد الوهاب مبروك : ما إحنا فوجئان بعد ما هذه المنطقه بالكامل كان مخطط لها منطقة صناعات ثقيله في منطقة بغداد فوجئنا لأكثر من 750 الف متر مربع تم ضمهم لمنطقة محمية جبل المغاره محمد موافى : سيادة اللواء إنت قدام حضرتك مهمه كبيره بس فيه تعقيب من الأستاذ إبراهيم أ. إبراهيم سينجاب: أنا كنت عايز أعرض علي سيادة اللواء طبعا بأبارك لحضرته إنه تولي محافظة شمال سيناء اللواء عبد الوهاب مبروك : والله إحنا تولينا بقالنا 3 شهور أ. إبراهيم سينجاب: ما أنا بأقول لحضرتك بعد الثروه يعني محمد موافى : ما أنا عارف ما أنا بأقول لحضرتك لسه يادوبك عشان كده ما لحقناش نحضَّر صوره يا فندم أ. إبراهيم سينجاب: تقرير الشوري في 2008 يا سيادة المحافظ بيقول نسبة الفشل في إنجاز المشروع القومي لتنمية سيناء نسبة الفشل 70% في مجال الزراعه 66% في مجال الصناعه 83% في مجال السياحه 95% في التنميه العمرانيه 97 % في الصرف الصحي 90% في الخدمات التجاريه 86% في مياه الشرب والري 57% في المواصلات زائد أخطاء فنيه في مسار ترعة السلام ودا قصه أعتقد إن سيادتك عارفها تماما اللواء عبد الوهاب مبروك : لأ وحط أخطاء فنيه برضه في كوبري في كوبر الفردان أ. إبراهيم سينجاب: كوبري الفردان بتاع خط السكه الحديد اللواء عبد الوهاب مبروك : برضه حط حتة أخطاء فنيه في تطويرها أ. إبراهيم سينجاب: .. فيه أخطاء فنيه في مسار الترعه ؟ أخطاء فنيه في تصميم الترعه ؟ .. وبعد كده طبعا توقف القطار غير كده بقه وإحنا هنا في التليفزيون المصري الإرسال الإذاعي والتليفزيوني محمد موافى : لأ دا نشوفه دا مهم جدا أ. إبراهيم سينجاب: لا يغطي شمال ولا جنوبسيناء بالكامل اللواء عبد الوهاب مبروك : لا .. لأ بيوصل لغاية عندنا بدليل إن إحنا شايفنكم دلوقت محمد موافى : دا شرف لينا يا فندم .. سيادة اللواء عبد الوهاب مبروك محافظ شمال سيناء شكرا جزيلا لحضرتك اللواء عبد الوهاب مبروك : بس هو طبعا الكلام اللي إتقال ده تأكيدا علي إن فعلا إن برضه مش 80 % من المخطط اللي هو تم تعقيبا علي كلام الأستاذ إبراهيم بالنسب اللي هو حطها بالكامل مش معقول أكمل أنا في 4 سنين 80% وباقي ال 16 سنه لسه ما كملتش حاجه وأحب وأوضح إحنا الوعد اللي وعدهولنا السيد رئيس مجلس الوزراء محمد موافى : شكرا جزيلا يا فندم سيادة اللواء عبد الوهاب مبروك محافظ شمال سيناء يعني ثلاثة أشهر أكيد عمال تدرس المسأله شكرا جزيلا لك يا فندم إحنا نروح سيناء نشوف رأي بعض المواطنين في المشاكل اللي بيواجهوها ونرجع لحضراتكم مره ثانيه فاصل " أبناء سيناء وحمل التغيير " ** نطالب بأن يكون لنا مكتب من القبائل بكافة القبائل يكون له صله مباشره بالمسؤلين متخذين القرار من مجلس الوزراء بحيث أنا عندي مشكله آجي أعرضها علي مكتب فعَّال يوصلها للمسؤولين ** عاملين جمعيه إسمها مستقبل سيناء عملناها بعد ثورة 25 يناير عشان تلم الناس في كل يشيئ إقتصاديا وإجتماعيا وثقافيا ودينيا وترفيهيا وسياحيا وكله ** إحنا قدامنا طلب للسيد المحافظ بتخصيص مكان بمدينة شرم الشيخ لإشغال البدويه المطلبات البدويه اللي بتتعرض يعرضوها ** أنا مصري وموجود وشغَّال في البلد أنا بأطالب بحقي تقنين أوضاعنا تملكنا من الأرض عشان نبني مسكن لأولادنا كويس ** ما بأطلبش أكثر من إن إحنا الأوضاع بتاعتنا تتقنن عشان نحس شويه بآدميتنا وعيب قوي وحرام لما أكون أنا عايش كمصري علي أرضي علي أرض بلدي إتروت بدمي ودم أهالينا وأعيش في مستوي أقل من الأجنبي اللي عايش فيه في بلدي ** أولا عايزين مياه النيل "2" عايزين الإصلاح لمحافظة جنوبسيناء عامةً – عايزين فرص عمل غير الفرص اللي هي موجوده ** ليه الحكومه ما تعملش معهد خدمي تدريبي يدرب أبنائنا – أبناء سيناء والوافدين علي الشغل في السياحه يتدربوا علي الصناعه والبترول . فاصل محمد موافى : مشاهدينا أهلا بحضراتكم مره ثانيه وهذه الحلقه من إتجاهات بنناقش فيها مشاكل سيناء ومستقبل سيناء لكن إسمحولي جاء لنا هذا البيان العاجل : أعلن المتحدث الرسمي للنيابه العامه أن المستشار الدكتور عبد المجيد محمود النائب العام أمر بنقل الرئيس السابق محمد حسني مبارك الي مستشفي ليمان بمزرع طره وكلف وزارة الداخليه بسرعة إستكمال التجهيزات الطبيه اللازمه به وأبلغ ذلك كتابةً للسيد وزير الداخليه كما أمر أن يُنقل الرئيس السابق الي أحد المستشفيات العسكريه لحين نقله الي مستشفي السجن . وأوضح المتحدث الرسمي بأن النائب العام كان قد تلقي من كبير الأطباء الشرعيين اليوم تقريرا عن تنفيذ ما كلفه به النائب العام بشأن معاينة مستشفي السجن لبيان مدي إمكانية نقل الرئيس السابق اليها لتنفيذ أمر الحبس الإحتياطي عليه وكذا الإنتقال الي مستشفي شرم الشيخ لتوقيع الكشف الطبي علي الرئيس السابق لبيان حالته الصحيه وإمكانية نقله الي مستشفي السجن علي ضوء حالته . وقد أفاد كبير الأطباء الشرعيين أفاد النائب العام بأن مستشفي سجن ليمان طره مازالت تحت الإنشاء وهي عباره عن غرفه خاليه غير مجهزة وأن الأجهزة الطبية الخاصه بالمستشفي مازالت في صناديقها ولم يتم تركيبها أو تشغيلها وأنها تحتاج لمده زمنيه قد تصل الي أكثر من شهر للتركيب وتجربة أجهزة المستشفي خاصةً غرفة الرعايه المركزه ، كما أثبت كبير الأطباء الشرعيين إنتقاله الي مستشفي سجن المزرعه بطره وتبين أنه يمكن أن يُستقبل أو أن تستقبل حالات الرعايه بشرط إستكمال تجهيزه ببعض الأدوات الطبيه التي اشار إليها بصلب تقريره ، كما أفاد كبير الأطباء الشرعيين أنه قد إنتقل صباح أمس السبت الي مستشفي شرم الشيخ ومعه بعض المتخصصين في الرعايه المركزه وأنه أرسل للنائب العام خطابا وأن النائب العام أرسال خطابا للسيد وزير الداخليه يبلغه فيه بإتخاذ إجراءات نقل الرئيس السابق محمد حسني مبارك لأحد المستشفيات العسكريه لتنفيذ أمر الحبس الإحتياطي بها مؤقتاً مع إتخاذ جميع الإجراءات الطبيه وملاحظة حالته وتوفير الرعاية الطبيه والعلاج وتعيين الحراسه اللازمة عليه لكونه محبوسا إحتياطيا وذلك لحين إستكمال التجهيزات الطبيه المطلوبه بمستشفي السجن بطره علي النحو الذي ورد بكتاب الطب الشرعي ونقل الرئيس السابق اليها وإخطار النيابه العامه بتنفيذ القرار . دا البيان اللي جاء لنا من مكتب السيد المستشار الدكتور عبد المجيد محمود النائب العام يعني لو حضراتكم سمحتوا لي هو فيه نقطتين مهمين إن القرار واضح بنقل الرئيس محمد حسن مبارك الي مستشفي الليمان بمزرعة طره وإن تقرير كبير الأطباء الشرعيين إن مستشفي المزرعه يمكن إستقبال الحاله بعد تجهيزها ببعض الأدوات الصحيه .. أكيد أنا هأستني مع حضراتكم لنشرة 9 عشان نشوف هذه التفاصيل وهذه التطورات والتعليقات عليها .. إسمحو لي أرجع تاني لموضوعنا ربما يكون موضوع أكثر أهميه لإنه متعلق بمستقبل مصر – بمستقبل ثلث مصر إللي إحنا يعني قواتنا المسلحه خلنا وإعمامنا وآبائنا ضحوا بدماء ذكيه جدا لخير هذه المنطقه .. أرحب مره ثانيه بالمهندس علي فريج والأستاذ إبراهيم سينجاب .. أ. علي سمعنا كلام اللواء عبد الوهاب مبروك محافظ شمال سيناء الراجل لسه مستلم بقاله 3 شهور هو شايف تحديات وشايف إن من أهم المسائل في إعاقة الإستثمار اللي داخل سيناء هو المسألة الأمنيه والمسألة الأمنيه دلوقت المسؤول عنها قبائل سيناء وشيوخ قبائل سيناء دا في وجهة نظري أنا م. علي فريج راشد : هو طبعا كلام سيادة المحافظ أكيد بإعتباره هو المسؤول الأول عن المحافظه راجل شايف الصوره واضحه وكل حاجه لكن عايز أقول بأمانه يعني إحنا دلوقت بعد ثورة 25 يناير لازم يبقي فيه شفافيه في الكلام ولازم نبقي واضحين إحنا عايزين نعالج مش عايزين نقول كله تمام يا فندم علي أساس إن إحنا الأمر يتصل بمستقبل مصر إحنا بنقول إنه المشروع القومي اللي توقف وكلنا عارفين إنه توقف ودا بتقرير الأجهزه الرقابيه المسؤوله زي ما قال الأستاذ إبراهيم لكن إحنا بنقول بقه مش هنبكي علي محمد موافى : علي اللبن المسكوب م. علي فريج راشد : آه إحنا عايزين نبص لقدام إحنا شايفين مسار الترعه الحالي أساسا خطأ ودا إهدار للمال العام ولو فيه حد يحاسب هيحاسب كل الناس اللي صمموا هذا الخطأ لإنه جيه في منطقه بيسموها سهل الطينه بيزرعوا فيها حوالي 400 ألف فدان هذه المنطقه مستوي الأرض فيها أقل من مستوي سطح البحر يعني سطح البحر صفر هي أقل من الصفر فإذن إنت لما بتمشي الميه الترعه في هذه المسافه كلها فبتسويها بأرض سابخه يعني كلها مياه مالحه مهما تعمل فيها تطهير ومهما الخطه كانت في المشروع القومي في إنه يعمل غسيل 5 سنوات لهذه الأرض ينقيها من مياه الأملاح اللي فيها نتيجة هذا تحولت هذه الأراضي من مزارع نزرع بقي الخوخ والا الطماطم والخضار الي مزارع سمكيه ويعتبر دا فشل للمشروع المستهدف إنه عايز يعمل تنميه سياحيه محمد موافى : يعني حضرتك دلوق جاي تقول لي بعد كل هذه السنوات وكل الكلام اللي إحنا إتكلمناه علي ترعة السلام فيها خطأ فني دا كلام مرعب م. علي فريج راشد : آه بإعتراف الأجهزه .. بإعتراف المسؤولين .. دا فيه ناس علماء كانوا إعترضوا علي هذا النشاط وعلي فكره أنا أقول لأستاذنا المسار الطبيعي اللي كان بيتكلم فيه زمان اللواء منير شاش اللي كان أساسا مصمم أيام الله يرحمه سيادة الرئيس أنور السادات .. إحنا أولا عندنا في سيناء 5 مليون فدان دلتا جديده صالحه للزراعه اللي هي تقع في منطقة وسط سيناء وديه من أجود تربه في العالم دا بإعتراف الدكتور فاروق الباز اللي قعد وحلل وقال لك أحسن تربه في العالم هي التربه ديه والتربه ديه عامله زي كف إيدك لا عايزه إصلاح ولا عايزه بتاع وكل ما ينقصها هي نقطة المياه – نقطة المياه كانت أساس المشروع إنه يخش من شرق الإسماعيليه من عند قرية ميت أبو الكوم الجديده اللي كان عملها السادات الله يرحمه بحيث المياه تمشي في شرق القناه لمسافة بس من حوالي 40 الي 50 كيلو ديه اللي محتاج إن أنا أرفع المياه من نقطة الصفر اللي هي سطح المياه سطح البحر الي اول إرتفاع المياه بعد كده من هذه المسافه الي شاطئ العريش الي مدينة العريش بطول 200 كيلو المياه سيادتك بتنزلق طبيعي لإن السيول كلها بتمشي من الجنوب الي الشمال بإنحدار فإذن أنا مجرد ما أرفع كل التكلفه عندي أرفع ال50 كيلو وبعدين المياه تمشي عندي وبعدين المياه بتمشي فيه – ماشيه في كل الأرض الصالحه للزراعه اللواء منير حاول وإحنا حاولنا وإتكلمنا وفي الأخر قال لك طيب إحنا هنعمل لكم زي بالظبط تفريعه إن نودي لكم المياه الي منطقة الشرو القاريه الحكومه رفضه مش قادره تعمل ليه لإنه مكلف للغايه إنت بترفع من صفر الي 120 محمد موافى : حضرتك بتقول لا نبكي علي اللبن المسكوب تمام .. أنا دلوقت بأتكلم في المستقبل في روشته علاج لسيناء .. أنا مازلت مصر علي سؤالي أول مشكله أمنيه والبعض يري أن قبائل سيناء هي المسؤوله عنها الآن الناس عايزه تطمن إن هي عايزه تروح سيناء م. علي فريج راشد : علي فكره اللي حمي سيناء طوال الزمن من 48 و67 و56 وما بعد 67 وأثناء الإحتلال هم قبائل سيناء محمد موافى : دا علي عيني وعلي راسي دا معروف أنا بأتكلم في دلوقت م. علي فريج راشد : لأ الإنفلات الأمني اللي موجود الآن هو موجود في سيناء وموجود في القاهره وموجود في الشرقيه وموجود في الصعيد دا إنفلات موجود نتيجة قله بتطلع لكن أنا بأتكلم علي شعب أنا بأتكلم دلوقت ما آخذش خطأ واحد محمد موافى :يا باشمهندس القله .. يعني يا أستاذ إبراهيم القله ممكن تأثر علي المشهد العام لما أسمع إن فيه مصنع اسمنت الناس واقفين علي بابه مش عايزين عمال يخشوا ما هو ده إستثمار ولا إحنا إشترينا الأرض من جدودكوا وجددودنا الله يرحمهم تدفع لنا ثاني المسأله كده ده اللي بنسمعه أليست المشكله الأمنيه المسؤول عنها الآن هو القبائل ؟ المسؤول عن حلها الآن هم القبائل ؟ أ. إبراهيم سينجاب: آه المسؤول عنها القبائل وفيه حلول مطروحه وهأقول لحضرتك عليها أولا بالنسبة لمسار ترعة السلام وترعة السلام والقصه ديه لازم نبكي علي اللبن المسكوب لا نبكي لأ هنبكي بالدمع عشان الوقت ولها قصه في مجال آخر محمد موافى :إنتوا وجعتوني بما فيه الكفايه بالذات ترعة السلام إن أنا أسمع ترعة السلام ديه كلها أ. إبراهيم سينجاب: لأ دا إنت بتجيب مياه عذبه من النيل وصرف زراعي بنسبة 1 الي 1 بتعديها علي سهل الطينه يبقي إنت جبت 3 أضعاف ملوحة البحر يعني حتي اليوم اللي بتروح فيه للزرع يتحرق غير 7 محطات رفع لما بتعطل كل الزراعه بتتحرق علي كل الأحوال نتدخل في الموضوع الأمني – الموضوع الأمني بسرعه جدا اللي تسبب في الموضوع الأمني حهاز الإداره المصري محمد موافى : الله يرحمه أ. إبراهيم سينجاب: لأ مش الله يرحمه محمد موافى : خلص بقه .. خلص إحنا في بدايه جديده أ. إبراهيم سينجاب: لأ مش الحكومات جهاز الإداره اللي راح سيناء .. جهاز الإداره اللي راح سيناء تعامل – القبائل فيها طباع تحترم الشيخ فكان الشاب أو المواطن يرتكب مشكله اللي كان عنده المشكله يرجع لشيخه فهو كده ضمن حقه علي كل الأحوال حصل بعد كده إن تم تعيين الشيوخ يقي فيه حاجه إسمها شيخ طبيعي وشيخ حكومي – الشيخ الطبيعى محترم في مكانه الشيخ الحكومي طبعا فيهم ناس محترمين جدا لكن المواطن شافه بيتهان في القسم بيروح يجيب سجاير عسكري بيروح يمضى علي طلب في مجلس المدينه يبعتوه مشوار فبقى المواطن محتار في شيخه فبقي فيه شيخين إنت اللي ضربت وحدة القبيله إنت كجهاز إداره ضربت وحدة القبيله محمد موافى : برضه القبيله لازم تندمج في قلب قانون عام للدوله دا كلام بتقال أ. إبراهيم سينجاب: ماشي القبيله ما كنش عندها مشكله أصلا كانت حله مشاكلها بنفسها في القضاء في النزاعات في الأرض في ضرب نار ما كنش عندهم أي مشاكل كل قبيله بتحترم طباع القبيله الثانيه وبيقعدوا وبيخلصوا حقهم إنت جبت شيخ حكومي فبقي أقل قيمه من الشيخ الطبيعي اللي هم متعودين عليه فهنا خلقت مشكله تسببت في حمل السلاح م. علي فريج راشد : بس أنا عايز أقول حاجه بعد 25 يناير مين اللي حمي المؤسسات ومين حمي المباني الحكوميه هو اللجان الشعبيه اللي من القبائل .. هأقول لك حاجه جنوبسيناء كل الشرطه اللي موجوده في أقسامها موجوده في نقاطها ما حدش .. واللي حواليها وإلتف حواليها وإحتضنها القبائل العربيه محمد موافى : بس ما حصل هجوم برضه علس الشرطه م. علي فريج راشد : ما علهش ما تأخذش الواقعه وتعممها محمد موافى : أنا ما بأعممش بس طبيعة الإعلام طبيعة الخبر بييجي علي الحاجه السيئه وبيعممها م. علي فريج راشد : معلهش للأسف هو ديه مشكلتنا إحنا - مشكلتنا الإعلام – علي فكره إحنا بقالنا 30 سنه مشكلتنا الإعلام – الإعلام هو اللي بيوجه الناس خطأ وبيكرر حاجات للأسف إنها تسيئ للمنظومه كلها وتسيئ لشعب سيناء تمه لكن عايز أقول حاجه .. أنا معاك إنه إحنا بنطالب نقول للقبائل العربيه اللي موجوده في سيناء إدوها دورها والكلام ده قلناه للقوات المسلحه وقلناه لكل الناس قلنا يا إخوانا إدوا الناس – إنت عارف القبائل ديه فيه مناطق نفوذ القبيله ديه موجوده وديه قبيله حملوا الناس مسؤوليتها وقول إنت مسؤول عن القطاع ده وإنت مسؤول عن القطاع ده والناس بمجرد ما تحملهم المسؤولية تقوم لكن إنت النهارده مغيبهم والنهارده إنت بتطاردهم محمد موافى : ما خلاص الكلام ده كله وقف بقي م. علي فريج راشد : معلهش ما إحنا بنقول عايزين نبدأ مرحله جديده محمد موافى : بس هنفكر المشاهدين يمكن المشاهدين اللي إنضموا لنا دلوقت هذا البيان من مكتب السيد النائب العام " أعلن المتحدث الرسمي للنيابه العامه أن المستشار الدكتور عبد المجيد محمود النائب العام أمر بنقل الرئيس السابق محمد حسني مبارك الي مستشفي ليمان بمزرع طره وكلف وزارة الداخليه بسرعة إستكمال التجهيزات الطبيه اللازمه به وأبلغ ذلك كتابةً للسيد وزير الداخليه كما أمر أن يُنقل الرئيس السابق الي أحد المستشفيات العسكريه لحين نقله الي مستشفي السجن . وأوضح المتحدث الرسمي بأن النائب العام كان قد تلقي من كبير الأطباء الشرعيين اليوم تقريرا عن تنفيذ ما كلفه به النائب العام بشأن معاينة مستشفي السجن لبيان مدي إمكانية نقل الرئيس السابق اليها لتنفيذ أمر الحبس الإحتياطي عليه وكذا الإنتقال الي مستشفي شرم الشيخ لتوقيع الكشف الطبي علي الرئيس السابق لبيان حالته الصحيه وإمكانية نقله الي مستشفي السجن علي ضوء حالته . وقد أفاد كبير الأطباء الشرعيين أفاد النائب العام بأن مستشفي سجن ليمان طره مازالت تحت الإنشاء وهي عباره عن غرفه خاليه غير مجهزة وأن الأجهزة الطبية الخاصه بالمستشفي مازالت في صناديقها ولم يتم تركيبها أو تشغيلها وأنها تحتاج لمده زمنيه قد تصل الي أكثر من شهر للتركيب وتجربة أجهزة المستشفي خاصةً غرفة الرعايه المركزه ، كما أثبت كبير الأطباء الشرعيين إنتقاله الي مستشفي سجن المزرعه بطره وتبين أنه يمكن أن يُستقبل أو أن تستقبل حالات الرعايه بشرط إستكمال تجهيزه ببعض الأدوات الطبيه التي اشار إليها بصلب تقريره ، كما أفاد كبير الأطباء الشرعيين أنه قد إنتقل صباح أمس السبت الي مستشفي شرم الشيخ ومعه بعض المتخصصين في الرعايه المركزه " وطبعا مزيد من التفاصيل هيبقي في نشرة 9 بعد أقل من 6 دقائق من الآن – نرجع ثاني لمناقشة مستقبل سيناء معانا علي الهاتف الدكتور سامي عامر عميد كلية التخطيط العمراني الأسبق مساء الخير يا فندم د .سامي عامر : السلام عليكم محمد موافى : دكتور بإختصار شديد أرجوك يعني حدثت أخطاء فنيه في مشاريع مهمه جدا في سيناء كيف تري التخطيط الأمثل أو ما هي ملامح المشروع الأمثل الآن بعد ثورة 25 يناير ؟ د .سامي عامر : هو حضرتك كنا جبنا سيرة وإحنا بنتكلم في حديث النهارده في صباح الخير يا مصر إن المشروعات اللي تمت في شبه جزيرة سيناء لم تأخذ في إعتبارها مصالح المجتمع المحلي في مجالات الزراعه والصناعه والسياحه وما الي ذلك فدلوقت أنا شيف إن لو إحنا عايزين تنمية شبه جزيرة سيناء تتم بشكل جيد وبشكل فيه حيويه ونشط يعني أنا شايف إن إحنا نعتبر سيناء علي إنها طرف في الجسم المصري علي إنها منطقه حدوديه مليانه مشاكل أمن والكلام ده كله وبالتالي أنا يمكن من خلال برنامج حضرتك بأطالي إن يحصل فيه ونعود مره أخري ونتابع مشروع الكوبري اللي بيربط شبه جزيرة سيناء بالمملكه العربيه السعوديه بحيث إن هو يبقي معبر جيد لحركة التجاره والقوافل والحج وما الي ذلك وده هيدي تأثير جيد جدا علي تنشيط شبه جزيرة سيناء من زاويه ثانيه مناطق الإستصلاح اللي هي حول ترعة السلام المطلوب إعادة النظر في تخصيص بعض الأراضي لسكان شبه جزيرة سيناء بحيث يحقق الإنتماء محمد موافى : ودا اللي وعد به النهارده الدكتور عصام شرف د .سامي عامر : يعني هو فعلا ديه أخبار كويسه في الحقيقه وديه في الحقيقه مطالب تؤدي الي مستوي جيد في التنميه بالنسبة لشبه جزيرة سيناء الي جانب بقه بعض المشروعات اللي هي مناسبة لسكان سيناء زي المناجم محمد موافى : الطبيعه المعروفه لها من آلاف السنين د .سامي عامر : آه هي طبعا ليها دور محمد موافى : شكرا أنا نفسي أكمل مع حضرتك بس أنا آسف جدا لضيق الوقت الدكتور سامي عامر عميد كلية التخطيط والعمران الأسبق شكرا جزيلا .. أ. إبراهيم الدكتور سامي قال نقطتين مهمين الكوبري اللي بيربط مصر بالسعوديه هي مسأله كانت مطروحه كتير وكان هناك همسات إن إحنا اللي مؤسسين المشروع والنقطه الثانيه تخصيص الأراضي لأهالي سيناء .. رئيس الوزراء وعد بذلك هل تعتقد أن مثل هذا القرار بالفعل يمكن أن يمثل مستقبل جديد لسيناء أ. إبراهيم سينجاب:مستقبل سيناء مطروح وحلول فوريه والدكتور عصام شرف أخذ علي نفسه عهد لازم يلتزم به المره ديه لأن أهالي سيناء أتكوم من كل الوزراء اللي راحو لهم محمد موافى : الله شايفين الدكتور عصام إن هو من ساعة ما مسك الوزاره كل ما بيقول كلمه بينفذها م. أ. إبراهيم سينجاب:آه لازم يلتزم مع أهل سيناء لإن هم كفايه كده تعبوا من الوعود السابقه كل اللي بيروح هناك بيعجب بالإستثمارات ويعجب بإمكانيات سيناء وبيعجب – ويعجب – وبيدي قرارات فوريه وبيكون صادق بيرجع هنا يعاقب إنه كان صادق .. أنا عايز بسرعه أرجع بشكل سريع جدا في دقيقه واحده فيه فوضي سلاح في سيناء أيوه فيه فوضي سلاح في سيناء دا كلام نهائي فيه إنعدام أمن فيه إنعدام أمن لأسباب داخليه وأسباب مرتبطه بالمحتل وأهلنا الفلسطينيين في غزه – فيه فوضي سلاح فعلا ولن يحل هذه المشكله إلا القوات المسلحه المصريه وهي اللي الشعب هناك بيثق فيها زي ما هي بتثق فيهم وكان بينهم أدوار بطوليه متبادله خاصةً أثناء حرب الإستنزاف أنا عايز أقول الحلول السريعه اللي تلحق أولا التعامل مع سيناء كتله واحده شمال ووسط وجنوب سياحه صناعه وتعدين زراعه أدي واحد "2" الميه والأمن فورا وديه إن شاء الله علي عاتق القوات المسلحه ونثق فيها .. الإستثمار يكون يرعايه حكوميه سيبك من مسألة القطاع الخاص ممكن تبقي ممكن تبقي شركات مشتركه بين الحكومه والقطاع الخاص .. فيه فكره سريعه جدا عودة الحرس الوطني وديه يبقي ليها شرح المواطنين في أماكنهم ينتموا لجهاز أمني يعملوا علي حماية الأماكن اللي هم فيها والأستاذ علي يكلم محمد موافى : أنا عايز كلمه سريعه نختم بها من المهندس علي فريج م. علي فريج راشد : أنا والله بس عايز أركز علي 3 حاجات مهمه جدا أولا مشكلة البطاله هناك هي أم المشاكل عندنا ويمكن إذا كان سيادتك تتكلم علي إنفلات أمني فبرضه سببه البطاله لإنه فعلا إحنا ما فيش من أول ما دخلنا سيناء لغاية النهارده كانت الدوله الأول قبل كده كانت ملتزمه بتعيين الخريجين إحنا رجعنا سيناء في 82 كانت الدوله بقه أوقفت هذا الإلتزام فأصبح ما فيش مجال فإحنا عايزين أولا نعين – والدوله ديه مسؤليتها فعلا إحنا الأعداد مش كبيره يعني أولا فيه مشكله إن إحنا نعين جميع الخريجين دا واحد محمد موافى : حل مشكلة البطاله م. علي فريج راشد : 2 ندي أولويه لأبناء سيناء لأ مسابقات الشركات اللي بتنتقل هناك ما يبقاش واخده موظفيها معاها يبقي لأ ندي فرصه لأبناء سيناء هم يتعينوا "4" إن المواقع القياديه اللي موجوده في المحافظه زي المديرين ما ندي فرصه لأبناء سيناء إنه يتولوا مواقعهم إسوةً بباقي المحافظات – مدير سكرتير عام سكرتير مساعد وكان معمول به النقطه الأخري اللي عايز أتكلم فيها سيادتك إحنا عايزين زي ما قالك لك إبراهيم نرجع هيبة الشيخ – الشيخ هو رأس القبيله . محمد موافى : شكرا جزيلا هيبة الشيخ علي رأسنا من فوق م. علي فريج راشد : لازم شيخنا ندي له الحصانه .. الحصانه .. الحصانه محمد موافى : المهندس / علي فريج راشد وكيل مؤسس الحزب العربي للعداله شكرا جزيلا .. الحصانه الكاتب الصحفي إبراهيم سينجاب شكرا جزيلا نورتونا مباشرةً الي نشرة التاسعه وربما تفاصيل أكثر عن بيان مكتب النائب العام دمتم في رعاية الله .
