عبد المنعم حسين يكتب: الثورة قايمة

يا اللى دم الولاد ملطخ يدك
وكل اللى فات ما كفك
ولا خت من اللى قبلك عِبر
ولا الدرس علمك ووعظك
مش حنحكى تاريخ
لكن حتى الحاضر ما نفعك
ضربت البرئ بالقلم
قام القلم صفعك
خَد البطل ولا ألف قلم يصفعه
ويعلم الظُلم على خدك
توب البطوله عملاق
تيجى تلبسه
تلاقيه أبداً مش قدك
الثوره امواج تتلاطم
تشيل سفن وتبحر
وتمحيك
يا اللى كتبت على الرمل اسمك
والتاريخ ولا بيفتكرك
إلا لو نحت ع الصخر رسمك
الثورة قايمه
يا تقوم معاها
يا تُعبر خطواتها على جسمك