أماني سعيد محفوظ تكتب: كفايه

رَكَك ع اللي سيّيب حبله ع الغارب
لكل من هب ودَب
وياريته كان عاجب
اللي يطَلَقك من راحتك
وانت من كِعانك شارب
راجل انت ولّا مفيش في وشك شارب
ليه سايب اللي يزوء
واللي علي راسك يدق
بميت شاكوش مسنون
ووراه منين ما يكون
واللي ف زحام الأرض إدالك كتف
والكدمه مش بتخف
ماتقوم وقوله كفايه
وعن دماغي خِف
ليه دايق انت المُر
وتقول عسل بيشُر
علي نفسك كِدِبت مره
والباقي جُم بالمره
تستحمل ليه يا صاحبي
متعيش ودمك حُر
تقول عليه ليه سيدك
وقصاده ليه بتهُر
إديت للكل فرصه
يعمل فيك مابداله
وتدافع عنه حق
والعلقه تاخدها بداله
قوم واطرد اللي استعبدك
وف بؤجه لم عزاله
مين غيرك انت يردلك
ومين حيرضى يبص لك
وانت بتقول وماله
رافع علم سلبيتك
وبتهتف ليه ب جلاله
ما كفايه من فيك بحلقوا
غمزوا ولَمزوا واتريقوا
قالوا الجدع مسكون
ولّا عبيط مجنون
كون انت مين ما تكون
بس المهم
كفايه
صوتي قبل 25 يناير