بالفيديو.. خطوات عمل شينيون مميز لعروس 2010

أهلا بكم في حلقة جديدة ومعايا ومعاكم النهارده مصفف الشعر "عامر الساحلي" اللي هيشرح لنا طريقة عمل شينيون بسيط مميز وطبيعي لعروسة 2010..
وأكتر حاجة لازم نهتم بها بالنسبة للعروسة هو إن الماكياج والتسريحة يكونوا بيتميزوا بالبساطة والرقة علشان تبان بشكل طبيعي وهادي وجذاب في نفس الوقت..

ودلوقتي تعالوا نتفرّج على الفيديو اللي بيوضح لنا خطوات عمل شينيون تحفة وبالتفصيل...
الخطوة الأولى
قبل ما نبدأ في عمل الشينيون بنكون مجهزين الشعر وعاملينه على شكل كيرلي رفيع علشان في النهاية يدينا شكل حلو، وبنقسم الشعر لأكتر من جزء يعني بنلم الجزء الأمامي من الشعر، وبنقسم الشعر من ورا لثلاثة أجزاء، وبعد كده بنمسك الجزء اللي في نص الرأس لوحده وبنربطه، والجزء ده هو اللي بنثبت فيه الحشو اللي هيدينا في النهاية الشكل العالي للشينيون.

إضغط لمشاهدة الفيديو:

الخطوة الثانية
في الخطوة دي هنبدأ نداري الحشو اللي حطيناه بالشعر الطبيعي، وبعد ما هنداري الحشو كله بالجزء الخلفي من الشعر.

إضغط لمشاهدة الفيديو:

الخطوة الثالثة
بعد ما غطينا الحشو بالشعر، هنبدأ في خطوة جديدة وهي تثبيت الإكستينشن "الشعر المستعار" على الشعر الطبيعي علشان يدينا كثافة أكتر للشعر؛ لأن التسريحة دي بتعتمد في الأساس على الإكستينشن "الشعر المستعار".
وبعد ما ركبناه هنقسمه لخصلات صغيرة، وهنلفه على الشعر بنفس الطريقة اللي عملنا بها الشعر الطبيعي في الأول.

إضغط لمشاهدة الفيديو:

الخطوة الرابعة
ودي آخر خطوة معانا واللي هنتعامل فيها مع الجزء الأمامي من الشعر أو القصة، وهنرجعها على ورا، بحيث تدينا شكل "بومبيه" بس مش هنعمله عالي أوي يعني يكون مناسب مع الوش علشان ما يعملش شكل أكبر؛ لأن زي ما قولنا إن البساطة هي أهم حاجة.

إضغط لمشاهدة الفيديو:

وبكده تكون خلصت حلقتنا النهارده.. ونتمنى إن الشكل النهائي يكون عجبكم..
وإن شاء الله نقدم لكم كل جديد في الحلقات القادمة..
وفي انتظار استفساراتكم ومقترحاتكم..
ميرسي ليكم "إيمان ايوب"..