فطائر الجبنة على "سفرة دايمة"

أعدّها لكم: نيرة أحمد
النهارده هنعمل مع بعض فطائر الجبنة الشهية ليكي ولأسرتك وممكن تقدميها مع الشاي في الفطار.
فطائر الجبنة
المقادير:
1⁄2 كوب دقيق أبيض
1⁄2 كوب دقيق قمح
2 كوب جبنة فلامنك مقطعة شرائح (أو جبنة رومي مبشورة)
1⁄4 كوب زيتون مخلي مقطع قطع صغيرة
ملعقة صغيرة بيكينج بودر
علبة زبادي
رشة ملح
الطريقة:
1- امزجي الدقيق الأبيض مع دقيق القمح كويس، وبعدين ضيفي عليهم باقي المكونات واعجنيهم مع بعض كويس، لحد ما يتماسك الخليط.
2- افردي العجينة في صينية مدهونة بنسبة بسيطة من الزيت، وبعد كده ابدأي قطعيها إلى مربعات صغيرة.
3- دخليها فرن درجة حرارتة 180 درجة مئوية لحد ما يبقى لونها دهبي، وبعد كده طلعيها وقدميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،