مافيش حاجة تخليكي متأكدة إنه لسه بيحبك

أنا محتاجة ردكم أوي، أنا بحب واحد قريبي من عائلة ماما، بحبه أوي من أولى ثانوي وأنا خلّصت كلية دلوقتي، وعندي 22 سنة، وهو كان معايا من أيام الثانوي، وكنا بنحب بعض من غير ما نصرّح لبعضنا.. وبعدين أنا دخلت الجامعة واتقابلنا صدفة، وأخدنا تليفونات بعض، واتكلمنا واعترف لي بحبه، وأنا اعترفت له إني بحبه من 8 سنين، ومش قادرة أنساه.
في الفترة الأخيرة بدأ يبعد، وبعد فترة يرجع ويقول لي ظروف ومشاكل.. أنا اللي أعرفه إن مستواهم الاجتماعي كويس، وهو أكبر واحد في إخواته، ومعاه الشغل بتاعه، هو بيشتغل وبيدرس، كمان معاه معرض خاص به لوحده؛ لكن لسه ماخلصش دراسته.
أنا مش عارفة هو بيبعد ليه عني؛ على الرغم من إن مافيش حد في حياته غيري؟ أنا متأكدة من كده.. دلوقتي باحاول أوصل له علشان أكلّمه، وأحاول أفهم منهم؛ لكن مش عارفة أوصل له.. أعمل إيه؟ وكمان مش قادرة أنسى ورفضت ناس اتقدموا لي علشان لسه بحبه.
قولوا لي وردّوا عليّ علشان أنا تعبانة أوي.

L

لو عايز تفضفض لنا دوس هنا