اتحملت كتير...؟

أنا سيدة متزوجة بقالي 18 سنة، وعندي ولدين أكبرهم 16 سنة وأصغرهم 12 سنة مشكلتي هي زوجي وهي تقريبًا من أول يوم جواز، هو عصبي بيتلكك ويتريق علي أي حاجه أعملها ويتدخل في أي حاجة في البيت في الأكل وفي ترتيب البيت وفي تعاملاتي مع الآخرين، وفي علاقتي بولادي ولازم كلامه هو اللي يتنفذ سواء كان صح أوغلط أو نقدر نعمله أو… لا .. وممكن يتدخل في لبس الولاد وفي قص شعرهم وفي اختيارتهم ويجبرهم علي كده ومش مقتنع أنهم كبروا يختاروا حاجتهم بنفسهم.
يعني مثلًا يفرض علي الأبن أكل البيض مسلوق وهو بيحبه مقلي وتحصل مشكلة بينهم وعلي طول فيه فرق في تعاملاته مع الأولاد، وبحس إن طباعه قاسي وجاف وخصوصًا لو أي حد عارضه في شئ وعلي فكرة علاقته بأهله فيها مشاكل وعشان كده مش بيتدخلو في أي مشكلة تحصل بينا، أنا برضه مش ملاك ولي أخطاء ولي حاجات تغيظ بس ده بيكون رد فعل لحاجات بتحصل
موقف أخر احنا كلنا ساكنين في بيت واحد مع أهلي ولو أي حد عايز أي حاجة من التاني من وجهة نظره عيب لما نطلب من حد رغم إن دا عندنا عادي
بصراحه أنا مش قادره أتأقلم علي تفكيره وعلي أسلوبه، ولما تحصل مشكلة يفضل يعيد في حاجات حصلت من أول الجواز ويحاسبنا عليها ولو أي حد تدخل لايحترم رأيه ويقول أنا مش صغير عشان حد يوجهني ومش بيحترم الكبير، ولا بيحترم أبوه ولو أهلي تدخلو يفضل فترة كويس ويرجع تاني زي الأول..علي فكرة هو كريم جداً في بيته وفي طلبات الأولاد…
أنا حاسه إني مش هقدر استمر علي الوضع دا لأن نفسيتي تعبت وصحتي في النازل ومش قادرة أكون في مكان هو موجود فيه وكل من حواليا يقولولي لازم تستحملي عشان خاطر الأولاد بس أنا شايفه لو مفيش تفاهم واحترام بين الزوجين العيشه تبقي صعبة قوي، يعني الواحد يتحمل شخص يكون مضايق أو متغاظ منه لكن يستحمل شخص يكون بيكره ده صعب وحتي الأولاد مفيش تفاهم بينهم وبينه لدرجة إن ابني بيقولي أنا مش عايزه يقعد معانا وساعات يفضل فترات كتيره بره البيت عشان مش عايز يرجع يلاقي أبوه
أنا قلتله في وشه إني مش عايزه أعيش معاك قالي انا اخلص بمزاجي، وأنا عارفه انه بيقول كده؛ لأنه مفيش مكان يقعد فيه غير هنا وخصوصاً إنه عامل مشاكل مع أهله ومع العلم كمان ان الشقه اللي قاعدين فيها باسمي، أنا من كتر يأسي الدنيا اسودت في وشي وأخدت أدويه وشرايط حبوب كاملة كتيرة ورا بعضها كنت عايزه أرتاح وعشان ربنا بيعاقبني محصليش أي حاجه
قولولي أعمل أيه
أرجوكوا أفيدوني بسرعة أنا تعبانه جدًا مش مستحمله
صديقتنا العزيزة
أنتي متزوجة من هذا الشخص منذ 18عام ورضيتي بهذا الوضع ليس على نفسك فقط بل وعلى أولادك، فالخطأ هنا مشترك وتتحمليين فيه يا سيدتي الكثير من اللوم والعتاب،أولاً خطأ الزوج، في أنه لايرى ولا يسمع إلا نفسه، ويريد التحكم والتسلط في كل من حوله حتى يشعر بأنه يهيمن على كل شيء، والخطأ الثاني عليكي يا سيدتي الفاضلة فكان لابد من تأسيس هذه العلاقة من البداية، حتى يعرف أن الزواج ليس مجرد مرأة تلبي احتياجاته فقط وتسمع وتطيع دون أن يكون لها رأي "يعني تخدم وتخلف وتربي" فجعل منك آلة لاتفعل إلا عندما يعطيها الأمر، عذرًا يا سيدتي فالحقيقة غالبًا ما تكون قاسية وموجعة، ولكن تعالى الآن لنرى هل نستطيع أن نغيير ولو بعض الشيء في هذه الحياة، فبعض الناس سيقولون، من شب على شيءٍ شاب عليه، وأن أقول أن الإنسان سيظل يتعلم حتى الموت، ولكن إذا كان عنده رغبة في التغيير، ومن هنا يجب أن نعلم أن الأمر ليس سهل ويحتاج لبعض الوقت والجهد منك ومن الأولاد ولا تستسلمي ولا تنمي الشعور السلبي للأولاد تجاه والدهم فهذا ليس من مصلحتك .
أبدأي مع أولادك بالحوار فهم في سن يستطيعون أن يشاركون برأيهم، وأعرضي المشكلة وأسمعي ما يدور بداخلهم ولكن دون أن تذمي في والدهم ، وحاولوا أن تتوصلوا لحلول، ولتكن البداية بالحوار الهادئ مرات ومرات ولا تيأسوا حتى يعلم أنكم لابد أن يكون لكم رأي يسمع له فهو لا يعيش بمفرده، وليست قراراته ستعود عليه وحده بل ستعود عليكم جميعًا، فلو فشل الحوار فلابد من رد فعل قوي يشعره بالخطأ، فليكن مثلاً أن تبتعدوا عنه فترة حتي يشعر بأن كل من حوله يبعدون عنه ويرفضوا طريقته.