تخلصي من خوفك المبالغ فيه

هاي إزيكم أنا بحب الموقع ده أوي مشكلتي إني سأتم 25 سنة آخر السنة وبين ماما وبابا مشاكل جامدة مؤثرة جدا عليّ حتى لما بيتقدم لي حد ما بيكونش مناسب بارفض وخايفة أوي إني أتعاقب على ذنب أنا ما عملتوش أقصد الخلافات اللي بينهم طبعا وماحدش مناسب يتقدم لي وعمري ما حبيت حد وباخاف أوي من الحب ده وخايفة من بكرة أوي إني أبقى عانس وأنا ماليش ذنب في انفصالهم عن بعض وكأني باتعاقب، مع العلم إني محترمة جدا وخجولة وشكلي كويس الحمد لله بشهادة اللي حواليّ عاوزة أقفل على نفسي، وفي نفس الوقت خايفة أرتبط بحد مش مناسب وتتكرر المآسي من تاني، أنا تعبت بجد ومش عارفة أعمل إيه، قولوا إنتم لو سمحتم أعمل إيه؟
nn