حلم 9

الحلم:
أنا حلمت حلمين: الحلم الأول: حلمت إن ماما وبابا وأخويا كنا مسافرين، وهنركب من محطة القطر وكلنا واقفين على المحطه مستنيين القطر علشان نركب كلنا؛ ففجأة جه القطر بسرعة، وما حدش فيهم ركب غيري، وأول ما ركبت القطر طلع بسرعة أوي، وبِعِد عن الرصيف، وبقيت أبصّ لهم من بعيد، وهم يبصوا لي، ومش عارفين نعمل إيه القطر أخدني ومشي، وهم واقفين على المحطة . الحلم التاني: فيه واحدة في الشارع بتبيع خضار وكده؛ فكنت رايحة أشتري من عندها حاجة؛ فلقيت واحد راجل شاب من الشباب اللي بيستعفوا الناس ماسك إيدها غصب عنها، وزي ما يكون بيتخانق معاها، وبيحاول ياخد منها فلوس؛ فحاولت أدافع عنها، وزقيته بعيد عنها، وقعدت أصرخ وأزعق فيه؛ فطبعاً حاول يستعفني، وقعدت أجري وهو يجري ورايا، المهم حاولت استخبى منه في مدخل أي عمارة، دخل ورايا وشافني وكان في إيده سكينة وضربني بيها.
يشير حلمك الأول إلى أن حياتك ستأتي إلى مرحلة ما وتنفصلين عن أهلك بسبب دراسة أو زواج.. أما حلمك الثاني فيشير إلى الخوف من المجهول وعدم الإحساس بالأمان في البيئة التي تعيش فيها، ومما يمكن أن تفاجئك به الحياة ولم تكن على استعداد له أو تتوقّع حدوثه لك، وعدم الثقة بشكل كامل فيما تملك من قدرات وإمكانات أن تسعفك وقت الحاجة إليها للخروج من أي مأزق يصادفك، ويتطلب منك التصرّف بشكل سريع، وأيضاً عدم ثقتك فيمن حولك أن يمدوا لك يد المساعدة أو يشعروا بما تعاني من أزمات، وظنّك أن هناك من ينتهزون الفرصة للانقضاض عليك.