حلم 9

الحلم:
أنا حلمت إني في بيتنا، وبعدين في حد عايز يشتري بيتنا، ولما رفضنا بيحاولوا يقتلونا، وكنا أنا وأمي وإخواتي نايمين في أوضة واحدة، وفجأة شفت إن السقف مفتوح، وإن فيه حد من أعلى البيت بيرمي علينا حجر كبير بغرض إنه يموّتنا، وأنا لمحت الحد ده، وكان كل البيت نايم، وشلت حاجة زي لوح خشب وحميت إخواتي بيه، وبعدين طلعت الصالة في بيتنا، وفضلت أزعّق علشان الناس دي، وباحاول أحمي أمي وإخواتي، والشخصيات دي لسه بتحاول تدخل بيتنا وأنا اللي واقف لهم، وفضلوا يضربوا فيّ أنا وأمي؛ بس ضربهم ما كانش بيؤثّر وخالي مسافر بره مصر لقيتوا جاي في الحلم وبيضرب الناس دي، ومسك واحد قطع أطرافه كلها، وبعدين جه واحد كنت مرتبطة بيه وإحنا منفصلين حالياً، وحمانا وأنا من خوفي ضميته وفضلت ماسكة فيه أوي، وجه الراجل الشرير ضرب أمي بحاجة زي المنشار؛ بس أنا اللي أخدت الضربة، ورجعت تاني حضنت اللي كنت بحبه.
يشير الحلم إلى عدم شعورك بالأمان في البيئة المحيطة، والبحث عن شخصية تكون جديرة بالثقة والحب تجدين فيها الحماية لك ولأمك وأسرتك؛ ولذلك قام العقل الباطن بتجسيد هذه الشخصية على أقرب الصور في ذهنك لها وهو حبيبك السابق.