حلم 20

الحلم:
أنا شفت في منامي قطة سوداء واقفة جنب سريري، وبتعضّني في إيدي أكتر من مرة، وأنا باحاول أنادي على حد ييجي يمشّيها؛ بس صوتي ماكانش طالع، وماكنتش عارفة أتكلّم.. وبعدين صحيت من النوم، ونمت تاني في نفس اللحظة، وحلمت إني باحاول أحكي لعمّي على الحلم بتاع القطة؛ بس كان فيه ناس كتير، وماعرفتش أبلّغه بيه.. ولما خرج من بيتنا نده عليّ وسألني: حلم إيه اللي زعّلك كده، ولما جيت أحكي له على الحلم تاني، كنا في الشارع قدام بيت عمتي، وسندت على الحيطة بتاعة البيت؛ ولكن فجأة لقيت أعمامي وعمّاتي بيجروا عليّ وبيقولوا لي: ماتسنديش على السور ده لحسن يُقع بيكِ، وأنا حسيت إن السور قصير ومايل، وكان بيميل أكتر.
يشير هذا الحلم إلى شعور الحالم بعدم الأمان في البيئة المحيطة بك، وخوفه من كل شيء واعتقاده أنه يوشك أن يؤذيه حتى لو كان ذلك بلا سبب، كما يشير إلى عدم ثقتك بشكل كامل فيما تملكين من قدرات تؤهلك للتصدّي لأي موقف مزعج ومنحك ما تدافعين به عن نفسك، أو فيمن حولك ليحموك وقت الحاجة.