اللبان مش للتسلية وبس..

أعدّه لكم: آية أشرف
أغلبنا بيحب ياكل اللبنان علشان بيكون مذاقه حلو وكمان بيسلينا، لكن المفاجئة النهاردة أننا هنعرف مع بعض إن اللبان ممكن نستفيد منه، مش بس ناكلة علشان نتسلى.
وفوائد اللبان هي:
1- يخلصك من التوتر
يساعد مضغ اللبان على التخفيف من حدة شعورك بالتوتر والقلق والعصبية، وقد أثبتت الدراسات أن الطلاب اللذين يمضغون اللبان أثناء المذاكرة يكونون أكثر تركيزا وأقل توترا، فعليك بمضغ اللبان كلما شعرت بالقلق أو التوتر.
2- يساعد في إنقاص الوزن
أوقات كتير بنكون شبعانين لكن بنحس إننا عاوزين ناكل أي حلويات أو بنشعر بالجوع لمجرد التفكير في الأكل وده من أهم الأسباب اللي تسبب السمنة، في الحالة ديه ممكن نستعين باللبان علشان نسيطر على الإحساس ده، لأنه بيحتوي على عدد قليل جدا من السعرات الحرارية، وبيساعد في محاربة الرغبة في الأكل.
3- يحسن عملية الهضم
مضغ اللبان من الأشياء اللي بتعمل على تحسين عملية الهضم بشكل سهل، لأنه بيساعد على إفراز المواد التي تساعد على هضم الطعام بصورة أفضل، وبالتالي ممكن الوزن يقل نتيجة سهولة عملية الهضم.

4- يحارب تسوس الأسنان
مضغ اللبان بعد كل وجبة قد يساعد في التخلص من بقايا الطعام اللي بتتراكم على الأسنان، وتتسبب في تسوسها وضعفها، وكمان بتعمل المادة الصمغية الموجودة في اللبان كمادة كاشطة تساعد على التخلص من طبقة الجير الموجودة على الأسنان، وتساعد أيضا على إراحة النفس.
وبكدة بيكون خلص موضوعنا..
استنونا في موضوعات تانية كتييير..