الحلم: حلمت إن عندي بنت؛ مع العلم إني كنت لسه ما اتجوزتش.. المهم البنت دي كانت أمورة أوي وكبيرة في حجمها، وهي عمالة تتنطط وتضحك أوي وأنا بابص لها من بعيد؛ بس خايفة أشيلها، وماما وأخويا في الحلم عمالين يقولوا لي احضنيها دي أمورة أوي، وبتضحك وأنا عمالة أقول لهم لا أنا خايفة منها أصلها كبيرة أوي، أخويا شالها وحطها في حضني بالعافية فأنا حضنتها بخوف جامد كده، وبعد كده رحت منزّلاها على طول، وفضلت أبص لها من بعيد وابتسم لها. يشير حلمك إلى أنك مقبلة على حياة جديدة؛ ولكنك تخشين من حياتك تلك وتتخوفين منها، وربما يشير حلمك أيضاً إلى ارتباطك بشخص لكنك لا تقتنعين به ويحاول أهلك إقناعك بقبوله والزواج منه.