لم تتباين آراء قراء «الدستور الأصلي» كثيرا حول مسلسل "آدم" لبطله تامر حسني، فقد اتفق العشرات من القراء على المستوى الضعيف الذى ظهر به المسلسل بل وذهب البعض إلى رفض مشاهدة مثل هذه المسلسلات وبالأخص مسلسل تامر حسني الذي وصفوه ب"المنتفع" و"عدو الثورة والثوار"، فى حين انتقد البعض طريقة تامر الدائمة فى اللعب على مشاعر المراهقين. وفيما يلى بعض تعليقات القراء على المسلسل: Ahmad El-sharkawy بصراحة يا جماعه التمثيل أوفر اوفر اورفر. وماجد المصرى مزودها جدا جدا جدا وكمان احمد زاهر مش قادر يقنعنى أنه طيب واللى زاد وغطى تصريح تامر حسنى قبل العرض ان المسلسل يكشف الوجه القبيح لأمن الدولة. والاخراج وزوايا التصوير سيئة جدا جدا. تامر نفسه اكبر مشكلة فيه انه محسسنى انه بيمثل عليا طول الوقت والسهوكة بتاعته مش قادرة تقنعنى. Ahmad Abdl hady أنا ما تابعتش أي مسلسل السنة دي عشان كنت مقرر اني ارشد الاستهلاك اليومي بتاعي من القرف والملل والتخلف العقلي والشلل الرباعي بس شفت البرومو بتاع "آدم" بالصدفة قبل رمضان ما يبتدي.... ضحك السنيييييييييييييين... يعني انا كان ممكن اصدق ان المخلوع كان شريف وعفيف ونضيف بس لا يمكن اصدق ان "تموره" يمسك مسدس وينشن ويضرب نار! المسدس الوحيد اللي الشخص دة ممكن اتخيل انه يمسكه هو مسدس المية! انا بس ملاحظ حاجة غريبة مش كانوا بيفرحونا بإن احد انجازات الثورة ان مسلسلات رمضان حتقل أوي لإنه مفيش ميزانيات ومفيش وفلوس وطبعاً اسطوانة عجلة الانتاج اللي نايمة وكوز المحبة اللي اتخرم والممثلين اللي خفضوا اجورهم عشان "الأزمة"! فيين الكلام دة كله؟ امال إيه شلال المسلسلات اللي اتحدفنا فيه دة؟ ايشحال لو مكانوش فالقين دماغنا بالوضع الاقتصادي المنيل؟ أومال لو كان اقتصادنا زي الفل كانوا عملوا فينا ايه ايه؟ ولاّ هي الأزمة الاقتصادية دي بس للعمال الغلابة اللي عايزين يزودولهم الحد الأدنى بتاعهم بطرية الري بالتنقيط؟ Ahmad hassan السيناريو هايل بيقدم حاجات مهمه جدا التصوير ممتاز ادوار امن الدولة جميلة جدا الاخ تامر لو حسبنا الدقايق اللي مثلها ف المسلسل كله متهيالي مش هتعدي خمسين دقيقة الموسيقى التصويرية خراااااااااااااافة mona Gebaly أفتح اي موقع بينزل مسلسلات هتلاقي ان اكتر مسلسل بينزل حلقاته مسلسل ادم وبجد المسلسل انا كنت مفكره انه هايف في الاول لكن بجد ده افضل سيناريو وحوار وحلقاته مليانه بألثاره كفايه ماجد المصري وامن الدوله والشر والله ع اخلاق الظابط احمد زاهر مفروض دول يكونو ابطال ولا مفروض ليه كل نجوم المسلسل هم ابطال مي وكريم والبت العسل الصحفيه دي كله كله mostafa fathy أنا شايفه مسلسل سطحي ومباشر وقصته مستهلكة ولكن صورته حلوة وجذابة،شايف أيضا أداء ماجد المصري مبالغ فيه إلى حد ما إنما تامر فهو لازم يستخدم تيمةالشاب المطحون المظلوم الشهم الجدع القوي بس ياعيني حظه مش حلو وميعز الدين أدائها ضعيف ومش عارف إيه اللي بيعمله مجدي بدر وإيه اللازمة اللي بيعملها بسخافة دي ،بس عجبني أداءأحمد زاهر بغض النظر عن التوجيه المباشر لصفات الإنسان الكويس بوجه عام وضابط أمن الدولة بوجه خاص. tark kaboo مسلسل ميستهلش الضجة اللى كانت معمولة علشانة قبل رمضان اداء باااااااااااااااااااااهت جدا من تامر حسنى اثبت انو ملوش فى سياسة النفس الطويل ولا عمل المسلسلات هو اثبت انو كبيرو خالص انو يعمل فيلم وكفاية لحد كدة والله انا مستخسر الموسيقى التصويرية بتاعتة من العملاق ياسر عبد الرحمن. backr badr انا لااشاهد هؤلاء المتسلقون المنتفعين وعيب عليهم كفاية وانا لا اشاهد الا الجزيرة ومباشر ولو كنت مكان هؤلاء الممثلين كنت ابحث عن عمل اخر. eslam adel تامر فضل 20 حلقة لابس الكوفية ويوم ماقلعها لبس في قضية. مسلسل الحسن والحسين مسلسل اليوم: الحسن والحسين البطولة: رشيد عساف - خالد الغوري - بدور الحسن - محمد المجالي - فارس الحلو تأليف: محمد اليساري ومحمد الحسيان المنتج : محمد العنزي ومحمد الحسيان إخراج: عبد الباري أبو الخير تدور أحداث المسلسل حول الفقصة التاريخية للحسن والحسين من يوم مقتل علي -رضي الله عنه- وحتى مقتل الحسين.
