1 - خافت تموت وحيدة فاتجوزت جواز تقليدي خافت تموت من الضرب فخلعت جوزها خافت إن الناس يتكلموا عليها فاتجوزت تاني خافت إنها تطلق تاني فقتلته!!! 2 - خاف مايدخلش هندسة فجاب مجموع كبير و لما دخلها وملقاش نفسه فيها خاف يسيبها ليقولوا عليه فاشل!! 3 - خافت تحكيله عن أحلامها وأفكارها ليشوفها سطحية لقيته متنرفز وبيتخانق عشان الزمالك خسر!! 4 - خافت تتجرح فجرحت واحد بيحبها بجد!! 5- خاف يقولها انه بيحبها ليخسر صديقة عمره بع.. دت عنه لأنها خافت تقوله إنها بتحبه فتخسر كرامتها! 6 - خاف يسألهم بتضربوني ليه لحسن يضربوه زيادة فمات من غير مايعرف ذنبه. 7 - خافت ماتبعتش الكلام اللي كتبته لورشة ضربة شمس فتفضل ندمانة إنها محاولتش وفضلت خايفة لما بعتته لحسن لو اتنشر مايعجبش حد.