عبد اللطيف المناوي: السيدات والسادة اهلا بكم من مقر انعقاد المؤتمر السنوي السابع للحزب الوطني هذا المؤتمر الذي يناقش فيه الحزب وقياداته واعضاؤه البرنامج الانتخابي الذي على اساسه فاز الحزب الانتخابات الماضية ، اليوم سوف نجري العديد من اللقاءات حول الموضوعات المهمة والموضوعات المطروحة بشكل رئيسي على اجندة الحزب وبالتالي على اجندة الحكومة وذلك في اطار السنوات الخمسة القادمة من ضمن الموضوعات المطروحة على مؤتمر الحزب السنوي السابع هذا العام يمكن القول انه من اهم الموضوعات المطروحة على الاجندة المصرية هذا العام في هذه المرحلة هي تلك الاجندة المرتبطة بالاصلاح الاقتصادي والاجندة المرتبطة بالتشغيل والاستثمار تلك الاجندة التي تعتمد في الاساس على دفع هذا الوطن امام العديد من الموضوعات طرحت في هذا المؤتمر والعديد ايضا من هذه الموضوعات مطروحة على ساحة الحوار العام يسعدني ان يكون معي اليوم دكتور يوسف بطرس غالي وزير المالية للنقاش حول القضايا المطروحة في هذه الموضوعات وابدا معك دكتور يوسف من الواضح ان هناك حالة من حالات الطموح التي يبدو وكأنها حالة طموح كبيرة ويبقى السؤال المهم هل هذه الحالة من الطموح الكبير لتحقيق تلك الانجازات المهمة على الارض هل تمتلك منصر في ظل الاوضاع الاقتصادية الحالية المقدرة على تحقيق هذه د/يوسف بطرس غالي: شوف الطموح دا جاي من اننا اللي انا هقوله هعمله عملته قبل كده يعني انت راكب عربية وبتقول انا هوصل بسرعة 200 كيلو في الساعة من سنتين وصلت انتى بسرعة 200 كيلو في الساعة احنا قبل ما تحصل الازمة العالمية كان اقتصادنا بينمو 7.2 انتا جبت السبعة ليس عليا الا ان انا ارجع الحاجة زي ما كانت اللي وقع اللي خلاني نزلت 4.7 ثم 5.5 دلوقت املنا السنادي بقى 6 عاوز ارجع احط نفسي في نفس المكان اللي انا كنت فيه بحيث لما يبتدوا يصرفوا تاني يصرفوا عندي عبد اللطيف المناوي: هل النسبة اللي تم تحقيقها واقتربت من 7% واقتربت لحوالي 7.5% في مرحلة مالمراحل هي تعبير عن حالة نمو حقيقية ان انها حالة نمو مرتبطة بمجموعة من الظروف الغير مستمرة هل هي نمو حقيقي بالتالي يمكن الحساب عليه د/يوسف بطرس غالي: مكانش فيه حالة غير مستمرة حصلت الاستثمارات طلعت من 2 مليار ل7 ل 13 تدريجي سريع لكن تدريجي محصلش حاجة في البلد بتستدعي انه فجاة يعني مش فجاة اكتشفنا بترول دي ناس شافت انه القائمين على ادارة الاقتصاد جادين بيستخدموا الاساليب المعروفة في العالم طبقوا قوانين معروفة في العالم ما الفوش بقى قانون من عندهم قانون ضرايب عامل ازاي وقانون جمارك عامل ازاي ..لا ..اللي عندكم عندنا المستثمر اللي عندنا بيروح تشيكوسلوفاكيا بيروح جمهورية التشيك بيروح هولندا بيروح فرنسا بيروح انجلترا هو نفس القانون اللي موجود هنا طبعا احنا بتاعنا احسن من فرنسا ، وزيرة المالية الفرنسية قالت لي انا نفسي اقدر اعمل قانون ضرايب زي اللي انت لانه ورا كل ضريبة واقف بلاوي عندهم احنا قدرنا نسيطر عليه وقدرنا وشلنا كل الاعفاءات وخفضنا السعر عبد اللطيف المناوي: ودا بيعني ان احنا مستمرين في هذا القانون د/يوسف بطرس غالي: وبنحسن فيه عبد اللطيف المناوي: تحسين في أي تجاه د/يوسف بطرس غالي: يعني فيه حالات ادارية لقينا انها منفسة شوية جرمنا مسالة عدم اصدار فواتير لانه لقينا الناس انها مصرة على عدم اصدار فواتير طيب هتبقى متهرب لو ما طلعتش فواتير ، حتة بقى ان احنا نرجع للضريبة التصاعدية قبل القانون دا طيب ماكان ضريبة تصاعدية كانت بتطلع من 5 ل42 ما تجيبش حاجة نزلناها ل20 تضاعفت 3 مرات فارجع بقى للتصاعدية تاني ما ينفعش وبعدين كل دول شرق اوربا 22 دولة خرجوا من النظام الاشتراكي دول بقى مهم فيه العدالة الاجتماعية وكلنا زي بعض وكل قوانينهم زي القانون دا ، دا بل بالعكس دا فيه بعض القوانين اعلى ضريبة 15 ن ايرلندا عملت تعديل ضريبي راحت منزلة الضريبة من 35 لا12 النهاردة في عز الازمة قالوا لهم ادفعوا ال12 دي هتفطسوا قالك نرفع أي حاجة تانية غير دي وراح رافع ضريبة المبيعات رفعها من 17 ل22 .. فاحنا حطينا القاعدة لكونا ناس جادين وبنعمل اللي معروف في العالم وبنستخدم الاساليب اللي معروفة في العلم منضبطين في الموازنة ، عجز الموازنة لحد الموازنة اللي فاتت كانت بتقل كل سنة ب1% ، الدين العام نزل من 120 ل 80 فقالك دي ناس جادة وماشية في الطريق الصح ممكن احط فلوسي حط فلوسه حصل مصيبة ممكن فلوسه راحت مش هحط حاجة بالرغم من هذا جبنا 5 مليار عبد اللطيف المناوي: الاستثمار الاجنبي في مصر قد ايه تقريبا ؟ د/يوسف بطرس غالي: احنا عاوزين نوصل ل12% تقريبا من حجم الدعم عبد اللطيف المناوي: اللي هو يوازي .... د/يوسف بطرس غالي: اللي هو تقريبا 1.3 بليون فيعني نقول من 12 ل15 مليار في السنة وعلى اخر ال5 سنين لو اوصل ل20 مليار في السنة عبد اللطيف المناوي: مستهدف ان احنا في ال5 سنين نوصل ل20 مليار ،/ طيب انا عايز بشكل مبسط وموجز كده تشرح لسادة المشاهدين معنيين بايه 5 مليار او 15 مليار او 20 ملبيار دا يعني ايه في ملف اخر مرتبط مثلا بمسألة التشغيل د/يوسف بطرس غالي: احنا لما بنبيع سلعة بنشغل حد ، السلعة دي لما بتتباع بتجيب دخل الدخل بيروح للعامل اللي انتجه طيب دلوقت انا لو قفلت على نفسي وجبت كل السلع اللي المصريين بيستهلكوها وقلت كلها موجودة وسيبك من برة كل السلع والخدمات اللي بيستهلكها المصريين ما تطفيش انها تشغل المصريين اللي بيدورا على شغل ، النقطة التانية لما اجي استثمر وانتج سلع عاوزة فلوس الفلوس دي عاوزة مدخرات انما دخلي قليل المدخرات بتبقى نسبة من دخلي الفلوس دي مش هتكفي اعمل ايه اجيب واحد من برة يجي بفلوسه يحط المصنع يبتدي يشغل يدع لهم اجر لانه السلع دي يا هيصدرها يا هينتجها محلي العالم بيرجه يصرفه تاني فبيشغل مصنع تاني المصنع التاني بيعين عامل تاني بياخد اجر فبتخش في منظومة انك بتبني على نفسك كا ماقدرت افتح مصانع زيادة كل ماقدرت ان انا اشغل ناس زيادة فدا الاساس ان انا فلوسي لوحدي ما تكفيش ان انا اشغل كل المصريين عبد اللطيف المناوي: الفلوس المخصصة للمستثمرين المحليين غير قادرة على انها .. د/يوسف بطرس غالي: ما تقدرش انها تشغل كل المصريين لازم اجيب حد من برة يصدر عبد اللطيف المناوي: ودا مش مبني على قاعدة قانونية جيدة وبنية اساسية جيدة وادارة؟ د/يوسف بطرس غالي: ادارة جيدة للاقتصاد ما تبقاش مجنون تقعد تغير وتطلع قوانين كده مالهاش اساس وتغير في ضرايب وتغير في جمرك لا عبد اللطيف المناوي: اشار الرئيس في كلمته امام المؤتمر الى فكرة تطوير الحزمةالتشريعية لمكواكبة التطور في رأيك دكتور غالي ايه اللي ينقصنا في حزمة والتشريعات اللي ممكن انها تزيد من مصر في التعامل الاقتصادي د/يوسف بطرس غالي: عدلنا جزء منها فيه جزء ناقص سرعة تأسيس لسرعة تحويل من مالك لمالك لمالك واحد اختار سلعة ما نجحتش لازم يبقى عنده تشريع يسمح له انه يصفي الشركة او تعثر سلعته كويسة لكن تعتثر على سبيل المثال فيه شركات كتيرة قوي شركات العربيات في امريكا جت الازمة قضيتها تعثروا لحقوهم ساندوهم اعلنوا افلاس راحوا فرض على كل الدائنين بتوعهم انهم يلاقوا حل دلوقت زي الجن معندناش احنا قوانين ، كل القوانين الخاصة بالتجارة الداخلية انك تفتح محل تاخد رخصة بيع والى اخره وبيبقى عندك حماية ويبقى معروف انت منتجاتك جاية منين بتبيعها ازاي وتواريخ الصلاحية كل الكلام دا القوانين اللي عندنا من سنة 45 قديمة اول ما تتحدث هتلاقي الناس دخلت لك عبد اللطيف المناوي: طب ايه الاولوية وخطة ال5 سنوات في برنامج الحزب ايه هي مشروعات القوانين المقترحة في مجال إطار التجارة والتشغيل والاستثمار د/يوسف بطرس غالي: فيه نسبة كبيرة المشاريع الخاصة بقوانين الاستثمار المشروعات الخاصة بتطوير هيئة سوق المال لانه هنبتدي ندخل ادوات جديدة ، القوانين الخاصة بتداول السلع في الداخل والتجارة الداخلية القوانين الخاصة بتأسيس المحال والاماكن التجارية والقوانين الخاصة بادارة المخازن العامة قوانين كتيرة طبعا في المجال المالي عايزين نطلع قانون للاجراءات الضريبية تبقى نفس القوانين بالنسبة لكل قوانين الضرايب الجمارك مبيعات بتاع كله زي بعضه عبد اللطيف المناوي: من الواضح ان احد العبارات التي ترددت كثيرا هي فكرة فساد الادارة في تقديرك ايه هي المناطق اللي بتحتاج قدر من التشدد وقدر من اعادة الضبط فيها د/يوسف بطرس غالي: شوف انت بتسأل عن ايه هي التشريعات اللي لازم اغيرها أي تشريع بيترك القرار لحكم فردي بيفتح الباب للفساد أي تشريع يحط القرار لمعايير موضوعية ممكن نتحقق منها كلنا يقضي على الفساد فعندنا تشريعات كتيرة سايبينها لحكم فردي ، كان فيه قاعدة بتقول البرطمان الازاز لو انت جايبه تحط فيه مواد غذائية الجمرك عليه 5 جنيه لو انت جايبه عشان تحط فيه أي حاجة تانية اسمدة بوية بنزين الضريبة عليه 40% نفس البرطمان مين اللي هيقرر بتاع الجمرك النتيجة خد يا بابا قرشين تحت الترابيزة يبقى كله مواد غذائية فلغينا دي قلنا البرطمان مش مهم يخش فيه ايه 10% ال5 طلعت شوية وال40 نزلت شوية ، دي بقى لازم تتعمل في أي حاجة في اتاحة الرخص واتاحة التصاريح دي من ضمن الحاجات الشفافية مثلا كل ما زودت الشفافية بيقل الفساد عبد اللطيف المناوي: احد الموضوعات المهمة هي مسألة امتداد التامين الصحي لمظلة التأمين واحد اهم الموضوعات اين وصلتم في هذا بالتحديد د/يوسف بطرس غالي: احنا عاوزين انه المنظومة تبقى متوازنة بمعنى انه أي واحد يتأمن عليه يدفع حصته واشتراكه النظام ماشي دلوقت فيه ناس هيدفعوا فيه 30 انا هدفع لازم اضمن ان انا دفعت والتانيين دفعوا النظام يظل متوازن لانه لو خرم هيقع طبعا مش هيخرم بكرة ولا كمان سنة ولا اتنين ولا تلاتة بعد 5 سنين تلاقيهم مش قادرين يدولك الخدمة اللي بيقولولك عليها يقع السيستم ، احنا لو كنا ناس عايزين المكسب السريع كنا رحنا وهنبقي.. وامجاد ياعرب لكن بعد 5 سنين هتهيص الدنيا الخدمة كلها مظبوطة وهتهيص الدنيا فاحنا اللي خلانا اتاخرنا انه احنا شاكين انه طول ما السيستم مش متوازن مش هنعلنه لما اضمن انه بعد 5 سنين اللي هير دي النهاردة هديه بعد 5 سنسن هخش عبد اللطيف المناوي: طيب وصلنا لفين في هذا الموضوع د/يوسف بطرس غالي: خلاص بقى فاضل فجوة بسيطة السيستم دا هيتكلف 7 مليار جنيه في السنة الواحدة عبد اللطيف المناوي: الدولة هتتحمل منه 30% د/يوسف بطرس غالي: والمواطن هيتحمل 70% من ال17 وهيخلي اللي بيصرفه على علاج نفسه يقل النص لانه النهاردة لما بيروح يتعالج برة عند دكاترة ومستشفيات خاصة بيدفع 3 اضعاف لما هيجيني انا بعد رفع مستوى المستشفيات بعد رفع الخدمة كل دا هبقى برضه ارخص من القطاع الخاص وبالتالي هيدفع لي اشتراك هقدر بنص اللي بيصرفه على صحته النهاردة اديله نفس الخدمة عبد اللطيف المناوي: نفس خدمة القطاع الخاص انت عارف المصريين الفكرة دايما دا حكومة ودا خاص د/يوسف بطرس غالي: واخدين في الاعتبار جودة الخدمة الى 75% من جودتها من القطاع الخاص طبعا هيمشي معاها الجودة الممرضة هتاخد اكتر والدكتور هياخد اكتر المستشفى انضف هوصله لنفس خدمة القطاع الخاص دا هيتكلف 17 مليار القسط اللي هيدفعه هيمثل نص اللي بيدفعها النهاردة في نفس العلاج عبد اللطيف المناوي: هل هيكون فيه علاقة متوازية بين دخله وبين المشاركة؟ د/يوسف بطرس غالي: هي نسبة يمكن نحط اضافة صغيرة بالنسبة للدخول الكبيرة لكنه هي نسبة ثابتة 4 او 5% من المرتب عبد اللطيف المناوي: احد الموضوعات المطروحة مظلة التامنين الاجدتماعي احنا وصلنا فين لدا؟ مسألة تمويل هذا المشروع د/يوسف بطرس غالي: دا مش محتاج تانين اللي بيخش هو اللي بيدفع والنقطة التانية انه هيبتدي تطبيقه من 1/1/2012 وهيشمل كل الجداد اللي داخلين في سوق العمل ، القدام متغطيين بالقانون القديم ، القانون الجديد انت بتحط فلوس والفلوس بتتحط باسمك انت شخصيا يعين هيبقى فيه حساب باسم عبد اللطيف حساب باسم يوسف الفلوس اللي هتحطها هتخش في حسابك العائد اللي هتجيبه الفلوس دي هتخش في حسابك وانت خارجح هتاخد كل الفلوس دي في شكل معاش يغطيك لمدة 17 سنة بعد سن ال60 لو عشت اكتر المعاش ماشي معاك الحسابات الاكتوارية النهاردة بتقمول ان المواطن المصري المنتوسط نه بيعيش 17 سنة بعد سن ال60 عبد اللطيف المناوي: احد التزامات الحكومة هي مسألة ان يكون لكل مواطن مصري معاش ودا التزام وتم تنفيذه من 1/1 د/يوسف بطرس غالي: اه لو عنده دخل تاني وبيقل عن 333 انا هكمله واحط له جزء من المعاش عبد اللطيف المناوي: ودا الحساب على اساس فردي بمعنى كل فرد .. ذكرت دكتور غالي ان المستهدف للحكومة في ال5 سنوات القادمة للتطبيق هيحتاج تكلفة تصل الى 2 تريليون هل الاقتصاد المصري يستحمل؟ د/يوسف بطرس غالي: انا هجيب منهم 40% عبد اللطيف المناوي: ازاي؟ د/يوسف بطرس غالي: من ضرائب وايرادات وغيرها والباقي جاي من القطاع الخاص ، القطاع الخاص هيستثمر لما شايف الاستثمارات بتنمو وضخم والناس دي لما هتشتغل وتصرف هتدفع ضرائب الضرائب دي هنصرفها في تعليم في صحة عبد اللطيف المناوي: هناك نقطة مقلقة انه احد ال40% اللي هتدبرها هيكون جزء منها من الضرائب السؤال هو هل دا بيعني انه احد الاتجاهات الموجودة اضافت اعباء ضريبية جديدة على المصريين د/يوسف بطرس غالي: انا باخد 20% فيه 4 شركات كل واحدة بتربح 25 فيعني 100 مليون ارباح عشر شركات كل واحدة بتربح 25 يبقى 100 مليون فلمجرد ان الوعاء كبر انا باخد اكبر عبد اللطيف المناوي يعني الضريبة دون اعباء ضريبية جديدة .. من الموضوعات المطروحة بشدة مسألة التعليم والتعليم بيحتاج الى تمويل عالي د/يوسف بطرس غالي: هي عايزة منظومة مش تمويل، التمويل سهل عاوزة جهاز لاعتماد جودة العملية التعليمية لاعتماد المدارس عبد اللطيف المناوي: يعني لو خدنا قرار النهاردة بان نضع التعليم في اولويات الاهتمام د/يوسف بطرس غالي: احنا معندناش مشكلة المشكلة في الفكر لكن عاوز الف مدرسة احط لك الف مدرسة لكن هتحط فيها مين والمدرس دا هتعمله ازاي عبد اللطيف المناوي: هل دخلت انت شخصيا في الحوارات حول مسألة تطوير التعليم؟ د/يوسف بطرس غالي: لا الحقيقة انا دخلت في البنية الاساسية بتاعة التعليم مدارس جامعات الى اخره عبد اللطيف المناوي: لكن انت في تقديرك تمويل تطوير العملية التعليمية مش هي المشكلة من الممكن تمويلها د/يوسف بطرس غالي: المشكلة الفكر عبد اللطيف المناوي: سؤال اخير هل بتعتقد اننا كمصريين نملك من المقومات ما يجعلنا نشعر بالامل د/يوسف بطرس غالي: انا مش شايف أي حاجة تستدعي التشاؤم الازمة اللي حصلت في الاقتصاد العالمي احنا طلعنا منها ، بلاوي حصلت في اسعار السلع والاسواق العالمية اثرت علينا اه بس بطريقة محدودة احنا النهاردة بريطانيا لغت مجانية التعليم ، اليونان خفضت الاجور خفضت المعاشات 20% وسرحت 40 الف واحد ايرلندا، بترفع ضريبة المبيعات من 17 ل22 كل دول على ركبهم احنا مفيش حجة من دول لسه الاجور بتزيد لسه المعاشات بتزيد استثمار ماشي مفيش مشكلة الجهاز المصرفي بتاعنا واقف وشغال دا كوننا احنا لسه واقفين على رجلنا دي لوحدها مدعاة للتفاؤل عبد اللطيف المناوي: احد المحاور المهمة في سياسة الدولة وبرنامج الرئيس هي محاربة الفقر ومساعدة ذوي الفئات الاكثر احتياجا هل هذا التوجه بيعد عبء على الموازنة عبء على المجتمع طب ايه اللي بيمكن ان يتحول الى عبء اضافي على الاقتصاد وليس اضافة للاقتصاد د/يوسف بطرس غالي: كل المنظومة دي عشان محدود الدخل الباقي بيسلك نفسه دا كله عشان محدود الدخل وكل ما قدرت اخرج واحد احطه في الطبقة المتوسطة خلاص مشي لوحده فاحنا هدفنا ان احنا نخفض الفقر احنا عندنا نسبة فقر النهاردة تقريبا 18 % من الشعب المصري تحت خط الفقر عاوز اخفضها ل9 او 10 عبد اللطيف المناوي: دكتور يوسف بطرس غالي وزير المالية شكرا جزيلا لك السيدات والسادة شكرا لكم ونلتقي بعد الفاصل فاصل عبد اللطيف المناوي: السيدات والسادة اهلا بكم احد الموضوعات المطروحة على اجندة الحزب هو الموضوع الخاص بالتعليم وقد يبدو ان هناك ادراك يقيني بانه لا تقدم لهذه الامة الا بوضع سياسة تعليمية حتى يكون هذا الوطن في وضعه يتلائم معه تاريخ مصر يسعدني ان يكون معي اليوم دكتور حسام بدراوي استاذ الطب في الاساس وعضو الامانة العامة للحزب وقبل ذلك هو احد المهتمين بموضوع التعليم استاذ حسام الى أي مدى الوضع ملائم لوضع هذا الهدف كأولوية اولى لهذا المجتمع هل تعتقد اننا نمتلك الامكانيات ، الارادة السياسية الارادة المجتمعية د/حسام بدراوي: بالقطع نملك ذلك احنا خلاص انتهينا من الاستراتيجيات والسياسة وتطبيق هذه السياسات في التعليم وفي الصحة وفي امور كثيرة جدا الحزب انتهى من ذلك المرحلة الجاية هيبقى عندنا استراتيجيات متفق عليها واهداف وبرامج محددة المدة توفر لها التمويل يجب ان نطبقها التحدي هو في تطبيق هذه السياسات ودا عبء على اكتاف الحكومة بس لازم نساندها فيها كمجتمع عبد اللطيف المناوي: هل يمكن القول ان هناك سياسة واضحة لمسالة التعليم في مصر؟ د/حسام بدراوي: الرؤية في غاية الوضوح تعال ناخذ ظواهر الامور ومحتوياتها الجزء الفني المهني للتطوير يعني المناهج وخلافه امم غيرنا حققت تقدم واحنا بناخد منها عندما تدير منظومة واسعة للتعليم زي مصر فيها 20 مليون تلميذ والالاف من المدارس والمؤسسات التعليمية عليك ان تحدد نفسك احنا متفقين انه يبقى عندنا حجم حراك فعال انجاز في قطاعات بعينها في التعليم لانك ما تقدرش تعمل كل حاجة في نفس الوقت لانكم لا تملك الامكانات انك تعمله فقلنا الحجم الحراك الفاعل دا هيبقى مرحلة عمرية بعينها واخترنا مرحلة 14 سنة و18 سنة اللي هي المرحلة الثانوية بشقيها الفني والعام دا مش معناه انك ناسي الباقي كل امورك ماشية فيه او عدد من المحافظات اتنين او تلاتة يتحقق فيهم التطوير باشكاله المختلفة عاموديا من مدير المدرسة الى غفير المدرسة او مجموعة من المناهج اللي اخترنا لها العلوم والرياضيات والتكنولوجيا واللغات وفي التعليم العالي اخترنا عدد من المؤسسات اللي تعمل فيها التطوير بشكل زي اللي بيسموه ال FAST TRACK الاطر دي بيحكمها شئ رئيسي وان المدرسة هي محور التطوير عشان كده كان فيه تشريع لضمان الجودة وتشريع خاص بالمعلم انه يكون فيه التدريب الكافي والاطار والرغبة والاطار اللي بيتم فيه لانه انت بتعتمد عليهم في التغيير دا المناخ اللي من غيره متقدرش تحقق مهما قلت اطر التطوير ، لو انت قلت ان المرحلة العمرية اللي هتعملوا فيها طفرة من 14 ل18 هتعملوا فيها .. اتحط لها قواعد بتقول انه 12 مشروع بيطبق في جميع المدارس الثانوية اللي هي حوالي 1300 عدد قليل عدد تلاميذ محدود وعدد اعضاء التدريس محدود 12 مشروع موازناتهم موجودة على الحكومة ان تطبقها خلال ال3 سنوات القادمة عشان الناس تبتدي تحس بأثر هذا التطوير ، المناهج بقى ايه التدريب يتم ازاي الادارة اللا مركزية تتم ازاي حاجات ممكن تحقيقها عبد اللطيف المناوي: احنا مجتمع يتجاوز عدد سكانه ال80 مليون بنتكلم عن الطلبة والتلامذة بيتجاوزوا ال20 مليون السؤال هو هذه النماذج من المشروعات هل هي مشروعات حقيقية ام تجريبية يعني انت بتتكلم على 20 مليون طالب هل ال12 مشروع في 3 سنوات هيشعر بيهم ال20 مليون طالب دول ولا لسه هنجرب؟ د/حسام بدراوي: احنا بقالنا 60 سنة بنقول احنا عاوزين نطور التعليم وفيه مسارات ماشية في تطوير التعليم احنا اللي بنقوله دا بنقول انه عشان تعمل طفر ة في حد حرج يجعل المجتمع طكرف في المشاركة معاك في تطوير الباقي لازم تعمل QUICK WINفوز ملموس للمجتمع عبد اللطيف المناوي: الحجم الحرج المقصود بيه انه حالة الاحتياج الشديد ايه المقصود بالظبط؟ د/حسام بدراوي: الحجم الحرج يحس المجتمع يشعر المجتمع بانه اذا حققت النجاح فيه ممكن ان ينضم لك المجتمع في هذه الحالة ودا مرحلة المرحلة اللي وراها ايه ما انت عشان تطور مرحلة تعليمية بعينها لازم تكون جاهز باللي قبليها واللي بعديها فدا جزء متكامل بيتم مع بعضه المرحلة من 14 ل17 سنة في التعليم العام جزء صغير الباقي في التعليم الفني هيحصل فيهم ايه لما يروحوا التعليم الفني من غير ما يكون عندك الاطار اللي بيتعاون فيه القطاع الخاص مع المجتمع بكافة اشكاله مع الدولة مع النظام اللي انت بتحطه ماهواش شغلة وزارة التربية والتعليم دا شغل اكبر من ذلك اطار اتعمله مشروع نجحح المشروع يتحول الى اجراء مؤسسي يضم 63% من تلامذتنا في سن 14 سنة عبد اللطيف المناوي: احد الموضوعات المطروحة المسألة الخاصة بالتمويل احنا التمويل في العملية التعليمية ربع دعم الطاقة تقريبا السؤال هو كيف يمكن تطوير المسالة الخاصة بتطوير التعليم د/حسام بدراوي: انت عشان تعمل طفرة في التعليم يبقى لازم تعمل تمويل 6 ل8 % من الدخل العام يعني معدي التريليون وال200 مليار عبد اللطيف المناوي: احنا بنتكلم عن 120 مليار مثلا د/حسام بدراوي: انت النهاردة التعليم بياخد 3.4 من الدخل القومي رغم زيادته المطلقة في الرقم يعي انت زودت رقميا كتير لكن دخلك القومي زاد اكتر تعداد سكانك كمان بيزيد طيب هنجيبهم ازاي لازم تجيبهم باختيارات لازم المجتمع يبقى شريكك في انه يبقى مستعد انه ياخد من المنطقة دي ويحط هنا لكن هل اللي انا بتكلم عليه بشكل مستدام لمدة 15 سنة دا ممكن تحقيقه من ميزانية الدولة فقط طبعا لا لازم يكون فيه مصادر لدخول تمويل جديد في التعليم عشان تقدر تحقق هذه النسبة عبد اللطيف المناوي: ايه هي المصادر؟ د/حسام بدراوي: قبل ما اخش في المصادر اقولك انه احسن استخدام ماهو متاح لانك انت اذا اديت موازنة النهاردة للتعليم 83% مثلا بيروح مرتبات وعدد المرتبات انت مش محتاجه في العملية التعليمية فانت بتصرف فلوسك في منطقة غلط ، المصادر المبتكرة جزء منها مرتبط بثقة المجتمع على تنفيذ اللي انت بتقوله يعني الفلوس اللي بتروح للدروس الخصوصية اللي قد تصل من 15 ل17 مليار جنيه المجتمع ارتضى انه يحطها في اطار غير شرعي ومحطهاش في الاطار الشرعي لتمويل التعليم مش ممكن ينقلها عندك الا لو شاف نجاح ، هل في التعليم العالي انت مضطر انك تصرف على التعليم العالي من ميزانية الدولة ماذا لو كان هناك اطر لتمويل الطلاب في التعليم العالي دا احنا عملنا برنامج تمويلي لشراء فيلا هناك برامج تقدر تحطها لتمويل الطلاب لاستخدامها في التعليم العالي من غير ما يدفع عائد عليها لا يسددها الا بعد التخرج والعمل عبد اللطيف المناوي: خليني اقترح عليك قبل الاقتراح دا حاجة تانية وهو مسألة دعوة قطاع الاعمال والقطاع الخاص ورجال الاعمال والمصانع الكبرى للدخول كطرف للقيام بدورها المجتمعي ايضا في تطوير العملية التعليمية د/حسام بدراوي: يعني اذا انت بتعتمد فقط على العملية التعليمية لانه التعليم الفني من غير القطاع الخاص هو صاحب المصنع وصاحب الانتاج عبد اللطيف المناوي: بهدف خدمة هذا القطاع وليس بهدف عمل بيزنس جديد د/حسام بدراوي: هو من مصلحته ان يجد العمالة الفنية وهناك نماذج جيدة دا غير انك بتعمل اطر غير تقليدية لتمويل التعليم بأشكال مبتكرة .. عايز اقولك هنضع اطر متعددة لتطوير التعليم واحد منها احط فلوسي احطها هنا ولا احطها في التعليم احطها في البشر ولا احطها في قضاء حوائج الناس اللحظية انا في رأيي الاستثمار في البشر هو اهم استثمار للدولة عبد اللطيف المناوي: من خلال هذا الحوار دعوة لفتح الحوار المجتمعي الجاد وحقيقي ومحدد الاهداف للوصول الى نتيجة في موضوع حيوي ومهم دكتور حسام بدراوي شكرا جزيلا السيدات والسادة شكرا لكم والى اللقاء
