البنت بتروح مع جوزها مكان ما يروح

أحب أبدأ كلامي بأن أشكر موقع "بص وطل" على المجهود الرائع في الرد على كل الرسايل، وده اللي بيخليني أثق في الردّ والرأي الصح.
أنا بحب ابن عمي أوي، وهو كمان بيحبني أوي، وصعب أعيش بدونه، وهو كمان لأننا لبعض، وصعب إن حد فينا يكمّل من دون التاني.
هو الحمد الله متدين ومن أسرة قمة في الأخلاق والدين، وكل الناس بتحبه، وكل الأهل حابين نكون لبعض لأنهم عارفين مدى حبنا لبعض.
بس فيه مشكلة ما حدش عارف يحلها، هي إنه عايش مع أسرته في مطروح، وأنا مع أسرتي في إسكندرية، هو بييجي أيام الدراسة.. بابا رافض إني أعيش هناك؛ لأن مطروح مش زي إسكندرية في الخدمات وفي كل شيء؛ غير إن بابا عرض عليه إنه يوفر له كل شيء ممكن يكون عقبة لو هو عايش هنا؛ الشغل والشقة، مقابل إنه يعيش هنا ويجتهد على قدر ما يقدر، وربنا يقدّره.. وباباه عايزه جنبه هناك في مطروح.
مع العلم إن هناك ما فيش غير الشغل بس هي الفرصة المتاحة له، وما فيش لا شقة ولا أي شيء تاني.. هو مش عايز يغضب أهله، وأنا مش عارفة أعمل إيه أو أقول له إيه.

S.A

لو عايز تفضفض لنا دوس هنا